Hlobisile Dlamini

Hlobisile Dlamini
Leloko la khansele ya KwaZulu-Natal
Incumbent
Assumed office Ngwanatsele a le masome mabedi le botlhano ngwaga wa 2020
Ka Ga Ena
Moagi Wa	mo Aforika borwa
Mokgatlho	African National Congress
Botsalano	Nkosazana Dlamini-Zuma

Hlobisile Salvatoris Dlamini, o o itsegeng gape ka leina la gagwe la lonyalo la Hlobisile Ngxongo, ke mopolotiki wa kwa Aforika Borwa o o emetseng African National Congress kwa kgaolong ya KwaZulu-Natal fa e sale ka Ngwanatsele 2010, go sa balelelwe go ikhutsa ga Motsheganong 2019 go tsena Ngwanatsele 2020. Ke mothusa modulasetilo wa kgaolo wa ANC kwa lekalaneng la bokone kwa kgaolong ya Umkhanyakude kwa KwaZulu-Natal.

Lolwapa le pereko

Dlamini ke monnawe tona Nkosazana Dlamini-Zuma. Ka ngwaga wa 1999, o ne a tlhagelela kwa kgotlatshekelong ya kgaolo a lebisitswe melato ya tsietso go amana le madi a ka nna didikadike di le tharo, a ene le bobedi jo bongwe ba neng ba lebisitswe molato wa go a utswa mo pusong ka 1996 go tsena 1998. E ne e le mookamedi wa kompone ya lekgotla la bomme la Maputoland, e baatlhodi ba reng e dirisitswe go utsa madi go a isa mo matloleng a bone. Monna wa ga Dlamini, Sipho Ngxongo, le ene o ne a tshwarwa a lebisiwa molato o o tsamaelanang le tsheko eo. Mo tshekong e e tsereng lobaka, o ne a re ga a ipone molato, a gololwa ka 2003.

Tiro ya sepolotiki

Ka Ngwanatsele a le lesome le borobaobedi ngwaga wa 2010, Dlamini o nea tlhomiwa semmuso mo setilong sa ANC kwa KwaZulu-Natal, a tlhatlhama John Mchunu o a neng a tlhokafetse kgwedi e e fetileng. Mo ditlhophong tsa 2014, o ne a tlhophiwa setlha se se tletseng e le lantlha, a le mo maemong a masome mararo le boraro mo lenaaneng la ANC la kgaolo. Ka Morule 2014, o ne a tlhophiwa gape e le mothusa modulasetilo wa kgaolo wa ANC mo kgaolong ya bokone kwa Umkhanyakude, a bereka fa tlase ga ga modulasetilo wa kgaolo Bethuel Mthethwa.

Ka dilthopho tsa 2019, o ne a emela ditlhopho gape mme a bewa mo maemong a masome mane le borobabobedi mo lenaaneng la ANC, a seka a iponela setilo mo go tse di masome mane le bone tse di neng di fentswe ke ANC. Le fa go ntse jalo, o ne a tlhomiwa gape semmuso ka Ngwanatsele a le masome mabedi le botlhano ngwaga wa 2020, a tlhatlhama Mluleki Ndobe o a neng a sa tswa go tlhokafala kgwedi yone eo.