Gertrude Nakabira

Gertrude Nakabira
Mopalamente wa Uganda wa mme, a emetse kgaolo ya Lwengo
In office 2011–2016
Pele Ga Gagwe	Kgaolo e ntsha ya botlhopi
Morago Ga Gagwe	Cissy Dionizia Namujju
Ka Ga Ena
O tsetswe	1962
O Tlhokafetse	Firikgong a le lesome le borobabongwe ngwaga wa 2020 Kampala Uganda
Polokelo	Kibengo, Sembabule, Uganda
Mo/Bakapelo	Emmanuel Lubega (ba nyalane ka 1988; o tlhokafetse ka 2020)

Gertrude Nakabira Lubega (o o tshotswe ka 1962 a tlhokafala ka Firikgong a le lesome le borobabongwe ngwaga wa 2020) e ne e le mopolotiki wa kwa Uganda o o berekileng e le mme wa mopalamente o o tlhophilweng kwa kgaolong ya Lwengo ka 2011 go tsena 2016. Pele ga a tlhophiwa, o ne a berekile ka lobaka mo mohameng wa thuto, a nna mo ofisara wa thuto wa kgaolo ya Sembabule.

Botshelo jwa gagwe

Gertrude Nakabira Lubega o tshotswe ka ngwaga wa 1962. O berekile e le morutabana, o feditse dingwaga di le masome a mararo le botlhano mo tirong eo. Ka ngwaga wa 2005, o ne a nna mo ofisara wa thuto wa kgaolo ya Sembabule, go fitlhelela ka 2010.

Mo ditlhophong tsa 2011 tsa Uganda, o ne a tlhophiwa mo phathing ya National Resistance Movement ele moemedi wa mme wa kgaolo ya Lwengo. Ka ngwaga wa 2013, ka moletlo wa go ipelela dingwaga di le masome mabedi le botlhano mo lonyalong kwa khanseleng ya Kinoni, kwa kgaolong ya Rwampara, tautoa Yoweri Museveni o ne a mo pakela maitlamo a gagwe mo tlhabololong le go fedisa lehuma mo kgaolong ya gagwe.

Mo dilthophong tsa Uganda tsa 2016, o ne a tlogela setilo sa moemedi wa mme go phadisanela setilo sa kgaolo ya borwa jwa kgaolo ya Bukoto. Le fa go ntse jalo, ka nako ya letsholo la go phadisanela setilo, o ne a supiwa ka monwana gore o tsieditse mo go tsa thuto, le go tlhoka go nyalana ga nako e a feditseng thuto ya legare le matsalo a gagwe. O ne a felela a latlhegelwa kgatlhanong le Muyanja Mbabaali a tswa mo palamenteng.

Morago ga lwala ka lobaka, o ne a robadiwa kwa sepateleng sa Nsambya, kwa a neng a tlhokafala ka ntlha ya kankere ka Firikgong a le lesome le borobabongwe ngwaga wa 2020 a le dingwaga di le masome matlhano le bosupa. O ne a bolokwa kwa Kibengo, kwa kgaolong ya Sembabule, ka Firikgong a le masome mabedi le bobedi.

Gertrude o ne a nna kwa Lwengo a na le mogolowe wa mme a bidiwa Irene Nakabira. O ne a nyetswe ke Emmanuel Lubega ka 1988.