Hinda Déby Itno

Hinda Déby Itno
Mohumagadi wa Chad
In office Phalane a le malatsi a mabedi ngwaga wa 2005 – Moranang a le masome mabedi ngwaga wa 2021
President	Idriss Deby
Pele Ga Gagwe	Hadja Halime
Morago Ga Gagwe	Dahabaya Oumar Souni
Mohumagadi wa African Union
In office Firikgong a le malatsi a a masome mararo ngwaga wa 2016 – Firikgong a le masome a mararo ngwaga wa 2017
President	Idriss Deby
Pele Ga Gagwe	Grace Mugabe
Morago Ga Gagwe	Djene Kaba Condé
Ka Ga Ena
O tsetswe	Moranang a le malatsi a matlhano ngwaga wa 1980 N'Djamena
Mo/Bakapelo	Idriss Déby
Bana	Bana ba le batlhano

Hinda Déby Itno (o o tshotsweng ka Moranang a le malatsi a matlhano ngwaga wa 1980) ke mohumagadi wa pele wa Chad, o o berekileng go tswa ka 2005 go tsena 2021. E ne e le mosadi wa ga tautona wa pele Idriss Déby.

Botshelo jwa gagwe

Itno o tsholetswe kwa toropokgolo ya Chad N'Djamena ka 1980, ke ngwana wa ga Mahamat le Mariam Abderahim Acyl. Rraagwe e ne e le moemedi wa Chad kwa mafatsheng a mangwe o o berekileng kwa ofising ya kemedi ya Chad kwa Washington D.C. Ene e le mokwaledi wa lefatshe wa botsogo, pereko le selegae go tswa ka Phukwi ngwaga wa 1976 go tsena Lwetse 1978. Rraagwe o ne a ithola marapo morago ga go bereka dingwaga di le dintsi e le mogakolodi kwa N'Djamena, mme o ne a thapiwa go nna moemedi wa Chad kwa Sudan ka 2010.

Maemo

Ka Phalane a le malatsi a mabedi ngwaga wa 2005, o ne a nna mosadi wa tautona wa Chad, a bidiwa mohumagadi, ka a ne a na le basadi ba bangwe.

Ka 2014, go ne ga tlhamiwa lekgotla la khansele ya basadi ka kemo nokeng ya gagwe. Achta Djibrine Sy o ne a nna mothusa autona wa lekgotla leo le le neng le lwantsha tlhaolele.

Itno o ne a ratela Sy go bereka ka thata. Ka Phatwe a le lesome le motso ngwaga wa 2019, Sy o ne a thapiwa ke tautona wa Chad Idriss Deby Itno go nna tona wa dikgwebo le mehama, le maphata a a ikemetseng.

Ka 2017, ka molao wa France, o ne a fiwa boagedi jwa France le bana ba gagwe ba batlhano, ba botlhe ba tsholetsweng kwa France. Lefatshe la Chad le letla banni ba lone go nna le boagedi jwa mafatshe a mabedi.

Itno o thapilwe go nna moemedi o o faphegileng wa thibelo ya HIV ke lekgotla la UNAIDS le le ikaelelang go fedisa bolwetsi boo ka 2030.