Hugh Masekela
Hugh Masekela | |
|---|---|
.jpg) | |
| Tsalo | Hugh Ramapolo Masekela 4 Moranang 1939 |
| Leso | 23 Ferikgong 2018 (aged 78) Johannesburg, South Africa |
| Tiro |
|
| Dingwaga tsa a le mo tirong | 1956–2018 |
| Bana | Selema Masekela |
| Masika | Barbara Masekela (sister) |
| Tiro ya boopedi | |
| Mefota | |
| Didirisiwa | |
| Labels | |
| Maranyane | hughmasekela |
Hugh Ramapolo Masekela (4 Motsheganong 1939 - 23 Firikgong 2018)[1] e ne ele raporompeta, motshameki wa diletso tsa flugelhorn le sa cornet, moopedi le motlhami wa dipina o nne a kaiwa jaaka "rragwe mmino wa jazz ya South Africa". Masekela o ne a itsege ka ditlhamo tsa gagwe tsa jazz le go kwala dipina tse di itsegeg thata tse di kgalang puso ya aparateite di tshwana le ya "Soweto Blues" le ya "Bring Him Back Home". O ne gape a na le e digogang kopele mo US pop hit ka 1968 ka motlhale wa gagwe wa "Grazing In The Grass".
Botshelo Jwa Pele
[fetola | Fetola Motswedi]Hugh Ramopolo Masekela o belegetswe ka lekeishaneng la KwaGuqa ko Witbank (e jaanonog e beidiwang Emalahleni), South Africa ke Thomas Selena Masekela o nne ele mokanoki wa botsogo gape a bopa difikantswe le mosadi wa gagwe Pauline Bowers Masekela, yo neng ele mmaboipelego.[2] Monnawe wa mosetsana, Barbara Masekela ke mmoki, morutuntshi le morotloetsi wa ANC. Fa a sale ngwana, o simolotse go opela le go tshameka piano mme a godisiwa bontsi jwa botshelo ja gagwe ke nkukuagwe, yo a neng a butse felo la nnotogi le le sa letlelelwang go rekisetsa babereki ba meepo.
Fa ale dingwaga di le lesome le bone, morago ga go bona baesekopo ya 1950 e gotweng Young Man with a Horn (e mo go yone Kirk Douglas a tshamekang ele moletsi wa cornet wa kwa America Bix Beiderbecke), Masekela o ne a simolola go letsa torompeta. Terompeta ya gagwe ya ntlha o e reketswe mo bekeleng ya mo gae ke Archbishop Trevor Huddleston,[3] moruti wa mogana apareteite kwa sekolong se segolwane sa St. Peter's Secondary se jaaning se itsegeng ele St. Martin's School (Rosettenville).[4][5]
.jpg)
.jpg)
Huddleston o ile a kopa moiteledipele wa setlhopa sa diporompeta sa maloba sa Johannesburg "Native" Municipal Brass Band go ruta Masekela dikgato tsa ntlha mo go letseng torompeta.[6] Masekela ka pele ke fa a setse a na le botshwiriri ja seletswa. Go ise go ye kae, bangwe ba batsena sekolo nae le bone ba nna le kgatlhego mo go tshamekeng diletswa, seno se felela se baka go tlhamiwa ga setlhopha sa jazz sa Huddleston, ele sone sa banana mo ditlhopheng tsa batshameki ba diletso ba Aforika Borwa.[6] Erile fa Louis Armstrong a utlwalela ka ga setlhopha mo tsaleng ya gagwe Huddleston, o ile a romela nngwe ya diporompeta tsa gagwe ele mpho go Hugh.[3] Ka 1956, fa a sena go etelela ditlhopha tsa baopedi le baletsi tse dingwe, Masekela o ne a kopana le ba Alfred Herbert's African Revue.[7]
Go tloga ka 1954, Masekela o ne a tshameka mmino o o neng o bapisa maitemogelo a gagwe a loeto la botshelo. Khuranyo ya meno, kgotlhang, le jewa ntsoma ga batho-bantsho mo Aforika Borwa ka nako tsa bo 1950 le 1960 di ne tsa nna le tlhotlheletso mo go ene tsa bo tsa mo gwetlha go tlhama dipina le go gasa molaetsa wa sepolotiki. Mo dipineng tsa gagwe, o ne a supa tshokolo le matlhotlhapelo, ga mmogo le boitumelo le boipelo mo lefatsheng la gabo. Dipina tsa gagwe di ne di ema kgatlhanong le mmuso wa thaolele, bolata, le goromente; ka boripana, dikgwetlho tse batho aba neng ba rakana le tsone. Masekela o ne a fitlhelela batho ba le bantsi ba le bone ba ne ba ikutlwela manokonoko kgatlelelo ya mo lefatsheng la bone.[8][9]
Morago ga gore Manhattan Brothers e jele Aforika Borwa ka 1958, Masekela o ne a tsenelela setlhopha sa diletso sa motshameko-se-ka-mmino wa King Kong, o o neng o kwadilwe ke Todd Matshikiza.[10] King Kong e ne e le one motshameko wa ntlha wa Aforika Borwa go gelela dinyebenyebe tsa madi a mofuta oo, e jela lefatshe leo nala e na le Miriam Makeba le Nathan Mdledle wa Manhattan Brothers e le bone baeteledipele. Motshameko oo, o ne wa felela o ile West End kwa Lontone, kwa o neng wa tsaya 'ngwaga tse pedi.[11]
Metswedi
[fetola | Fetola Motswedi]- ↑ "Hugh Masekela, South African jazz trumpeter, dies". BBC News. 23 January 2018. Retrieved 23 January 2018.
- ↑ Russonello, Giovanni (23 January 2018). "Hugh Masekela, Trumpeter and Anti-Apartheid Activist, Dies at 78". The New York Times.
- 1 2 Lawley, Sue (16 July 2004). "Desert Islands Discs: Hugh Masekela". BBC. Retrieved 7 July 2018.
- ↑ Fairweather, Digby, The Rough Guide to Jazz, St. Martin's Press (2004), p. 13 – ISBN 0-312-27870-5.
- ↑ Drury, Flora (23 January 2018). "Hugh Masekela: South Africa's 'Father of Jazz'". BBC. Retrieved 23 January 2018.
- 1 2 "'Father of South African jazz' Hugh Masekela dies". Enca.com. 23 January 2018. Archived from the original on 9 July 2018. Retrieved 23 January 2018.
- ↑ Mojapelo, Max (2008). Beyond Memory: Recording the History, Moments and Memories of South African Music. African Minds. pp. 268–. ISBN 978-1-920299-28-6.
- ↑ Stanley Niaah, Sonjah (2007). "Mapping of Black Atlantic Performance Geographies: From Slave Ship to Ghetto". In McKittrick, Katherine; Woods, Clyde Adrian (eds.). Black Geographies and the Politics of Place. Cambridge, MA: South End Press. pp. 193–217. ISBN 978-0-89608-773-6.
- ↑ "Hugh Masekela". Archived from the original on 14 February 2010. Retrieved 29 February 2008.
- ↑ "Hugh Masekela". Sahistory.org.za. 17 February 2011. Retrieved 23 January 2018.
- ↑ Betts, Graham (2014). Motown Encyclopedia. AC Publishing. ISBN 9781311441546.