Joy Maimela

Motlotlegi Joy Maimela Mopalamente
Modulasetilo wa komiti ya thuto go tswa kwa moding
Incumbent
Assumed office Phukwi a le malatsi a robabongwe ngwaga wa 2024
Minister	Siviwe Gwarube
Pele Ga Gagwe	Bongiqwe Mbinqo-Gigaba
Mopalamente
Incumbent
Assumed office Seetebosigo a le lesome le bone ngwaga wa 2024
Ka Ga Ena
O tsetswe	Khomotjo Joy Maimela Seetebosigo a le malatsi a robabongwe ngwaga wa 1988 Sekhukhune TransvaalAforika Borwa
Mokgatlho	African National Congress
Alma mater	University of South Africa

Khomotjo Joy Maimela (o o tshotsweng ka Seetebosigo a le malatsi a robabongwe ngwaga wa 1988) ke mopolotiki wa kwa Aforika Borwa o o emetseng African National Congress (ANC) mo palamenteng ya Aforika Borwa fa e sale ka Seetebosigo ngwaga wa 2024. Ke modulasetilo wa komiti ya thuto go tswa kwa moding.

A tsholetswe kwa Sekukhune,Limpopo, Maimela o berekile pele e le mmereki wa meepo. O tlhatlogile maemo e le morulaganyi wa nakwana wa lekgotla la banana la ANC ka Moranang 2021 go tsena Mopitlo 2023. Ka nako eo, ka Morule 2022, o ne a tlhophiwa mo legatong la dingwaga di le tlhano mo komiting ya khansele ya ANC. Morago o ne a nna bontlha jwa palamente mo ditlhophong tsa Motsheganong 2024

Botshelo jwa a le mmotlana le pereko

A tshotswe ka Seetebosigo a le malatsi a robabongwe ngwaga wa 1988,Maimela o tswa kwa motseng wa Sekukhune kwa kgaolong ya Limpopo (kwa e neng e le Transvaal Bokone ka nako eo). Teme ya kwa ga bone ke Sepedi. O alogile ka matric ka 2005 kwa Graceland Education Centre. Morago ga sekolo se segolwane, o ne a ya go dira dithuto tsa postgraduate ya thuto, a fetsa setlankana sa civil engineering kwa Mopani South East College, kwa Mopani,Limpopo ka 2010.

Ka dingwaga tsa 2011 go tsena 2017, Maimela o ne a bereka e le molaola kolotsana ya moepo kwa moepong wa Glencore wa platinum kwa Burgersfort, Limpopo. O ne a tsweledisa thuto ya gagwe, a aloga ka 2017 kwa University of South Africa ka Bachelor of Arts ya governance, administration le tlhabololo. Ka 2017 gape, o ne a tlhomiwa mookamedi wa lekgotla la tlhabololo banana. Morago, mo sephatlong sa ntlha sa 2018, o ne a berekela lekgotla la tshireletso setshaba e le mosekaseki wa lekgotla la tsiboso la Aforika Borwa.

Maimela o sale a nnile le seabe mo polotiking a le dingwaga di le lesome le bosupa, moragonyana fela puso ya tlhaolele e sena go fela, a ya go tsaya karolo mo bokopanong kwa baithuti ba Aforika Borwa, Progressive Youth Alliance le Young Communist League. O ne a nna leloko la African National Congress (ANC) le lekgotla la banana la ANC, ka Lwetse 2015 o ne a tlhophiwa go nna mo komiting ya lekgotla leo.

Moeteledipele wa lekgotla la banana la ANC: 2021 go tsena 2023

Ka Moranang a le malatsi a robabobedi ngwaga wa 2021, Maimela o ne a tlhomiwa moeteledipele wa setlhopha sa banana, e le setlhopha sa banana ba le masome mararo le botlhano, se se neng se rulagantswe go etelela pele lekgotla la banana la ANC go fitlhelela lekgotla le tshwara ditlhopho tsa boeteledipele tse disha. O berekile le Nonceba Mhauli, o a neng a thapilwe e le o o rulaganyang dikopano tsa NYTT.

NYTT ya ga Maimela le Mhauli e ne ya emelela setlhopha sa barongwa, e eteletswe pele ke Tandi Mahambehlala e le morulaganyi le Sibongile Besani e le moeteledipele, e e neng e tlhamilwe morago ga gore setlhopha sa baiteledipele sa ga Collen Maine se phatlhaladiww ka 2019; Mahambehlala le Besani ba ne ba leka mme ba retelelwa fa e sale ka nako eo go tshwara bokopano jwa ditlhopho. Dibeke morago ga a sena go thapiwa, Maimela o ne a supa tautona wa pele wa lekgotla Julius Malema ka monwana go bo go le tlhakatlhakano, a re lekgotla le aperwe ke mathata a madi fa e sale ka nako ya Julius Malema a le mo setilong, a re ke ene a neng a na le maikarebelo a go tlhoka go tshwara madi sentle le go senyetsa lekgotla.

Fa a le mo maemong ao, o ne a tsenelela bokopanong jwa masome a matlhano le botlhano jo bo neng bo tshwaretswe kwa Nasrec ka Morule 2022. Bokopano bo ne jwa mo tlhopha go nna leloko la komiti dingwag di le tlhano. Go ya ka dipalo tsa ditlhopho tse di neng di amogetswe, o ne a le mo maemong a masome marataro le borobabobedi a batho ba le masome a robabobedi ba ba neng ba tlhophilwe, a amogela sekete, masome a matlhano le borobabobedi jwa ditlhopho mo batlhophing ba le dikete di le nne, masome a mabedi le borobabongwe. Ene le Mhauli le Zuko Godlimpi, e ne e le mongwe wa batho ba bararo ba ba dingwaga di kwa tlase ga masome mararo le botlhabk go tlhophiwa, pampiri ya Daily Maverick e ne ya re o mo maemong a go tlhatlosediwa kwa ofising ya puso.

Pereko ya ga Maimela kwa NYTT e ne e na le dikgang, NYTT e ne ya retelelwa ke go rulaganya bokopano jwa ditlhopho jwa lekgotla la banana. Ka Mopitlo 2023, komiti ya pereko ya ANC e ne ya itsise fa NYTT ya ga Maimela le Mhauli e tlaa phatlaladiwa e emesitswe ka setlhopha sa barongwa. Maimela o ne a tlhatlhamiwa ke Sonto Motaung e le morulaganyi.

Palamente: 2024 - go tsena gompieno

Pele ga ditlhopho tsa Motsheganong 2024, Mhlauli o ne a nna ntlhopheng wa ANC, a le mo maemong a masome mararo le boraro mo lenaaneng la phathi. O ne a tlhophiwa go ya palamenteng, ka Phukwi a le malatsi a robabongwe ngwaga wa 2024, o ne a tlhophiwa go nna modulasetilo wa komiti ya thuto go tswa kwa moding.