Jackson Kaujeua
Jackson Kaujeua Jackson Muningandu Kaujeua | |
|---|---|
| Tsalo | Phukwi a le malatsi a mararo ngwaga wa 1953 South West Africa |
| Leso | Motsheganong a le masome mabedi le bosupa ngwaga wa 2010 |
| Mefota | Mmino wa seKeresete |
| Ditiro | Seopedi, motlhami wa dipina |
| Didirisiwa | Go opela |
Jackson Kaujeua (o o tshotsweng ka Phukwi a le malatsi a mararo ngwaga wa 1953 a tlhokafala ka Motsheganong a le masome mabedi le bosupa ngwaga wa 2010) e ne e le seopedi sa Namibia, motlhami wa mmino wa SeKeresete, le molwela boipuso jwa Namibia wa bogologolo. O opetse ka diteme tsa Namibia tse di farologaneng, le ka Sekgoa le Afrikaans.
O tshotswe ka leina la Jackson Muningandu Kaujeua, leloko la morafe wa Herero[1] kwa !Huns, motse o o gaufi le Keetmanshoop.[2] Morago o ne a tlogela dithuto tsa gagwe tsa boruti kwa sekolong sa bodiredi sa Otjimbingwe morago ga gore a utlwe dipina tsa seKeresete tsa baopedi ba tshwana le Mahalia Jackson, o mafoko a dipina tsa gagwe a a tshamaelanang le ditshwanelo tsa setho a mo gwetlhe.[3]
Ka 1972, o ne a simolola go ithutela moopelo kwa Dorkay Art & Music College for Talented Non-Whites kwa Aforika Borwa. Le fa go ntse jalo, morago o ne a kobiwa mo lefatsheng go bo a lwela ditshwanelo kgatlhanong le puso ya tlhaolele a tshaba ka 1974.[2] Morago ga nakwana mo Botswana,lekgotla la SWAPO (le a neng a amana le lone go fitlhelela a tlhokafala)[4][5] le ne la mo thusa go fudugela kwa UK, kwa a neng a nna moopedi mogolo wa setlhopha sa Black Diamond. Katlego ya mafatshefatshe e ne ya simolola ka dipina di tshwana le "Winds of Change".[3]
A nnile jaaka morutabana kwa Angola kwa kampeng ya batshabi go tswa ka 1979 go tsena dingwaga tsa ntlha tsa 1980, le morago kwa Sweden, o ne aboela Namibia pelemga boipuso kwa 1990, kwa a neng a ipelela katlego ka moopelo wa gagwe, bogolo jang ka !Gnubu !Nubus (Khoekhoe)[3]. Ka dingwaga tsa 1990 di ya fifing, e ne e santse e le mongwe wa maopedi ba Namibia ba ba itsegeng thata.[6]
Kaujeua o ne a tlhokafala ka ntlha ya go lwala diphilo ka Motsheganong a le masome mabedi le bosupa ngwaga wa 2010, morago ga go sokodisiwa ke bolwetse boo dikgwedi di le thataro. Kwa Namibia, kalafi ya diphilo e bonwa mo dipateleng tse di ikemetseng fela, ka jalo bontsi jwa beng gae ba kgone go duelela kalafi eo. Kaujeua o ne a tshedile a bo a tlhokafala ka lehuma. O ne a sa bereke bontsi jwa botshelo jwa gagwe, a tshela ka go diragatsa. Go kopa go bereka kgotsa go rotloediwa ka tiro ya gagwe ya boemedi jwa kgololesego go ne ga seka ga arabiwa ke baeteledipele.[3]
Kaujeua o ne a na le bana ba le bane. Tsela kwa Windhoek legare e biditswe ka ene go mo fa tlotla, ga mmogo le tsela e nngwe kwa Ongwediva.[7]
Dikgatiso
[fetola | Fetola Motswedi]- Katutura (1998, Mukurob productions)
Metswedi
[fetola | Fetola Motswedi]- ↑ Sasman, Catherine (2 October 2006). "Namibian Music: Jackson Kaujeua's musical journey on stage". Street News Service. Archived from the original on 30 September 2007. Retrieved 17 October 2025.
- 1 2 "Nam veteran musician Kaujeua dies". Southern Times. 28 May 2010. Archived from the original on 16 July 2011. Retrieved 17 October 2025
- 1 2 3 4 Ekongo, John (31 May 2010). "Hamba kahle, Jackson Kaujeua". New Era. Archived from the original on 21 February 2013.
- ↑ Amupadhi, Tangeni (18 October 2004). "Gibeon offers a foretaste of campaigning 2004". The Namibian. Archived from the original on 29 April 2005. Retrieved 17 October 2025
- ↑ "Namibia - Intercultural Issues: National Heroes". Centre for Intercultural Learning, Foreign Affairs and International Trade, Canada. 2005. Archived from the original on 28 September 2007. Retrieved 17 October 2025
- ↑ Titus, Zoe (2 October 1998). "Jackson Goes Globe Trotting". The Namibian. Archived from the original on 4 January 2006. Retrieved 17 October 2025
- ↑ "Ongwediva names street after Jackson Kaujeua". New Era. 16 November 2017. Retrieved 17 October 2025