Janet Manyowa

Janet Manyowa
Background information
Tsalo	Mopitlo a le lesome le borobabobedi ngwaga wa 1985 Chegutu Zimbabwe
Letso	mo Zimbabwe
Mefota	Mmino wa seKeresete
Ditiro	Seopedi, mokwadi wa mmino
Dingwaga tsa a le mo boopeding	2014 go tsena gompieno

Janet Manyowa ke seopedi sa mmino o o galaletsang Modimo wa kwa Zimbabwe.

Tse di diragetseng pele

Janet Manyowa o bonetswe kwa Harare a golela kwa Chegutu. Batsadi ba gagwe ba sale ba lemoga lorato lwa gagwe lwa mmino a sale mmotlana ba mo romela kwa sekolong sa kopelo a le dingwaga di le lesome. Tiro ya gagwe e simologile fa a eteletse pele setlhopha sa mmino kwa kerekeng ya kwa motseng wa ga bone.

Tsa pereko

Janet Manyowa o ntshitse alebamo ya gagwe ya ntlha ya King of Glory ka Phatwe 2015, morago ga go atlega ga dipina tse di ikemetseng tsa Amazing God le Ndomira Pamuri, le alebamo ya gagwe ya bobedi ya Grateful e e ntshitsweng ka 2017 kwa Celebration Centre Auditorium. Moletlo wa go ntshiwa ga alebamo o ne o akareditse baopedi ba tlhwatlhwa ba Aforika Borwa ba tshwana le Dr. Tumi, Ntokozo Mbambo le Nqubeko Mbatha ba a neng a opela le bone mo pineng ya You Are More.

Ka ngwaga wa 2017 o simologa, Janet o ne a tlhama lenaneo la setshwantsho sa motshikinyego la dipuisano le bidiwa Redeemed. Lenaneo le le ikaegile ka moopelo o o galaletsang modimo le dipuisano le baopedi ba ba farologaneng le baeteledipele ba mohama le bakeresete ba ba nang le dipolelo tsa go bolokwa tse ba ka buang ka tsone.

O nnile mo lenaaneng la 2018 la banyana ba Zimbabwe ba ba nang le thotloetso ba ba lekgolo ba le dingwaga tse di kwa tlase ga masome a mane, ka 2021 o ne a le mo lenaaneng la basadi ba ba masome matlhano ba ba nang le thotloetso kwa Zimbabwe go ya ka Institute of Corporate Directors kwa Zimbabwe.

Ka 2020, Janet Manyowa o ne a thapiwa go nna sekao sa banka ya ZB Bank Limited le Rainbow Tourism Group, ke motshwara madi wa lekgotla la ditshwanelo tsa baopedi ba Zimbabwe.

Mmino

Di alebamo

• King of Glory (ka 2015)
• Grateful (ka 2017)
• Sound of Victory (ka 2020)

Dipina tse di ikemetseng

• Muchengeti a opela le Shingisai Suluma
• King of Glory
• Overcome
• Tarisa
• Ndomira Pamuri
• I Trust You
• Ufanelwe
• Amazing God. A opela le Dr. Comfort Manyame
• Kune Muponesi a opela le Michael Mahendere
• Muripo
• Amazing God (e opelwa ka seletso sa saxophone fela)
• Zadzisa
• Nyasha neNgoni
• Ndimi
• Ngatimukudzei
• Tariro
• Mbriri a opela le Tembalami

Botshelo jwa gagwe

Janet o nyetswe ke Munyaradzi Manyowa bobedi joo ba na le bana ba bararo, Matipa, Waishe le Mufaro. Ke mmamatlotlo ka tiro