Jo-Anne Reyneke

Jo-Anne Reyneke (yo tshotsweng ka di 2 tsa ga Seetebosigo 1988) Ke modiragaditsi wa ditshwantsho tsa motshikhinyego,gape ele motswedi wa letswe wa ko Aforika Borwa ,yo o itsegeng thata ka karolo e a e tshamekileng mo motshamekong o o neng o supiwa mo SABC 2 o o bidiwang Muvhango ele Pearl, ga mmogo le mo go wa e.tv o o bidiwang Rhythm City , ele ene Prudence Oliphant wa mookamedi wa ofisi ko Redemption Records.

Botshelo Jwa Gagwe ele mmotlana

Jo-Anne Reyneke o tsholetswe ko Vereeniging, kwa kgaolong ya Gauteng, a tsalwa ke mme mmaagwe wa motho montsho wa letso la seZulu le rre rragwe wa motho mosweu. O godisitswe le kgaitsadie ko Pietermaritzburg,mo kgaolong ya KwaZulu-Natal ke mme mmaagwe ale nosi. O kile a bua ka fa a neng a romulwa ka teng ko a goletseng teng ka ane ale mmala o moswaana ga mmogo le dikarolo tse dingwe tsa gagwe tse di supang go tlhakana ga letso ga gagwe. O tsene sekolo ko Russel High School,ko a kgatlhegetseng tsa bodiragatsi teng. e rile a fetsa dithuto tsa gagwe tsa mophato wa lesome le bobedi, a ya go ikwadisa ko sekolong sa Movietech Film and Televison School ko Durban ko a ithutileng go diragatsa ga mmogo le tsa mmino.

Tiro ya gagwe

Mme Reyneke o simolotse tiro ya gagwe ya bodiragatsi ko The Playhouse Company ko Durban, fa a ne a le mo motshamekong wa ga Duma Ndlovu wa The Game, a nale Mary Twala,Lucia Mthiyane ga mmogo le Sindi Dlathu. Yaanong,ka Duma Ndlovu e ne ele ene mong wa motshameko, mme e bile ele mookamedi wa tsa tlhagiso ya Muvhango, Reyneke o ne a nna le monyetla wa go tsaya karolo ya ga Pearl mo motshamekong o, e le mookamedi wa baeng. Karolo e, ke yone e mo phunyeleditseng mo tirong ya gagwe, ka a ne a kgona go lemogiwa. Ka ngwaga wa 2013, a tswa mo Muvhango, a ya kwa Intercexions, pele ga ya go iponagatsa mo Rhythm City, mo ngwageng ole mongwe fela. O ne a tswelela ka go iponagatsa gape a tshameka dikarolo tse di tlotlegileng mo metshamekong ka go farologana ga yone jaaka: High Rollers, Isidingo le Scandal!. Ka 2018, a nna moanelwamogolo a bidiwa Sli, mo motshamekong wa SABC 1 yo o bidiwang Side Dish. Ka 2019 gone, a iponagatsa mo bodiragatsing jwa tsa metlae ko mafaratlhatlheng a BET, mo motshamekong o bidiwa Black Tax a nale Jason Goliath le Mamodibe Ramodibe. Mo nakong ya gompieno, ke mongwe wa baanelwa ba ba botlhokwa ene le Aubrey Poolo mo motshamekong wa TheEstate mo SABC 3.

Botshelo Jwa Gagwe

Ka ngwaga wa 2018, Reyneke o ne a tsena mo botsalanong jwa lerato le Thami Mngqolo, yo o neng a tshameka karolo ya ga Senzo Dlomo mo Generations nako ya teng. Bobedi jo, jwa nna le bana bale babedi eleng Uvolwethu yo tsetsweng ka 2013, le Lungelo yo ene a tsetsweng ka 2015. Ya re ka 2018,morago ga dingwaga di le lesome ba le mmogo, ba bo ba kgaogana.

Metswedi

1. "Jo-anne Reyneke". TVSA. 7 June 2016. Retrieved 24 April 2020.
2. "10 Things You Didn't Know About Joanne Reyneke". Youth Village. 7 June 2016. Archived from the original on 17 October 2020. Retrieved 24 April 2020.
3. "10 Things You Didn't Know About Joanne Reyneke". Times Live. 28 March 2018. Retrieved 24 April 2020.
4. Mgujulwa, Nolusindiso (3 December 2019). "Jo-Anne Reyneke bags role in new BET comedy show". Drum. Retrieved 23 August 2020.
5. "Jo-Anne Reyneke sets the record straight on marriage rumors". W24. 8 July 2019. Retrieved 24 April 2020.
6. "Jo-Anne Reyneke on dating as a single mother: "Once kids are involved, everything changes"". parent24. 31 January 2020. Retrieved 24 April 2020.