Judith Suminwa

Judith Suminwa
Suminwa ka 2025
Tonakgolo wa Democratic Republic of the Congo
Incumbent
Assumed office Seetebosigo a le lesome le bobedi ngwaga wa 2024
President	Félix Tshisekedi
Pele Ga Gagwe	Sama Lukonde
Morago Ga Gagwe	Eustache Muhanzi
Tona wa lefatshe Tona wa dithulaganyo
In office Mopitlo a le masome mabedi le bone ngwaga wa 2023 – Moranang 2024
Prime Minister	Sama Lukonde
Pele Ga Gagwe	Christian Mwando Nsimba
Ka Ga Ena
O tsetswe	Phalane a le lesome le borobabongwe ngwaga wa 1967 Kongo Central
Mokgatlho	Union for Democracy and Social progress
Mo/Bakapelo	Roger Tuluka

Judith Suminwa Tuluka (o o tshotsweng ka Phalane a le lesome le borobabongwe ngwaga wa 1967) ke mopolotiki wa kwa Congo o o berekileng e le tonakgolo wa kwa Democratic Republic of the Congo fa e sale ka 2024, ke mosadi wa ntlha go nna mo maemong ao. Pele ga maemo a gagwe a tonakgolo, e ne e le tona wa lefatshe le wa dithulaganyo.

Botshelo jwa a le mmotlana le thuto

Judith Suminwa Tuluka o tsholetswe kwa Kongo Central, ka Phalane a le lesome le borobabongwe ngwaga wa 1967. Rraagwe e ne e le moemedi wa Congo kwa Chad ka botautona jwa ga Mobutu Sese Seko. O alogile kwa sekolong se segolwane sa ithutelo ditiro sa katoliki sa University of Mons ka bachelor degree ya itsholelo le kwa Université libre de Bruxelles ka master's degree ya dithuto tsa pereko. O ne a boela DRC ka 1997, a bereka kwa Citibank.

Tsa pereko

Suminwa o ne a isa kopo kwa ofising ya molaodi wa United Nations for Human Rights a bereka e le mothusi wa tsa tsamaiso le madi pele ga a nna leloko la lenaneo la United Nations Development Programme.

Ke leloko la Union for Democracy and Social Progress (UDPS). E ne e le mothusa morulaganyi wa khansele ya ga tautona. O ne a thapiwa mo palamenteng ya ga Lukonde e le tona wa lefatshe le tona wa dithulaganyo ka 2023.

Tonokgolo Sama Lukonde o ne a ithola marapo ka Tlhakole a le masome mabedi le motso ngwaga wa 2024. Ke mosadi wa ntlha go bereka e le tonakgolo. Palamente ya gagwe ya pele e ne e na le batho ba le masome matlhano le bone, ba le lesome le borobabobedi e le basadi.

Botshelo jwa gagwe

Suminwa o nyetswe ke Roger Tuluka, o a neng a tsena sekolo le Félix Tshisekedi o a kopaneng le ene kwa Belgium ka dingwaga tsa 1990.

Maemo a sepolotiki

Suminwa o ne a kgala lefatshe la Rwanda go bo le tsere mafelo mangwe mo botlhaba jwa DRC, a le supa ka monwana go bo le eme nokeng ditlhopha tsa ditsuolodi, di tshwana le Congo River Alliance go thankgola puso ya DRC.