Iipumbu Shiimi

Iipumbu Shiimi
Tona wa madi
In office Mopitlo a le masome mabedi le motso ngwaga wa 2020 – Mopitlo a le masome mabedi le motso ngwaga wa 2025
President	Hage Geingob
Prime Minister	Saara Kuugongelwa
Pele Ga Gagwe	Calle Schlettwein
Molaodi wa banka ya namibia
In office Mopitlo a le masome mabedi le botlhano ngwaga wa 2010 – Seetebosigo a rogwa ngwaga wa 2020
President	Hifikepunye Pohamba
Prime Minister	Nahas Angula Hage Geingob Saara Kuugongelwa
Pele Ga Gagwe	Tom Alweendo
Morago Ga Gagwe	Johannes !Gawaxab
Ka Ga Ena
O tsetswe	1969 Ontana
Alma mater	University of London
Tiro	Mopolotiki
Tiro	Moitseanape wa itsholelo

Iipumbu Wendelinus Shiimi ke mopolotiki le moitseanape wa itsholelo wa kwa Namibia,o o berekileng e le tona wa madi go tswa ka 2020 go tsena 2025. Pele ga foo, o ne a bereka e le molaodi wa banka ya Namibia go tswa ka 2010 go tsena 2020.

Botshelo jwa a le mmotlana le thuto

Shiimi o na le di masters tsa itsholelo ya madi (1998) le diploma tsa itsholelo go tswa kwa University of London. O na gape le diploma ya kgwebo ga mafatshe a sele le tlhokomelo go tswa kwa Maastricht School of Management kwa Netherlands, o na le degree ya itsholelo go tswa kwa University of Western Cape kwa Aforika Borwa le degree ya dikgwebo, itsholelo le dipall go tswa kwa University of Western Cape. O rutetswe tlhokomelo e e faphegileng kwa University of Stellenbosch le Wits Business School, ga mmogo le thuto e e tseneletseng ya itsholelo le madi kwa Tanzania le USA, le Bank of England le Reserve Bank of South Africa.

Tsa pereko

Shiimi o simolotse go bereka kwa lekgotleng la dipatlisiso tsa melao ya itsholelo (NEPRU) ka 1994. O ne a ya go bereka kwa bankeng ya Namibia e le mosekaseki mogolo mo lephateng la patlisiso, a nna mookamedi wa mohama wa itsholelo mo lephateng leo ka 1997. Ka 1999, o ne a nna mookamedi wa mohama wa go lebela kwa pele mo lephateng la patlisiso. Ka 2000, o ne a nna mookamedi wa mohama wa dipalopalo. Ka 2001, a nna mothusa tlhogo ya lephata la dipatlisiso, ka 2002 a nna mookamedi wa itsholelo le tlhogo ya lephata la dipatlisiso. Ka Seetebosigo ngwaga wa 2006, Shiimi o ne a nna mookamedi mogolo wa lephata la ketelelo pele ya banma go fitlhelela a thapiwa e le mothusa molaodi ka Ngwanatsele 2006. Mo maemong a gagwe, o ne a bereka go kaela ditiro tsa banka, go akaretsa go tlhokomela dipeelo ts mafatshe a sele, go okamela banka, go ritibatsa itsholelo le go ela tlhoko tiriso madi.

Shiimi o ne a thapiwa e le moeteledipele wa banka ya legare ka Mopitlo a le masome mabedi le botlhano ngwaga wa 2010 ke tautona Hifikepunye Pohamba. O ne a tlhatlhama Tom Alweendo, o e neng e le mookamedi mogolo wa komito ya dithulaganyo ya Namibia morago a nna tona wa meepo le kgothetso. Tautona Hage Geingob o ne a mo thapa gape mo sebakeng sa bobedi ka Morule 2016.

Ditirelo tse dingwe

• Lekgotla la madi la mafatshefatshe(IMF), leloko la pele la lekgotla la balaodi (2010 go tsena 2020).
• World Bank,leloko la pele la lekgotla la balaodi (2010 go tsena 2020)