Jump to content

Helena Kirop

Tsenya dikgolaganyo
Go tswa ko Wikipedia

Helena Loshanyang Kirop (o tshotswe ka kgwedi ya Lwetse e le boferabongwe (19) ka ngwaga wa 1976) ke motabogi wa sekgala se seleele wa kwa Kenya yo o ithutetseng go taboga marathone. Nako ya gagwe e e gaisang mo sekgaleng seo ke ya diura di le 2:23:37 (e e tlhomilweng ka ngwaga wa 2011) mme o fentse Prague International Marathon le Venice Marathon.

Kirop e ne e le mofenyi wa bobedi kwa Amsterdam Marathon wa ngwaga wa 2006 le Rotterdam Marathon wa ngwaga wa 2007 mme o ne a le mo maemong a boraro kwa Berlin Marathon le Dubai Marathon. O ne a emela Kenya mo marathong kwa World Championships in Athletics ka ngwaga wa 2009.

Ke tlhogo ya Helena Kirop Foundation, mokgatlho o o thusang go tlamela thuto go basetsana ba ba tswang mo malapeng a a humanegileng mo ditšhabeng tsa Turkana le Pokot.[1]

O tsholetswe kwa Kapenguria, West Pokot District, mme ga a ka a kgona go gaisana mo metshamekong ya maemo a a kwa godimo fa a ne a le monnye. Ka ngwaga wa 2004, ene le monna wa gagwe e bong Peter Lomuria, ba ne ba dumela go fudugela kwa Eldoret gore Kirop a simolole go thapisiwa. Ba ne ba na le bana ba le babedi mme ba ne ba sa bereke mme a lemoga khumo e e neng e ka tlisiwa ke go taboga marathone mo diatleletiking tsa Kenya.[1] O ne a simolola go gaisana mo dikgaisanyong tsa kwa Yuropa tsa go taboga mo tseleng go tloga ka ngwaga wa 2005 go ya pele. O ne a eteletswe pele ke Gianni Demadonna,[2]Kirop o ne a simolola motshameko wa gagwe wa marathone ka ngwaga wa 2006 mme a itlhaganela go itshupa ka phenyo ya gagwe ya ntlha kwa Casablanca Marathon.[3]O ne a tsaya maemo a boraro kwa Ottawa Marathon mme a tlhoma rekoto ya gagwe ya nako ya 2:28:51 hours go fetsa jaaka mofenyi wa bobedi morago ga Rose Cheruiyot ka ngwaga wa 2006 Amsterdam Marathon.[4]

Mo ngwageng wa gagwe wa bobedi wa go taboga marathone, o ne a nna wa bobedi kwa Rotterdam Marathon mme a tokafatsa rekoto ya gagwe kwa Berlin Marathon, kwa a neng a nna wa boraro ka nako ya diura di le 2:26:27. Kirop o ne a boela kwa kgaisanong ya kwa Berlin ka ngwaga wa 2008 mme le fa a ne a le wa boraro mo ngwageng wa bobedi o o latelanang, o ne a tokafatsa nako ya gagwe gape ka go taboga diura tse 2:25:01.[5] Ka ngwaga wa 2009 Dubai Marathon o ne a taboga nako ya bobedi e e bofefo mo tirong ya gagwe (2:25:35) le fa pula e ne e na mme a fetsa mo maemong a boraro morago ga Baethiopia Bezunesh Bekele le Atsede Habtamu.[6] O ne a simolola kwa Boston Marathon ka Moranang wa ngwaga oo, mme o ne a se ka a atlega jaaka a ne a dira kwa Dubai ka a ne a fetsa mo maemong a botlhano.[5]

Kirop o ne a tlhophiwa go tsenela marathone a basadi ka ngwagaa wa 2009 World Championships in Athletics  ⁇  o ne a sala a le mo setlhopheng sa ba ba eteletseng pele mo letshwaong la 25K, mme morago ga moo o ne a fokotsega mme kwa bofelong a tswa mo kgaisanong eo gotlhelele.[7][8]O ne a tsaya tshwetso ya go tsenela Portugal Half Marathon ka October mme o ne a duelwa ka phenyo mo go Ana Dulce Félix le Marisa Barros.[9] Ngwaga wa gagwe o ne wa fela ka phenyo kwa Shoe4Africa 5K kwa Iten, e a neng a tsene mo go yone e le go ikatisetsa go tokafatsa lobelo lwa gagwe.[10]

Kgwedi morago ga moo o ne a taboga nako e e gaisang ya 2:24:54 mo marathong, mme a nna wa boraro gape mo lobelong lwa Dubai. [11] Morago ga go fetsa ka maemo a boraro kwa Stramilano Half Marathon,[12]o ne a taboga rekoto ya 2:25:29 go fenya kwa Prague International Marathon wa ngwaga wa 2010  ⁇  motsotso o o potlakileng go feta letshwao le le fetileng le metsotso e mebedi pele ga mofenyi Alevtina Ivanova.[13]

Kirop o ne a kgona go tsaya maemo a borobongwe fela kwa Dubai Marathon wa ngwaga wa 2011 mme a nna wa borataro le fa a ne a dirile nako ya 1:09:50 kwa Lisbon Half Marathon ka kgwedi ya Mopitlwe.[3][14] O ne a le wa bobedi morago ga Mary Keitany kwa Portugal Half Marathon wa ngwaga wa 2011 mme a taboga ka nako ya 1:08:57 diura (bothata jo bosha jwa gagwe). [15]O ne a latela ka kgwedi ya Phalane kwa Venice Marathon, koo nako ya gagwe ya 2:23:37 mo tseleng e e dithaba e neng ya tokafatsa rekoto ya lobelo ka metsotso e le meraro. [16]Rekoto e nngwe ya go taboga e ne ya tla kwa Taipei Marathon ka kgwedi ya Sedimonthole, fa a ne a tlola mo e ka nnang metsotso e le mebedi le halofo ya letshwao la ga Yeshi Esayias.[17]

O ne a taboga diura di le 2:26:00 kwa Tokyo Marathon wa ngwaga wa 2012 ka kgwedi ya Tlhakole mme a nna wa boraro morago ga Esayias.[18] O ne a taboga thata mo Cologne Marathon ka nako ya diura di le 2:25:34. Phenyo e nngwe e ne ya tla ka ngwaga wa 2013 kwa Roma City Marathon, koo a neng a le lobelo go le gonnye ka nako ya diura di le 2:24:40.[19]

  1. 1 2 Butcher, Pat (2010-05-07). Kirop and Ivuti, traveling two different roads to the Marathon. IAAF. Retrieved on 2011-10-01
  2. ↑ Helena Kirop[dead link]. Demadonna. Retrieved on 2011-10-01
  3. 1 2 Helena Kirop. Marathon Info. Retrieved on 2011-10-01.
  4. ↑ van Hemert, Wim (2006-10-15). Narrow win for Busendich in Amsterdam. IAAF. Retrieved on 2011-10-01.
  5. 1 2 Helena Kirop Archived 2011-11-10 at the Wayback Machine. World Marathon Majors. Retrieved on 2011-10-01
  6. ↑ Butcher, Pat (2009-01-16). Despite heavy rains, Gebrselassie clocks 2:05:29 in Dubai. IAAF. Retrieved on 2011-10-01
  7. ↑ 2009 World Championships Marathon Women Archived 2009-11-10 at the Wayback Machine. IAAF. Retrieved on 2011-10-01
  8. ↑ Kirop Helena. IAAF. Retrieved on 2011-10-01
  9. ↑ Fernandes, Antonio Manuel (2009-10-04). Sang defends, Kirop surprises at Portugal Half Marathon. IAAF. Retrieved on 2011-10-01.
  10. ↑ Makori, Elias (2009-12-21). Training run ends up in victory for Kirop in Iten – Shoe4Africa women’s 5km. IAAF. Retrieved on 2011-10-01
  11. ↑ Butcher, Pat (2010-01-21). Gebrselassie fights off back pain and late race challenge to collect third Dubai victory. IAAF. Retrieved on 2011-10-01
  12. ↑ Sampaolo, Diego (2010-03-22). Mosop clocks 59:20 in Milan Half Marathon. IAAF. Retrieved on 2011-10-01
  13. ↑ Butcher, Pat (2010-05-09). Massive breakthrough for Kiptanui - 2:05:39 in Prague Archived 2010-05-28 at the Wayback Machine. IAAF. Retrieved on 2011-10-01.
  14. ↑ Fernandes, Antonio Manuel (2011-03-20). Tadese blazes 58:30 in Lisbon, second fastest Half Marathon ever. IAAF. Retrieved on 2011-10-01
  15. ↑ Fernandes, Antonio Manuel (2011-09-25). Keitany smashes race record in Lisbon. IAAF. Retrieved on 2011-09-30.
  16. ↑ Sampaolo, Diego (2011-10-23). Kirop smashes women’s record in Venice. IAAF. Retrieved on 2011-10-23.
  17. ↑ African runners win Taipei marathon. The China Post (2011-12-19). Retrieved on 2011-12-23.
  18. ↑ Nakamura, Ken (2012-02-26). Kipyego wins Tokyo Marathon, Gebrselassie fades to a disappointing fourth. IAAF. Retrieved on 2012-02-27.
  19. ↑ Sampaolo, Diego (2013-03-17). Terfa and Kirop triumph in Rome Marathon. IAAF. Retrieved on 2013-03-24.
Retrieved from "https://tn.wikipedia.org/w/index.php?title=Helena_Kirop&oldid=46168"