Germaine Ahidjo
| Germaine Ahidjo | |
|---|---|
 | |
| Mohumagadi wa Cameroon | |
| In office Motsheganong a le malatsi a matlhano ngwaga wa 1960 – Ngwanatsele a le malatsi a marataro ngwaga wa 1982 | |
| President | Ahmadou Ahidjo |
| Morago Ga Gagwe | Jeanne- Irene Biya |
| Ka Ga Ena | |
| O tsetswe | Tlhakole a le lesome le motso ngwaga wa 1932 Mokolo, Cameroon |
| O Tlhokafetse | Moranang a le masome mabedi ngwaga wa 2021 Dakar Senegal |
| Mokgatlho | Cameroonian National Union |
| Mo/Bakapelo | Ahmadou Ahidjo |
| Bana | Ba le bane |
Germaine Habiba Ahidjo (o o tshotsweng ka Tlhakole a le lesome le motso ngwaga wa 1932[1] - a tlhokafala ka Moranang a le masome mabedi ngwaga wa 2021) e ne e le mopolotiki le mooki wa kwa Cameroon. E ne e le mosadi wa ga tautona wa ntlha wa Cameroon, Ahmadou Ahidjo. Ka jalo e ne e le mohumagadi wa Cameroon go tswa ka 1960 go tsena 1982.[2]
Botshelo jwa gagwe
[fetola | Fetola Motswedi]Germaine Ahidjo o tshotswe ka 1932 kwa Mokolo kwa kgaolong e e kwa bokone jwa Cameroon.[3] Mmaagwe e ne e le wa morafe wa Fulani raagwe e le a Corsican.[3]
Ka 1942, o ne a aloga ka setlankana sa Yaounde. Morago o ne a ya sekolong sa basetsana kwa Douala, kwa e leng New-Bell High School gompieno.
Ka 1947, o ne a fiwa thuso ya madi go ya France, kwa a alogileng e le mooki ka 1952 a itebagantse le malwetsi a mafelo a a bokgola.[4][5]
O ne a nna tsala le Ahmadou Ahidjo ka 1995, ba nyalana ka Phatwe a le lesome le bosupa ngwaga wa 1956.[6] Ba ne ba na le bana ba basetsana ba le bararo: Babette, Aissatou le Aminatou. O ne a na le ngwana wa mosimane gape a bidiwa Daniel Toufick, o a mo tshotseng pele ga a nyalwa ke Ahidjo. Mohamadou Badjika Ahidjo, o gompieno e leng mothusa moemedi wa mafatshe, ke morwa Ahidjo le mosadi wa gagwe wa ntlha, Ada Garoua. Morago ga go ithola marapo ga monna wa gagwe ka 1982 le go atlholelwa loso ga gagwe a seo ka ntlha ya go tsaya karolo mo thankgolong puso ga 1984, ba ne ba itshetlela kwa Dakar, Senegal, kwa a neng a nna teng. Monna wa gagwe o tlhokafetse ka Ngwanatsele a le masome mararo ngwaga wa 1989. O ne a lwela go busediwa ga molora wa gagwe kwa Cameroon.
O tlhokafetse ka Moranang a le lesome le borobabongwe ngwaga wa 2021, a le dingwaga di le masome a robabobedi le borobabongwe kwa Dakar, Senegal, kwa a neng a lwala ka lobaka.[7]
Tlotla
[fetola | Fetola Motswedi]Metswedi
[fetola | Fetola Motswedi]- ↑ "Would the date of Youth Day Celebrations be a tribute to the birthday of former First Lady Germaine Ahidjo ?". Archived from the original on 20 April 2021. Retrieved 30 October 2025
- ↑ Rebecca Neh Mbuh; Mark W. Delancey; Mark Dike DeLancey (2019). Historical Dictionary of the Republic of Cameroon. Rowman & Littlefield Publishers. p. 34. ISBN 9781538119686. Retrieved 30 October 2025
- 1 2 Foute, Franck (20 April 2021). "Cameroun: décès de Germaine Ahidjo, veuve de l'ancien président Ahmadou Ahidjo". Jeune Afrique. Archived from the original on 20 July 2023. Retrieved 30 October 2025
- ↑ Madeleine, Tchuinte (2014). Grandes figures féminines du Cameroun. Yaounde: Minresi. pp. 21–22.
- ↑ "Germaine Ahidjo: "Je laisse Biya seul face à sa conscience"". cameroon-info.net. 10 May 2010. Archived from the original on 14 May 2010. Retrieved 30 October 2025
- ↑ "Germaine Habiba Ahidjo". data.bnf.fr. Archived from the original on 3 August 2023. Retrieved 30 October 2025
- ↑ "Cameroon: Wife of former President Ahmadou Ahidjo passes away". Journal du Cameroun. 20 April 2021. Archived from the original on 23 April 2021. Retrieved 30 October 2025
- ↑ Boletín Oficial del Estado