Jane Manganye

Jane Manganye
Leloko la palamente ya Aforika Borwa
In office Motsheganong a le malatsi a marataro ngwaga wa 2009 – Motsheganong a le malatsi a marataro ngwaga wa 2014
Mothusa motsamaisa dipuisano tsa palamente ya Bokone Bophirima
In office Motsheganong a le masome mabedi le motso ngwaga wa 2014 – Motsheganong a le malatsi a supa ngwaga wa 2019
Pele Ga Gagwe	Philemon Mapulane
Morago Ga Gagwe	Viola Motsumi
Leloko la palamente ya kgaolo ya Bokone Bophirima
In office Motsheganong le masome mabedi le motso ngwaga wa 2014 – Motsheganong a le malatsi a supa ngwaga wa 2019
Ka Ga Ena
Mosetshaba wa	mo Aforika Borwa
Mokgatlho	African National Congress
Tiro	Mopolotiki

Jane Manganye ke mopolotiki wa kwa Aforika Borwa o o berekileng e le leloko la palamente ya Aforika Borwa go tswa ka Motsheganong 2009 go tsena Motsheganong 2014. E ne e le mothusa motsamaisa dipuisano tsa palamente ya kgaolo ya Bokone Bophirima go tswa ka Motsheganong 2014 go tsena Motsheganong 2019. Manganye ke leloko la African National Congress.

Tiro ya sepolotiki

E le leloko la African National Congress, Manganye o ne a tlhophiwa mo palamenteng mo ditlhophong tsa 2009. Ka legato la ntlha, e ne e le leloko la komiti ya metsi le tikologo, komiti e e okametseng go isa ditirelo kwa bathong, le komiti ha bojanala. Ofisi ya gagwe ya botlhopi e ne e le kwa Rustenburg.

Ka 2013, o ne a tlhophiwa modulasetilo wa lekgotla la bomme la African National Congress wa kgaolo.

Manganye o ne a tlhophiwa go ya palamenteng ya kgaolo ya bokone bophirima ka ditlhopho tsa 2014. Fa palamente e boa, o ne a tlhophiwa mothusa motsamaisa dipuisano tsa palamente. Ka 2014 gape, boeteledipele jwa ANC bo ne bo solofetse gore o tlaa bapatsa Bathabile Dlamini go nna tautona wa lekgotla la basadi. Mme Manganye o ne a bapatsa Angie Motshekga, selo se se neng sa baka go seegelwa kwa thoko mo bodulasetilong jwa lekgotla la bomme.

Ka Morule 2017, baeteledipele ba ANC ba kgaolo ba ne ba tshosetsa go mo rola marapo a bothusa motsamaisa dipuisano, fa a sa ithole marapo. Manganye o ne a ipelaetsa fa a kobiwa ka ntlha ya kemo nokeng ya gagwe mo go mothusa tautona wa ANC Cyril Ramaphosa. Makgotla a ANC a dikgaolo a ne a ema nokeng Nkosazana Dlamini-Zuma ka dipalo tse di kwa godimo. Baeteledipele ba kgaolo ba ne ba ganetsa mafoko a gagwe. O ne a tswelela e le mothusa motsamaisa dipuisano go fitlhelela sebaka sa gagwe se fela.

Manganye o ne a boela kwa palamenteng morago ga ditlhopho tsa 2019.  O ne a tloga a thapiwa go nna mo komiting ya tlhabololo magae.

Manganye o ne a seka a emela ditlhopho gape ka 2024.