Gwen Ramokgopa

Gwen Ramokgopa
Motshwara madi wa African National Congress
Incumbent
Assumed office Morule a le lesome le borobabongwe
President	Cyril Ramaphosa
Pele Ga Gagwe	Paul Mashatile
Mogokgo wa Tshwane University of Technology
Incumbent
Assumed office Seetebosigo a le lesome ngwaga wa 2015
Pele Ga Gagwe	Phumzile Mlambo-Ngcuka
Mokhanselara wa Gauteng wa botsogo
In office Tlhakole 2017 – Motsheganong 2019
Premier	David Makhura
Pele Ga Gagwe	Qedani Mahlangu
Morago Ga Gagwe	Bandile Masuku
Mothusa tona wa botsogo
In office Phalane a le masome mararo le motso ngwaga wa 2010 – Motsheganong 2014
President	Jacob Zuma
Pele Ga Gagwe	Aaron Motsoaledi
Morago Ga Gagwe	Joe Phaahla
Mothusa modulasetilo wa kgaolo ya Gauteng wa African National Congress
In office Motsheganong 2010 – Phalane 2014
Pele Ga Gagwe	Nomvula Mokonyane
Morago Ga Gagwe	David Makhura
Mmatoropo wa Tshwane
In office Mopitlo a le lesome le bosupa ngwaga wa 2006 – Phalane a le masome mararo le motso ngwaga wa 2010
Modulasetilo	Paul Mashatile
Pele Ga Gagwe	Smangaliso Mkhatshwa
Morago Ga Gagwe	Kgosientso Ramokgopa
Modulasetilo le moeteledipele wa khansele ya ANC kwa Pretoria
Ka Ga Ena
O tsetswe	Gwen Malegwale Ramokgopa Atteridgeville Transvaal Aforika Borwa
Mokgatlho	African National Congress
Mo/Bakapelo	Allen Lephoko
Bana	ba bararo
Thuto	Medical University of South Africa

Gwen Malegwale Ramokgopa ke mopolotiki wa kwa Aforika Borwa o a neng a tlhophilwe e le motshwara madi wa African National Congress (ANC) ka Sedimonthole 2022. Pele e ne e le mothusa tona wa botsogo ka fa tlase ga ga tautona Jacob Zuma go tswa ka Diphalane 2010 go tsena Motsheganong 2014.

Ke ngaka ka thuto, Ramokgopa o simolotse tiro ya gagwe ya sepolotiki kwa pusong ya kgaolo ya Gauteng. E ne e le mokhanselara wa botsogo kwa Gauteng go tswa ka 1999 go tsena 2006 le gape ka 2017 go tsena 2019. E ne e le mosadi wa ntlha go nna mmatoropo wa Tshwane go tswa ka 2006 go tsena 2010, fa a tlhatlosiwa maemo go ya ofising ya puso. Ka nalo eo, e ne e le leloko la komiti ya kgaolo ya Gauteng a bereka e le mothusa modulasetilo wa kgaolo a thusa Paul Mashatile (2010 go tsena 2014) le e le mothusa mokwaledi wa ANC wa kgaolo a thusa Hope Papo (2014 go tsena 2018). O ne a tlhophiwa go ya komiting e le lantlha ka 2017.

Botshelo jwa a le mmotlana le thuto

Ramokgopa o bonetswe a bo a godisediwa kwa Atteridgeville, motsana o o kwa ntle ga Pitori kwa e leng kgaolo ya Gauteng gompieno (pele e ne e le Transvaal). O ne a aloga mo dithutong tsa  bongaka ka 1989 kwa Medical University of South Africa, a bereka e le ngaka kwa bookelong ba Ga-Rankuwa go fitlhelela ka 1992. Mo dingwageng tse di latelang o ne a nna mo maemong a a farologaneng mo botsogong jwa setshaba, morago ka 2007, o ne a aloga ka Master's degree ya public Health.

Tiro ya gagwe mo pusong

Mokhanselara wa botsogo: 1998 go tsena 2006

Ka 1999, o ne a tlhomiwa mokhanselara wa botsogo kwa kgaolong ya Gauteng moeteledipele wa yone e le Mbhazima Shilowa, o go neng go bolelwa ba utlwana thata. Ka 2003, o ne a baka ngangisano e potlana ka go gwetlha gore bookelo ba Ga-Rankuwa (kwa a neng a bereka teng pele) se fetolwe leina go reelelwa ka ngaka ya mo gae le molweladitshwanelo George Mukhari, phathi ya kganetso ya Democratic Alliance e ne ya re Ramokgopa ga a buisana le setshaba ka tswetso eo le gore o gwetlhiwa ke botsalano jwa gagwe le lolwapa lwa ga Mukhari. O ne a tswa mo bokhanselareng ka 2006.

Mmatoropo wa Tshwane:2006 go tsena 2010

Ka Mopitlwi 2006, pele ga ditlhopho tsa 2006, Ramokgopa o ne a tlhophiwa e le mme wa ntlha go nna mmatoropo kwa Tshwane, a eteletse pele mmasepala wa Tshwane. Fa a le mmatoropo o ne a sala morago letsholo la maikaelelo a go ntshafatsa Pitori - toropokgolo ya tsamaiso ga Aforika Borwa le bontlha jwa kgaolo ya Tshwane, go e bitsa Tshwane. Pampiri ya dikgang ya Daily Maverick e ne e re ke mmatoropo wa mathata. O dule mo tirong eo ka Sedimonthole 2010 a tlhatlhamiwa ke setlogolo sa gagwe, Kgosientso Sputla Ramokgopa.

Mothusa tona wa botsogo:2010 go tsena 2014

Ramokgopa o dule mo ofising ya mmatoropo ka tautona Jacob Zuma a ne a mo thapile mothusa tona wa botsogo wa lefatshe ka tswakanyo ya matona ya Phalane a le masome mararo le motso, ka fa tlase ga ga tona Aaron Motsoaledi. Ka Motsheganong 2014, morago ga ditlhopho tsa 2014, o ne a tlhatlhamiwa ke Joe Phaahla e le mothusa tona.

Ngwaga o o latelang, ka megwanto ya baithuti ya #FeesMustFall, o ne a tlhomiwa mogokgo wa Tshwane University of Technology, e le maemo a go ipela fela, o ne a tswelela a le mogokgo ka Ngwanatsele 2021.

Mokhanselara wa botsogo:2017 go tsena 2019

Ka Tlhakole 2017, Ramokgopa o ne a busediwa kwa maemong a gagwe a pele e le mokhanselara wa Gauteng wa botsogo, gompieno a busediwa ke moeteledipele David Makhura. O ne a tlhatlhama Qedani Mahlangu, o a neng a ithotse marapo morago ga kgang ha Life Esidimeni e sena go tswa. Fa a tsaya maemo ao, Ramokgopa o ne a solofetsa  gore lephata la gagwe le tlaa lebelela maitemogelo a, le ntswa go le thata, le leke go batla ditsela tsa go busetsa tshepho ya batho ba rona mo tsamaisong ya rona ya botsogo. Ka ditlhopho tsa Motsheganong 2019, o ne a seka a tlhophiwa gape mo khanseleng ya Gauteng, a tswa mo setilong seo.

Tiro ya gagwe kwa ANC

Komiti ya kgaolo 2010 go tsena 2018

Ka Motsheganong 2010, fa a santse a le mmatoropo wa Tshwane, Ramokgopa o ne a tlhophiwa go nna mothusa modulasetilo wa kgaolo ya Gauteng mo ANC, a thusa Paul Mashatile. O ne a fenya Bafana Sibisi go tlhophiwa mo maemong ao, a amogela ditlhopho di le makgolo a matlhano, lesome le boraro kgatlhanong le ya ga Sibisi ya makgolo a mararo, masome a marataro le bone, a bonwa a ne a phadisana e se ka semmuso fo tshwantshangwa le Mashatile. Kwa bokopanong jwa phathi jwa kgaolo jwa ditlhopho ka Phalane 2014, o ne a tlhophiwa mothusa mokwaledi wa kgaolo wa ANC a bereka ka fa tlase ga ga Hope Papo, a fetsa ditlha tse nne mo ofising eo pele ga a tlhatlhamiwa ke Nomantu Nkomo-Ralehoko ka 2018.

Ofisi ya ga mokwaledi mogolo: 2022

Kwa bokopanong jwa masome a matlhano le bone jwa ANC ka Morule 2017, Ramokgopa o ne a tlhophiwa go ha komiting ya lefatshe (NEC). Morago o ne a nna wa tlaleletso mo komiting ya pereko ya NEC. Ka 2022 o ne a tsaya maokarabelo a mangwe kwa diofisi kgolo tsa ANC kwa Luthuli House: ka mokwaledi mogolo wa ANC Ace Magashule a ne a seegetswe kwa thoko, mothusa mokwaledi mogolo Jessie Duarte a lwala, o ne a thapiwa go nna morulaganyi mo ofising ya mokwaledi mogolo go thusa mokwaledi o o tshwareletsenf Paul Mashatile ( o a neng gape a bereka e le motshwara madi). Ramokgopa o ne a supiwa a utlwana le tautona wa nako eo ebile e le tautona wa ANC Cyril Ramaphosa.

Motshwara madi wa ANC: 2022

Pele ga bokopanong jwa ANC jwa masome a matlhano le botlhano, Ramokgopa o ne a bonwa e le ntlhopheng o o siametseng maemo a mokwaledi-mogolo. Ka Phalane 2022, o ne a kwalwa e le motshwara madi o o batliwang, mo go bonthopheng ba ba neng ba tlhomilwe ebile ba dikolosiwa ka dipalo tsa phathi ya lekgamu le le batlang Ramaphosa. Ka nako ya ba tlhophiwa, le fa go ntse jalo, makalana a phathi a ne a sa eme nokeng letsholo la gagwe la go tlhagelela mo pampiri ya ditlhopho.

Fa bokopano bo simolola ka Morule 2022, Ramokgopa o ne a amogela ditlhopho di le pedi tsa motsotso wa bofelo go tswa mo bokopanong. O ne a gana tlhopho ya go ema e le mothusa mokwaledi-mogolo, mme a amogela tlhopho ya go emela botshwara madi. Ka Morule a le lesome le borobabongwe, go ne ga bolelwa fa a fentse ditlhopho ka 41.76%, o ne a amogela ditlhopho di le sekete, makgolo a robabobedi le borobabongwe, a tshwantshanngwa le tse di sekete, makgolo a marataro, masome a matlhano le bobedi tsa ga Pule Mabe, makgolo a matlhano le masome a robabongwe a tsa ga Bejani Chauke, le makgolo a mabedi, masome a robabobedi le motso a tsa ga Mzwandile Masina.

Botshelo jwa gagwe

O nyetswe ke Allen Lephoko, ba na le bana ba le bararo mmogo.