Josina Z. Machel

Josina Z. Machel
Ke mo	Mozambique
Thuto	Yunibesithi ya kapa
Alma mater	London School of Economics
Tiro	Molweladitshwanelo
Lephata	Kuhluka Movement
Batsadi(s)	Samora Machel (rraagwe) Graça Machel (mmaagwe)
Masika	Nelson Mandela

Josina Ziyaya Machel (o o tshotsweng ka Moranang 1976) ke molweladitshwanelo tsa setho wa kwa Mozambique. O tlhageletse mo basading ba ba lekgolo ba BBC ka 2020.

Botshelo jwa gagwe

Lolwapa loora Machel lo supilwe mo Capulana

Machel o tsholetswe kwa Maputo ka Moranang 1976. Ke morwadia tautona wa pele wa Mozambique Samora Machel le mopolotiki le molweladitshwanelo Graça Machel, o morago a neng a nyalwa ke mopolotiki wa kwa Aforika Borwa Nelson Mandela. Rragwe o ne a mo reile leina la mosadi wa gagwe wa ntlha, molweladitshwanelo tsa basadi Josina Machel, e le tlotla mo go ene. Rraagwe Machel o tlhokafetse fa sefofane se phatlalala, se bangwe bareng e ne e le polao, fa a le dingwaga di le lesome. Morago ga mmaagwe le Nelson Mandela ba simolola go ratana, Machel o ne a fudugela kwa Aforika Borwa, morago ga lonyalo lwa bone, a nan morwadia Mandela o a mo fitlhetseng.

Machel o ithutetse Sociology le polotiki kwa University of Cape Town, a ya go ithutela MSc go tswa kwa London School of Economics. Setlhogo sa tshekatsheko ya gagwe ya MSc se ne se re "AIDS:bolwetsi jwa khumanego kgotsa kgatelelo ya banna." Nngwe ya maduo a tshekatsheko ya gagwe ke kgatiso ya tsebe ya "maitsholo a a sa babalesegang mo basetsaneng ba sekolo kwa Mozambique: kgang ya bong le maemo", e e neng e gatisitswe mo pampiring ya thuto ya Reproductive Health Matters.

Dietsele le tlotla

Machel o tlhophetswe dietsele di le mmalwa le ditlotla, di akaretsa:

• ""Seetsele sa Trailblaizer, a se neelwa ke American SOHO ka 2016.
• Leloko la basadi ba ba lekgolo ba setlhopha sa ga Mama Albertina Sisulu
• Lenaane la basadi ba le lekgolo, ba tlhophilwe ke BBC ba gatisitswe ka Ngwanatsele a le masome mabedi le boraro nwgaga wa 2020.