Ivy Matsepe-Casaburri

Ivy Matsepe-Casaburri
Setshwantsho:Ivy Matsepe-Casaburri portrait cropped.jpg Senepe sa ga Ivy Matsepe-Casaburri
Motshwarelela botautona jwa Aforika Borwa
In office Lwetse a le masome mabedi le bone ngwaga wa 2008 – Lwetse a le masome mabedi le botlhano ngwaga wa 2008
Appointed by	Khuduthamaga ya Aforika Borwa
Pele Ga Gagwe	Thabo Mbeki
Morago Ga Gagwe	kgalema Motlanthe
Tona wa ditlhaeletsanyo, tsa megala le poso
In office Seetebosigo a le lesome lebosupa ngwaga wa 1999 – Moranang a le malatsi a marataro ngwaga wa 2009
President	Thabo Mbeki Kgalema Motlanthe
Pele Ga Gagwe	Jay Naidoo
Morago Ga Gagwe	Siphiwe Nyanda
Moeteledipele wa Free State
In office Morule a le lesome le borobabobedi ngwaga wa 1996 – Seetbosigo a le lesome le botlhano ngwaga wa 1999
Pele Ga Gagwe	Mosiuoa Lekota
Morago Ga Gagwe	Winkie Direko
Ka Ga Ena
O tsetswe	Lwetse a le lesome le borobabobedi ngwaga wa 1937 Kroonstad Aforika Borwa
O Tlhokafetse	Moranang a le malatsi a marataro ngwaga wa 2009 Pretoria
Mokgatlho	African National Congress
Alma mater	University of Fort Hare Rutgers University
Tiro	Mopolotiki Morutabana

Ivy Florence Matsepe-Casaburri (o o tshotsweng ka Lwetse a le lesome le borobabobedi ngwaga wa 1937 - a tlhokafala ka Moranang a le malatsi a marataro ngwaga wa 2009) e ne e le mopolotiki wa kwa Aforika Borwa. E ne e le moeteledipele wa bobedi wa kgaolo ya Free State le tona wa Aforika Borwa wa ditlhaeletsanyo go tswa ka 1999 go fitlhelela a tlhokafala. O berekile ka nakwana e le tautona o o tshwareletseng ka 2005, fa tautona Thabo Mbeki le mothusa tautona ba ne ba tsere loeto kwa ntle ga lefatshe. Fa godimo ga foo, o ne a tlhophiwa ke khuduthamaga go nna mookamedi wa molaomotheo ebile wa semmuso wa lefatshe leo ka lobaka lwa dio oura di le lesome lebone ka Lwetse a le masome mabedi le botlhano ngwaga wa 2008, ka nako ya Thabo Mbeki a ithotse marapo, Kgalema Motlanthe a ise a palame setilo. E ne e le motho wa mme wa ntlha go nna mo maemong a botautona kwa Aforika Borwa, le motho wa mme wa ntlha go etelela pele lefatshe la Aforika Borwa fa e sale puso ya ga mmamosadinyana Elizabeth II e le mohumagadi wa Aforika Borwa e fela ka 1961. O nnile ene fela mosadi wa tlotla e go fitlhelela ka Phukwi 2021, fa Angie Motshekga a thapiwa go nnatautona o o tshwareletseng ka nakwana.

Botshelo jwa gagwe a le mmotlana

Ivy Matsepe-Casaburri o tshotswe ka Lwetse a le lesome le borobabobedi ngwaga wa 1937 kwa Kroonstad kwa Free State. Rraagwe e ne e le mogokgo, seopedi le motho wa metshameko, mmaagwe e le morutabana, le mmaboipelego. O feditse sekolo sa gagwe se sepotlana kwa Kroonstad, a ya go tsena se segolwane kwa Kwa-Zulu Natal. O ne a aloga ka Bachelor of Arts degree go tswa kwa Fort Hare University a ya go ruta kwa KZN dingwaga di le pedi.

Go tshaba

Fa a le dingwaga di le masome mabedi le borobabobedi, o ne a tshaba, a boela kwa Aforika Borwa morago ga dingwaga di le masome mabedi le botlhano. O berekile pele kwa Swaziland e le morutabana dingwaga di le lesome pele ga a fudugela kwa United States. Ka nako ya fa a tshabile, o ne a tsweledisa thuto ya gagwe. O ne a ya kwa United States kwa a neng a dira dithuto tsa gagwe tsa pele ga kalogo. O bereketse United Nations Instute for Namibia e le morutuntshi le mokwadisi, a nna kwa Zimbabwe. O alogile ka PhD ya Sociology go tswa kwa Rutgers University - kwa New Brunswick.

Tiro

O berekile ka nakwana e le motshwarelela botautona ka 2005, fa tautona Thabo Mbeki le mothusa tautona ba ne ba le kwa ntle ga lefatshe. Fa godimo ga foo, o ne a tlhophiwa ke khuduthamaga go nna moeteledipele wa lefatshe ka nakwana wa molaomotheo le semmuso, sebaka sa di oura di le lesome le bone ka Lwetse a le masome mabedi le botlhano ngwaga wa 2008, Thabo Mbeki a sena go ithola marapo, Kgalema Motlanthe a ise a tlhomamisiwe. Ke ene mme wa ntlha ebile e le ene fela go tsena gompieno o o kileng a nna mo mameong a botautona kwa Aforika Borwa, gape e le mosadi wa ntlha go nna moeteledipele wa lefatshe leo fa e sale Mma mosadinyana (Elizabeth II) a emisa go nna mohumagadi wa Aforika Borwa ka 1961.

Maemo a a nnileng mo go one

• Tona wa ditlhaeletsanyo kwa pusong ya Aforika Borwa go tswa ka Seetebosigo 1999 go tsena Moranang 2009
• Mopalamente go tswa ka 1999 go tsena 2009
• Moeteledipele wa Free State go tswa ka 1996 go tsena 1999; e le moeteledipele wa ntlha wa mme
• Modulasetilo wa South African Broadcasting Corporation (SABC); mosadi wa ntlha le modulasetilo wa ntlha o montsho
• Morutuntshi kwa Rutgers University
• Motlhatlhalela dithuto wa maemo a a fa godimo le mokwadisi kwa United Nations Institute for Namibia
• Mookamedi wa khansele ya dipatlisiso tsa maranyane le mehama (Council for Scientific and Industrial Research

Loso

O tlhokafetse ka ntlha ya malwetse a tlholegeo ka Moranang a le malatsi a marataro ngwaga wa 2009 ka etlha sa gagwe a le mo ofising e le tona wa ditlhaeletsanyo.