Jump to content

Jamile Samuel

Tsenya dikgolaganyo
Go tswa ko Wikipedia

Jamile Samuel (yo o tshotsweng ka Moranang a le masome mabedi le bone ka 1992) ke motabogi wa mo-Dutch, yo o nang le bokgoni jo bo tseneletseng mo go mabelong a sekgele sa 100 m le 200m.[1] O ne a fenya dietsele di le tharo tsa boronse mo dikgaisanyong tsa 2010 World Junior Championships in Athletics,[2] ka jalo a itlhoma go nna motabogi wa boraro yo o lebelo thata yo o kwa tlase ga dingwaga di le masome mabedi mo lefatsheng. O ne a gapa seetsele sa gauta le setlhopha sa basadi ba maDutch sa lebelo la neelano la 4 × 100 m kwa 2016 European Championships in Amsterdam.

Jamile Samuel kwa dikgaisanong tsa 2011 European Athletics Junior Championships kwa Tallinn

Jamile Samuel o tsholetswe kwa Amsterdam kwa Netherlands mo lelapeng le le tlholegang kwa Suriname. Morwarragwe yo motona Tjendo Samuel le morwadiarraagwe yo mmotlana Chanté le bone ba gaisana mo go tsa mabelo.[3] Ke leloko la setlhopha sa mabelo sa Phanos se se leng kwa Olympic Stadium in Amsterdam.O simolotse go tlhagelela fa a le dingwaga di le lesome le botlhano fa a ne a leka go thuba rekote ya mofenyi wa digauta tse nne ka 1984 Summer Olympics , Fanny Blankers-Koen .[4] Fa a le dingwaga di le lesome le borataro , e ne e le mmampodi wa lobelo la sekgele sa 60 m kwa Netherlands. Ke mmampodi wa bosethaba mo sekgeleng sa 100 m (2009 le 2017) le wa sekgele sa 200 m (2011 le 2012).[2]

Ka 2010 World Junior Championships kwa Moncton (Canada), Jamile Samuel o ne tsaya maemo a boraro mo sekgeleng sa 100 m[5] le 200 m.[6] Ene batabogi ka ene Dafne Schippers, Loreanne Kuhurima le Eva Lubbers o ne a fenya boronse mo lebelong la neelano la 4x100 metres.[7] Ngwaga morago ga moo, kwa dikgaisanyong tsa 2011 European Athletics Junior Championships kwa Tallinn, Samuel o ne a fetsa fa morago ga mofenyi wa lobelo la sekgele sa 100 m le 200 m Jodie Williams wa moBorithane, o ne a fenya seetsele sa selefera mo makgetlhong ao ka bobedi.[8]

Kwa dikgaisano tsa 2012 European Athletics Championships kwa Helsinki (Finland), setlhopha sa maDutch sa lebelo la neelano la 4x100 metres (Kadene Vassell, Dafne Schippers, Eva Lubbers le feleletswa ke Jamile Samuel), ba ne ba tsaa maemo a bobedi ka 42.8 e le rekote ya bosetshaba, fa morago ga setlhopha sa Jeremane.[9] O ne a fetsa e le wa borataro mo makgaolakgannyeng a sekgele sa 200 m.[10] Kwa metshamekong e e latelang ya 2012 Summer Olympics kwa London (United Kingdom), setlhopha se ne sa fetsa mo maemong a borataro mo makgaolakgannyeng a lebelo la neelano la 4x100 metres ka nako ya metsotswana e le 42.70, rekoto e ntsha ya bosetshaba.


O ne a fetsa mo maemong a borataro mo 200 m kwa 2014 European Athletics Championships kwa Zurich (Switzerland) lebelo le ne la fenngwa ke Dafne Schippers. Setlhopha sa lebelo la neelano la 4 x 100 m, se e neng e le sengwe se ne se beilwe leitlho go re se ka fenya, se ne se sa seka sa fetsa makgaolakgang ao ka ntata ya phoso ya go neelana baton.[11]

Kwa dikgaisanyong tsa lefatshe tsa 2015 World Championships in Athletics kwa Beijing (China), setlhopha sa go sa Dutch sa motabogo wa neelano wa 4x100 metres (Nadine Visser, Dafne Schippers, Naomi Sedney le Jamile Samuel a feleletsa) ba ne ba fetsa mo maemong a botlhano ka nako ya metsotswana e le 42.32, mme ba ne ba kgaphelwa kwa ntle ka ntlha ya go sa fetola sentle.[12] Ka nako ya mabelo a diHeats, setlhopha se ne se tabogile nako ya metsotswana e le 42.32, rekoteo e ntsha ya bosetshaba.[13]

E ne e le ene a simololang lebelo la setlhopha sa basadi ba maDutcha la neelano la 4 × 100 m se eteletswe pele ke Dafne Schippers, Tessa van Schagen le se garelwa ke Naomi Sedney sa gapa lebelo la neelano la 4x100 m kwa dikgaisanong tsa European Championships kwa toropong ya gaabo ya Amsterdam ka rekote ya bosetshaba ya 42.04.[14] O ne a felela mo maemong a bone kwa makgaolakgannyeng a 200 m ka nako ya metsotswana e le 22.83. O ne a nna le seabe kwa metshamekong ya 2016 Summer Olympics kwa Rio de Jenairo (Brazil) koo a neng a ntshetswa kwa ntle mo legatong la diHeats tsa 200 m. Setlhopha sa lebelo la neelano se ne gape sa ntshiwa mo diheats ka ntata ya neelano e e seng yone magareng ga ga Samuel le Schippers.[15][16]

  1. ↑ "Jamile Samuel Photostream". zimbio. July 30, 2010. Retrieved 2010-01-06. In This Photo: Merlene Ottey, Jamile Samuel, Ailis Mcsweeney (L-R) Jamile Samuel of Netherlands, Merlene Ottey of Slovenia and Ailis Mcsweeney of Ireland compete in the 4x100m Women's Relay Heats during day five of the 20th European Athletics Championships at the Olympic Stadium on July 31, 2010 in Barcelona, Spain.
  2. 1 2 (in Dutch) Jamile Samuel profile, Atletiek.nl. Retrieved 23 February 2025.
  3. ↑ (in Dutch) Een broer en twee zussen op het NK Atletiek, Het Parool, 26 July 2014. Retrieved 23 February 2025.
  4. ↑ (in Dutch) Opvolgster Fanny Blankers-Koen in aantocht?, Runner's world, 18 May 2007. Retrieved 23 February 2025.
  5. ↑ Women's 100m final, International Association of Athletics Federations - IAAF, 22 July 2010. Retrieved 23 February 2025.
  6. ↑ Women's 200m final, International Association of Athletics Federations - IAAF, 23 July 2010. Retrieved 23 February 2025.
  7. ↑ Women's 4x100m final, International Association of Athletics Federations - IAAF, 24 July 2010. Retrieved 23 February 2025.
  8. ↑ Stunning sprints set the Tallinn track ablaze, European Athletics, 22 July 2011. Retrieved 23 February 2025.
  9. ↑ Sailer leads Germany to relay glory, European Athletics, 1 July 2012. Retrieved 23 February 2025.
  10. ↑ Double delight for Ukraine in the 200m, European Athletics, 30 June 2012. Retrieved 23 February 2025.
  11. ↑ Table-topping Britain win five golds on extraordinary last day in Zurich, European Athletics, 17 August 2014. Retrieved 23 February 2025.
  12. ↑ Report: women’s 4x100m final – IAAF World Championships, Beijing 2015, International Association of Athletics Federations - IAAF, 29 August 2015. Retrieved 23 February 2025.
  13. ↑ Report: women’s 4x100m heats – IAAF World Championships, Beijing 2015, International Association of Athletics Federations - IAAF, 29 August 2015. Retrieved 23 February 2025.
  14. ↑ Three golds leave Poland top of the final medals table, European Athletics, 10 July 2016. Retrieved 23 February 2025.
  15. ↑ Botched relay adds to Schippers’ Rio misery, Reuters, 18 August 2016. Retrieved 23 February 2025.
  16. ↑ Report: women's 4x100m heats – Rio 2016 Olympic Games, International Association of Athletics Federations - IAAF, 18 August 2016. Retrieved 23 February 2025.
Retrieved from "https://tn.wikipedia.org/w/index.php?title=Jamile_Samuel&oldid=39486"