Jump to content

Joe Collier

Go tswa ko Wikipedia

Joel Dale Collier (o tshotswe ka Seetebosigo a supa, 1932)[1] ke mokatisi wa pele wa kgwele ya seAmerika (football) yo e neng e le mokatisi mogolo wa Buffalo Bills ya American Football League (AFL) go tswa ka 1966 go fitlha sephatlo sa 1968, a kokoanya rekote ya 13–16–1.

Tiro ya Mmadikole

[fetola | Fetola Motswedi]

Collier o tsene sekolo kwa Northwestern University, kwa a neng a tshameka mo setlhopheng sa kgwele ya seAmerika ya Northwestern Wildcats football. Ka 1952, ka setlha sa gagwe sa boraro, o ne a thuba direkote tsa Big Ten Conference ka go tshwara ditlhago tsa touchdown di le supa mme a kgobokanya dikgato tsa kamogelo di le makgolo a marataro le masome a matlhano.[2] O ne a bidiwa kwa 1952 College Football All-America Team.[3] Go latela setlha sa kgwele ya mmadikole sa 1953, se mo go sone e neng e le mokapoteni wa Wildcats, Collier o ne a tlhophiwa ke New York Giants mo legatong la masome a mabedi le bobedi ya 1954 NFL Draft.[4][5] Le fa go ntse jalo, Collier a ikgetlhela go sa tshameka kgwele mme a nna mothusa mokatisi (assistant coach) kwa Westen Illinois University morago ga dingwaga tse tharo kwa sesoleng sa Amerika-U.S. Army.[2] Collier o ntse ditlha tse tharo e le mothusa mokatisi kwa Western Illinois go tswa ka 1957 go fella ka 1959.[6]

Buffalo Bills (1962–1968)

[fetola | Fetola Motswedi]

Morago ga go nna ditlha di le pedi e le mothusa mokatisi kwa Boston Patriots ya AFL[7] e ncha-ncha, Collier a ya kwa Buffalo Bills ka 1962 e le mokatisi wa lemorago. Setlhopha se sa fenya 1965 AFL Championship Game kgatlhanong le San Diego Chargers ka thuso go tswa mo tshireletsong e e neng e lomagantswe ke Collier. Kakanyo nngwe e a neng a tsile ka yone e ne e tshwana le zone blitz ya mo bogompienong; lemorago la ga Collier le ne le na le batshameka morago ba ba neng ba eta ba boela kwa morago go bipa ditlhago.[3] Collier o ne a tlhatlhoswa maemo go nna mokatisi mogolo ka 1966[4], morago ga gore mokatisi wa pele Lou Saban a itlhole marapo[3]. Setlha se se gaisang tsotlhe sa Bills ka fa tlase ga ga Collier se tsile mo ngwageng wa gagwe wa ntlha, fa ba fenya Eastern Division ka rekote ya 9–4–1, pele ga ba latlhegelwa kgatlhanong le Kansas City Chiefs mo AFL Championship Game.[8] Morago ga go tla gautshwane le go fenya bommampodi jwa AFL ka motshameko o le mongwe, setlhopha sa wela tlase go ya kwa go 4-10 ka 1967[9]. Morago ga tshameko e e kwa tlase ya Bills mo motshamekong wa pele ga setlha sa 1968 se simologa, Collier a simolola scrimmage mo setlhopheng sa gagwe. Ka nako ya ikatiso, quarterback Jack Kemp o ne a robega leoto la moja, kgobalo e e neng ya mo pateletsa go dira loaro le le neng la fetsa setlha sa gagwe.[10] Bills e ne ya koba Colier morago ga tatlhegelo ya 48-6 kgatlhanong le Oakland Raiders mo bekeng ya bobedi ya setlha sa twaelo.[11] Sports Illustrated e ne ya akgela ya re "pheleletso ya ga Collier e ne e ya tswalwa..." ke kgobalo ya ga Kemp.[12]

Denver Broncos (1969–1988)

[fetola | Fetola Motswedi]

Morago ga nako ya gagwe e le mokatisi mogolo wa Bills, Collier ya nna mokatisi wa Denver Broncos ka 1969 mme a nna dingwaga tse masome mabedi le setlhopha seo, se se neng sa ya kwa Super Bowl tse tharo ele mogokaganyi wa lemorago (defensive coordinator). Colllier e ne ele moagi wa lemorago la 3-4 la Broncos mo dingwageng tsa bo 1970 di ya mo tsubong, leano leo le ne le bidiwa Orange Crush Defense.[13] Le fa a ne a rata go dira lemorago la Broncos ka bo linemen ba le bane, Collier gantsinyana o ne a lekeletsa lemorago la 3-4. Morago ga kgobalo ya ga Lyle Alzado fa setlha sa 1976 se simologa, Collier a dirisa leano leo kgatlhakgatlha ebile a le tokafatsa: mokwadi Terry Frei o ne a mmitsa "ramaranyane a le kwa laboratory, a tswa ka metlhale ya go dira tshireletso gore e nne botoka le go feta."[14] Morago ga go firwa ke Saban, o ntse mogokaganya wa lemorago ka fa tlase ga bakatisi bagolo ba le bane ba Broncos.[15] Dan Reeves o ne a koba Collier morago ga setlha sa 1988 sa NFL.[13]

New England Patriots (1991–1992)

[fetola | Fetola Motswedi]

Go tswa ka 1991 go ema ka 1992, e ne e le mogokaganyi wa lemorago la New England Patriots.[7] Collier o tsere lemorago leo la Patriots le le neng le ba bobedi go nosiwa dintlha tse dintsi go gaisa mo liking nako ya setlha sa 1-15 ka 1990.[16][17] le fa go ntse jalo, ngwaga wa ntlha wa ga Collier wa bona lemorago la Patriots le tokafala go tswa kwa go ba bobedi kwa tlase mo liking (mo ditlhopheng di le masome a ferabongwe) go ya fagare (15th). Go tokafala ga maemo a Patriots go ne ga dirwa ke go tokafala ga lemorago, e e neng e le mo maemong a bofelo mo liking ka 1990, ba tokafatsa maemo go ya kwa go a boferabongwe ka 1991.[17][18]

Patriots e ne ya palelwa ke go aga tshameko ya bone ya lemorago[19] ya 1991, ka setlhopha seo se ne sa fetsa mo maemong a bo masome a mabedi le boraro ka setlha sa 1992.[20] New England e ne ya fetsa e le 2–14, e fenya metshameko e le mene kwa tlase ga e e neng e e fentse ka 1991[21]. Morago ga tiro ya gagwe kwa Patriots e wela, Collier o ne a tlogela tiro ya NFL.[3]

O ne a nyetse Shirley Ann Ketelaar go tswa ka 1957go fitlhelela a tlhokafala ka 2006. Ba ne ba na le bana ba le bararo: Joel, Julie, and Lisa[22][23]. Joel o ne a firwa ka Tlhakole 2009 ke motsamaisi mogolo wa Kansas City Chiefs Scott Pioli; mookamedi wa pele wa Patriots, e le mokatisi wa defensive backs ka fa tlase ga mokatisi mogolo wa Chiefs Todd Haley[24]. Ka 2010, e ne e le mothusa motsamaisi mogolo (general manager)[22] wa setlhopha seo. Pele ga 2009, Collier e ne e le mokatisi wa bobedi wa New England Patriots. Pele ga a bereka kwa Patriots, o ntse dingwaga tse lesome lemotso e le mothusi kwa Miami Dolphins.[7]

  1. ↑ Miller, Jeffrey J. (2007). Rockin' the Rockpile: The Buffalo Bills of the American Football League. ECW Press. p. 535. ISBN 978-1-55022-797-0. Retrieved 18/10/2023.
  2. 1 2 Joe Collier Profile. Northwestern University. Retrieved 22/10/2023.
  3. 1 2 3 4 NFL Head Coaches: A Biographical Dictionary, 1920–2011. McFarland & Company. pp. 48–49. ISBN 9780786492954.
  4. 1 2 Bills Name Joel Collier Head Coach. St. Petersburg Times. Retrieved 22/10/2023.
  5. ↑ 1954 NFL Player Draft. Database Football. Retrieved 22/10/2023.
  6. ↑ Frei, Terry (2009). 77: Denver, The Broncos, and a Coming of Age. Taylor Trade Publishing. p. 320. ISBN 9781589794511.
  7. 1 2 3 Joel Collier – Secondary. New England Patriots. Retrieved 22/10/2023.
  8. ↑ 1966 Buffalo Bills. Pro Football Reference. Retrieved 22/10/2023.
  9. ↑ 1967 Buffalo Bills. Pro Football Reference. Retrieved 22/10/2023.
  10. ↑ Maule, Tex; Shrake, Edwin (1968-09-16). "Eastern Division". Sports Illustrated. Retrieved 22/10/2023.
  11. ↑ Owner Regrets The Firing Of Collier. The Miami News. Retrieved 22/10/2023.
  12. ↑ A Roundup Of The Sports Information Of The Week. Sports Illustrated. Retrieved 22/10/2023.
  13. 1 2 Broncos Dismiss Collier. The New York Times. Retrieved 22/10/2023.
  14. ↑ Frei, p. 21.
  15. ↑ Gustkey, Earl (1986-11-01). He Puts the D in Denver: Joe Collier Has Been Bronco Defensive Coordinator for 18 Seasons, 5 Head Coaches. Los Angeles Times. Retrieved 22/10/2023.
  16. ↑ Borges, Ron (1991-07-12). fter being out of football for two years, Patriots defensive coordinator Joe Collier is ... Restarting at the bottom. The Boston Globe. ProQuest. Retrieved 22/10/2023.
  17. 1 2 1990 NFL Opposition & Defensive Statistics. Pro Football Reference. Retrieved 22/10/2023.
  18. ↑ 1991 NFL Opposition & Defensive Statistics. Pro Football Reference. Retrieved 22/10/2023.
  19. ↑ Cerasuolo, Dick (1992-10-18). "Opponents have Patriots on run". Telegram & Gazette. p. D6
  20. ↑ 1992 NFL Opposition & Defensive Statistics. Pro Football Reference. Retrieved 22/10/2023.
  21. ↑ Boston/New England Patriots Franchise Encyclopedia. Pro Football Reference. Retrieved 22/10/2023.
  22. 1 2 Frei, Terry (2010-11-11). Architect of "Orange Crush" defense proud of son's accomplishments. The Denver Post. Retrieved 22/10/2023.
  23. ↑ Shirley A. Collier: 1935 – 2006. Quad-City Times. Retrieved 22/10/2023.
  24. ↑ Chiefs retain offensive coordinator Chan Gailey as Haley fills staff. USA Today. Retrieved 22/10/2023.
Retrieved from "https://tn.wikipedia.org/w/index.php?title=Joe_Collier&oldid=34860"