Johannes Nakwafila

Johannes Kamati Nakwafila (o o tshotsweng ka Phatwe a le masome mabedi le borobabobedi ngwaga wa 1957 kwa kgaolong ya Ohangwena) ke mopolotiki wa kwa Namibia. Ke morutabana ka tiro, o sale a nna leloko la khansele ya Namibia fa e sale ka 2004 le mokhanselara wa kgaolo ya botlhophi ya Epembe fa e sale ka 1999.

Thuto le Pereko

Nakwafila ke sealogane sa sekolo se segolwane sa Ongwediva High School ka 1977 le sa ithutelo ditiro sa Ongwediva College ka 1979. Go tswa ka 1980 go tsena 1992, Nakwafila o berekile e le morutabana le motsamaisi wa sekolo sa Epembe sa Nehale, le a le mogokgo kwa sekolong se sebotlana sa Omishe ka 1992. O ne a tsena mo sepolotiking a bereka mo khanseleng ya ohangwena go tswa ka 1992 go tsena 1998; a nna leloko la komiti ya khansele ya Ohangwena go tswa ka 1999 go tsena 2004; e ne e le morulaganyi wa kgaolo wa SWAPO go tswa ka 1993 go tsena 1998, gape e le leloko la khansele ya boraro ya lefatshe ya kgaolo ya Ohangwena go tswa ka 2004 go tsena 2010; a nna leloko la khansele ya bone gape go tswa ka 2010 go tsena 2015. Nakwafila o berekile e le mokhanselara wa Epembe fa e sale ka 1999; a nna mo komiting ya madi a setśhaba le itsholelo go tswa ka 2005 go tsena 2010; mothusa modulasetilo wa komiti ya madi a setśhaba le itsholelo go tswa ka 2011 go tsena 2015.