Hendrik Witbooi (mopolotiki)

Hendrik Witbooi
Mothusa tonakgolo ya Namibia
President	Sam Nujoma
Pele Ga Gagwe	Libertina Amathila
Tona wa tsa pereko
Ka Ga Ena
O tsetswe	Firikgong a le malatsi a supa ngwaga wa 1934 Gibeon,Hardap
O Tlhokafetse	Phalane a le lesome le boraro ngwaga wa 2009 Windhoek
Mosetshaba wa	Namibian
Tiro	Mopolotiki

Hendrik Witbooi (leina la gagwe la setso !Nanseb IGabemab; o o tshotsweng ka Firikgong a le malatsi a supa ngwaga wa 1934 a tlhokafala ka Phalane a le lesome le boraro ngwaga wa 2009) e ne e le mopolotiki wa kwa Namibia ebile e le kgosi ya bosupa ya morafe wa IKhowesin. E le leloko la SWAPO go tswa ka ngwaga wa 1976 go fitlhelela a tlhokafala, Witbooi o ne a tla le merafe e e farologaneng e le mmalwa ya Nama mo lekgotleng leo la kgololesego.

Botshelo jwa gagwe

A kile a isiwa kgolegelong makgetho a le mantsi a nako ya ntwa ya boipuso ya Namibia, Witbooi o tlhophilwe pele go nna mothusa tautona wa SWAPO ka ngwaga wa 1984, a tlhophiwa gape labofelo ka ngwaga wa 1997. E le leloko la palamente ka 1989 go tsena 1990, Witbooi o berekile mo palamenteng go fitlhelela a ithola marapo ka 2004, o kile a nna mo fa bosupi gape go tswa ka 1990 go tsena 1995 fa a le tona wa tsa pereko le tlhabololo babereki.

Witbooi o ne a nna mothusa tonakgolo wa Namibia wa ntlha ka 1990. O nnile mo maemong ao go fitlhelela ka 2005.

Ka Phalane ngwaga wa 2009, Witbooi o ne a itemogela mathata a tsa botsogo a idibala kwa sepateleng sa roma sa kwa Windhoek. O tlhokafetse ka Phalane a le lesome le boraro ka ntlha ya kankere.

Witbooi e ne e le kokomane ya ga Hendrik Witbooi, moeteledipele o a neng a goga ba ba mosetseng morago kgatlhanong le bokolone jwa Yuropa.