Jane Sithole

Mopalamente Jane Sithole
Sithole ka 2024
Mothusa tona wa tlhabololo ya dikgwebo tse dipotlana
Incumbent
Assumed office Phukwi a le malatsi a mararo ngwaga wa 2024
Minister	Stella Ndabeni-Abrahams
Pele Ga Gagwe	Dipuo Peters
Moeteledipele wa Democratic Alliance kwa Mpumalanga
Incumbent
Assumed office Mopitlo a le malatsi a mararo ngwaga wa 2018
Pele Ga Gagwe	James Masango
Leloko la palamente ya Mpumalanga
Incumbent
Assumed office Motsheganong a le malatsi a mabedi ngwaga wa 2014
Ka Ga Ena
O tsetswe	Raesetja Jane Sithole Phatwe a le masome mabedi le boraro ngwaga wa 1970
Mosetshaba wa	mo Aforika Borwa
Mokgatlho	Democratic Alliance
Dikamano tse dingwe tsa sepolotiki	Democratic Party
Tiro	Mopolotiki

Raesetja Jane Sithole (o o tshotsweng ka Phatwe a le masome mabedi le boraro ngwaga wa 1970) ke mopolotiki wa kwa Aforika Borwa o e leng mothusa tona wa ditlhabololo tsa dikgwebo potlana mo pusong ya GNU fa e sale Seetebosigo 2024. O berekile e le leloko la palamente ya Mpumalanga fa e sale ka Motsheganong 2014 le e le moeteledipele wa Mpumalanga Democratic Alliance.

Thuto

Sithole o na le BA Degree ya ditlhaeletsanyo go tswa kwa University of South Africa. Sithole gape o na le National Diploma (T3) ya tsamaiso ya ya ofisi go tswa kwa Tshwane University of Technology. O na gape le diploma ya boeteledipele jwa sepolotiki le puso go tswa kwa Wits School of Governance. O ne a ithutela Post Graduate Diploma kwa Wits School of Governance. Sithole o na gape le Management Development Programme (MDP) e le setlankana go tswa kwa Graduate School of Management kwa Pretoria. O na le dithuto tsa Senior Management Programme (SMP) e le setlankana go tswa kwa Graduate School of Management kwa University of Pretoria.

Tiro ya sepolotiki

Sithole o nnile leloko la Democratic Alliance, e pele e neng e bidiwa Democratic Party, ka 1999. Sithole o berekile e le mokhanselara wa mmasepala wa Emalahleni le kgaolo ya Nkalanga go tswa ka 200 go tsena 2014. Sithole o berekile e le motlhokomedi wa palamente ya Emalahleni go tswa ka 2007 go tsena 2014.

O ne a tlhophiwa go ya palamenteng ya Mpumalanga ka 2014 a tlhomiwa motlhokomedi wa palamente wa Democratic Alliance. Mo palamenteng ya botlhano (2014 go tsena 2019), o berekile modikomiting tsa pereko le dipalamo, pabalesego ya setshaba, tshireletsego le pereko mmogo, botsogo le tlhabololo. Gompieno o mo dikomiting tsa botsogo le tlhabololo, thuto le ngwao, metshameko le itloso bodutu.

Pele ga a tlhomiwa moetledipele wa kgaolo, Sithole o berekile e le modulasetilo wa lekgotla la makhanselara a Democratic Alliance go tswa ka 2005 go tsena 2011. Sithole o ne a tlhophiwa go ya mo maemong a mothusa moeteledipele wa kgaolo ka 2012 go tsena 2015. Ka 2015, Sithole o ne a tlhophiwa modulasetilo wa phathi. Sithole o ne a tlhophiwa a sa ganediwe go nna moeteledipele wa kgaolo wa Democratic Alliance kwa Mpumalanga ka Mopitlo a le malatsi a mararo 2018, a tlhatlhama James Masango.

Ka Lwetse a le masome mabedi ngwaga wa 2018, Sithole o ne a itsisiwe fa e le ntlhopheng wa boeteledipele jwa kgaolo ya Mpumalanga wa Democratic Alliance mo dilthophong tsa 2019.

Ka ditlhopho tsa Motsheganong 2019, phathi ya Democratic Alliance e ne ya latlhegelwa ke maemo a yone a kganetso kgatlhanong le Economic Freedom Fighters, le ntswa phathi e ne ya kgona go tshegetsa ditilo tsa yone tse tharo mo kgaolong.

Sithole o ne a tlhophiwa gape a sa ganediwe ke ope ka Phalane 2020. O ne a eme nokeng ipapatso ya moeteledipele wa nakwana wa DA John Steenhuisen go nna moeteledipele wa phathi kwa bokopanong jwa phathi.

Sithole o ne a tlhophiwa gape go nna moeteledipele wa kgaolo wa DA kwa bokopanong jwa phathi ka Tlhakole 2023, a bereka e le moeteledipele wa Democratic Alliance kwa kgaolong ya Mpumalanga go tswa ka 2018 go tsena 2024.

Ka Seetebosigo a le lesome le bone ngwaga wa 2024, o ne a tlhomamisiwa go nna leloko la palamente la Democratic Alliance.