Joel Kaapanda
| Joel Kaapanda | |
|---|---|
| Tona wa sipuisanyo le maranyane | |
| In office 2008–2015 | |
| President | Hifikepunye Pohamba |
| Prime Minister | Hage Geingob |
| Pele Ga Gagwe | Netumbo Nandi-Ndaitwah |
| Morago Ga Gagwe | Tjekero Tweya |
Joel Natangwe Kaapanda (o o tshotsweng ka Seetebosigo a le lesome le bobedi ngwaga wa 1945) ke moemedi wa kwa mafatsheng ebile ke mopolotiki wa Namibia. Ke leloko la SWAPO, Kapaanda e ne e le molaodi wa ntlha wa Namibia kwa India go tswa ka 1995 go tsena 2002 pele ga a nna leloko la palamente, le tona.
Botshelo jwa gagwe le thuto
[fetola | Fetola Motswedi]Kapaanda o tshotswe ka Seetebosigo a le lesome le bobedi ngwaga wa 1945 kwa ondukuta kwa Ovamboland kwa South West Africa, kwa gompieno e leng kgaolo ya Omusati ya Namibia. Ka dingwaga tsa 1970, Kapaanda o ne a simolola pereko ele morutabana wa sekolo se sebotlana kwa kgaolong ya Omusati. O tsene sekolo gape kwa Paulinum Theological Seminary kwa Otjimbingwe gareng ga dingwaga tsa 1976 le 1978, a nna mopolotiki mo People's Liberation Army of Namibia (PLAN).Ka ngwaga wa 1981 o ne a tshabel kwa Germany kwa Hamburg go nna ra metlakase.[1] Go tswa ka 1981 go tsena 1986, Kaapanda e ne e le moeteledipele wa baithuti ba SWAPO kwa Hamburg.
Morago ga boipuso jwa Namibia ka 1990, Kaapanda o ne a ya go dira dithuto di le mmalwa kwa mafatsheng, ya ntlha e le B.A ka 1992, BA (Honours) ka 1993 kwa University of Adelaide kwa Australia, le diploma tsa pereko (1998) kwa Indira Gandhi University le MA ya polotiki ka 2000 kwa University of Dehli.
Tsa pereko
[fetola | Fetola Motswedi]Ka ngwaga wa 1987 Kaapanda o ne a nna moemedi wa SWAPO kwa Australia. Go tswa ka 1994 go tsena 1995 o ne a bereka e le mookamedi wa Okahuro Fisheries pele ga a nna molaodi wa ntlha wa Namibia kwa India ka 1995. O berekile go fitlhelela ka Lwetse 2002 fa tautona Sam Nujoma a ne a mo thapa go nna tona wa tsa selegae, matlo le tlhabololo magae. Kaapanda o ne a le mo palamenteng ya Namibia e le leloko le le sa tlhopheng ka Ngwanatsele 2002.[2]
Ka 2005, Kaapanda o ne a nna leloko le le tlhophang la palamente morago ga go nna wa bosupa mo lenaneeng la SWAPO. O ne a fudusediwa kwa lephateng la ditiro tsa setshaba, dipalamo le ditlhaeletsanyo kwa a berekileng teng go fitlhelela ka 2008, a fudusediwa gape kwa lephateng ya ditlhaeletsanyo le maranyane kwa a nenga le tona go tsena ka Mopitlo 2015.[2]
Kaapanda o ne a se kwa godimo mo go lekaneng mo lenaaneng la SWAPO la ditlhopho tsa bopalamente tsa 2014 mme a tsenelela palamente ka nakwana go tsw ka Firikgong go tsena Mopitlo 2020.[3]
Dietsele le go lemogiwa
[fetola | Fetola Motswedi]Ka letsatsi la bagaka ka 2014, o ne a fiwa tlotla ya Most Brilliant Order of the sun, maemo a bobedi.[4]
Metswedi
[fetola | Fetola Motswedi]- ↑ "Kaapanda Joel Natangwe". Parliament of Namibia. Retrieved 08 october 2025.
- 1 2 Profile Archived 2011-06-11 at the Wayback Machine at Namibia Institute for Democracy, 2007
- ↑ Matthys, Donald (6 January 2020). "SWAPO appoints new members to parliament". Namibia Economist.
- ↑ "Namibians honoured by President". New Era. 28 August 2014. Archived from the original on 29 June 2018. Retrieved 08 October 2025.