John Tengo Jabavu

John Tengo Jabavu
John Tengo Jabavu (kwa molemeng) le morwa wa gagwe Davidson Don Tengo Jabavu, ka dingwaga tsa 1903
Tsalo	Ngwaga wa 1859, Firikgong a le lesome le motso Healdtown, kwa botlhaba jwa Kapa, kwa Aforika Borwa
Leso	1921, Lwetse a le lesome Fort Hare, botlhaba jwa Kapa, kwa Aforika Borwa
Tiro	Molweladisthwanelo tsa sepolotiki, mokwadi
O itsegi ka	Mosimolodi wa pampiri ya dikgang ya ntlha ya puo ya seXhosa kwa Aforika Borwa
Mosadi	Elda Sakuba, o ba nnileng mo nyalong go tswa ka 1885 go tsena 1900 fa a tlhokafala; Getrude Joninga, ba nyalane ka 1901
Bana	davidson Don Tengo Jabavu, Alexander Macaulay Jabavu, le baba ba basimane ba bangwe ba le babedi, le basetsana ba le bararo
Masika	Noni Jabavu (ngwana wa ngwana)

John Tengo Jabavu o o tshotsweng ka ngwaga wa 1859, Firikgong a le lesome le motso, a tlhokafala ka ngwaga wa 1921, Lwetse a le lesome, e ne e le molweladitshwanelo wa sepolotiki ebile e le mokwadi wa pampiri ya Aforika Borwa ya ntlha ya dikgang go kwalwa ka puo ya se Xhosa.

Botshelo jwa a sa le mmotlana

John Tengo Jabavu o tshotswe ka Firikgong a le lesome le motso ngwaga wa 1859 gaufi le toropo ya Healdtown kwa koloneng ya Kapa. Ka ngwaga wa 1875, o ne a aloga kwa sekolong s

a borongwa sa kereke ya Methodist kwa Healdtown a nna morutabana kwa botlhaba jwa Somerset. Fa a ruta, o ne a simolola go kwalela dipampiri dingwe tsa dikgang tsa Aforika Borwa ditsebe a bo a ithutela kgatiso. Ka ngwaga wa 1881, Jabavu o ne a lalediwa ke moruti James Stewart wa sekolo sa borongwa sa Lovedale go nna mokwadi wa pampiri ya sekolo seo ya puo ya se Xhosa ya Isigidimi samaXhosa ("morongwa wa ma Xhosa".)

Tsa pereko

Ka dingwaga tsa 1880 di simologa, Jabavu o ne a nna le seabe se segolo mo go tsa sepolotiki. Mekwalo ya gagwe e ne e itebaganya le go golela pele ga ketelelo pele ya Maburu, le go gwetlha ditshwanelo tse di lekanang mo batho ba kwa koloneng ya Kapa ba ma Xhosa. Tengo Jabavu o ne a itsege gape e le molwela ditshwanelo tsa basadi le dithuto tse di eteletsweng pele ke puso.