Judy Ditchfield

Judy Ditchfield
Tsalo	Judith Angela Broderick (1963-07-23) 23 July 1963 Pretoria, South Africa
Alma mater	University of Natal
Tiro	Actress, singer, writer, producer
Dingwaga tsa a le mo tirong	1989–present
Bolele	Tempolete:Convinfobox/pri3

Judith Angela Broderick (o tshotswe ka Phukwi a le malatsi a le masome mabedi le bobedi 1963), yo o itsegeng thata ka leina la Judy Ditchfield, ke modiragatsi le seopedi sa Aforika Borwa. Judy Ditchfield gongwe o itsege thata ka seabe sa gagwe sa go nna Stella Fouche mo motshamekong wa letsatsi le letsatsiwsa Aforika Borwa o o gapileng seetsele wa Isidingo, le Mme Rabinowitz mo go Ses Top’la mme tiro ya gagwe e simolotse dingwaga di feta masome a mane pele ga moo, jaaka leloko le le simolotseng Kompone Loft Theatre kwa Durban. Fa a sena go fudugela kwa Johannesburg, Judy o ne a bereka thata mo theatre, mo difiliming le mo thelebisheneng.

Dintlhakgolo mo tirong ya gagwe e nnile Boo to the Moon le Heel against the Head ya ga Paul Slabolepszy tse a neng a di amogelela seetsele sa FNB Vita sa Metlae. Fiela’s Child: The Musical (Tlhopho ya Sekgele sa Vita); The Buddy Holly Story, Rainshark at the Market Theatre, le Macbeth for Pact. O ne a tshameka karolo ya ga Vi Moore mo filiming ya Footloose e a neng a e amogelela tlhopho ya Naledi. O ne a bonwa mo seraleng mo go The Boys in the Photograph le mo tlhagisong e e fentseng seetsele sa Molao wa Sister Act e le Sister Mary Martin-of-Tours kwa Johannesburg Theatre le Menopause: The Musical kwa Pieter Toerien Theatre kwa Montecasino. Motshameko o o ratwang go fitlha ga jaana ke 6 Dance Lessons in 6 Weeks mmogo le Jose Domingos, o o kaelwang ke Greg Homan kwa Auto and General Theatre mo marekisetsong le kwa Moletlong wa Bodiragatsi wa Hilton; Tiger Bay the Wales Millennial Centre, Cardiff le tlhagiso mmogo ya Artscape, jaaka Leonora Piper, a na le John Owen-Jones, le jaaka Bosun. Bosheng jaana o ne a bonwa e le Maud mo tlhagisong e e tseneletseng ya Macabre ya UJ Arts and Culture le jaaka Evelyn Sharpe mo A Marry Little Christmas kwa The Market Theatre.

Thelebišene e akaretsa Metlae ya TV ya SABC 1, Ses Top ‘La le Isidingo jaaka Stella. Judy o segofaditswe ka ditlhagiso tse dingwe tse dintsi tsa theatre, difilimi le thelebišene, tiro ya lentswe le go kapa mantswe, fela dintlhakgolo di akareditse tiro ya gagwe ya kgwebo le dikomponi tsa blue-chip jaaka motsamaisi le Monaleseabe wa Kgwebo. Mme lorato lwa gagwe lwa ntlha e bile lo tla nna lo ntse lo le lone, theatre. Ao…. le gape barwa ba gagwe ba ba gakgamatsang Keaton le Tom le monna wa gagwe Paul.

DIETSELE • FNB/TONIGHT SEETSELE SA VITA COMEDY ka HEEL AGAINST THE HEAD, 1994/1995 • Tlhopho, DIETSELE TSA VITA TSA KGAOLO, KWAZULU NATAL, Modiragatsi wa motshegetsi yo o gaisang ka HEEL AGAINST THE HEAD, mo tiragatsong ya gagwe e le Celeste, 1995/1996 • Tlhopho, DIETSELE TSA VITA TSA KGAOLO, CAPE Modiragatsi wa motshegetsi yo o gaisang ka FIELA’S CHILD: THE MUSICAL, mo tiragatsong ya gagwe e le Barta, 1998/1999 • Tlhopho, DIETSELE TSA VITA TSA KGAOLO, KWAZULU NATAL, Tiragatso e e Gaisang mo Metlaeng,Mosadi, kwa COMRADES ARMS, 2000/2001 • Tlhopho, DIETSELE TSA NALEDI TSA THEATRE TSA 2006, Tiragatso e e Gaisang ya Metlae (ya Mosadi) mo Drameng, Mminong kgotsa Revue ya MENOPAUSE: THE MUSICAL • Tlhopho DIETSELE TSA NALEDI TSA THEATRE TSA FNB 2009, modiragatsi yo o gaisang wa motshegetsi wa Footloose: The Musical, Vi Moore. Gape ke mogwebi yo o atlegileng mmogo le BRP le motsamaisi yo o katisitsweng kwa UK.

Botshelo jwa gagwe

O tshotswe ka Phukwi a le masome mabedi le bobedi 1963 kwa Pretoria, Aforika Borwa mme morago a golela kwa Irene. Fa a le dingwaga di le thataro, o ne a fudugela kwa Kimberley le batsadi ba gagwe. Mme fa a le dingwaga di le lesome le boraro, lelwapa la gagwe le ne la fudugela gape kwa Pietermaritzburg. Go tloga ka 1984 go fitlha ka 1987, o ne a nna kwa Durban mme morago a fudugela kwa Johannesburg. O tsene dikolo di le mmalwa: Sekolo se se Golwane sa Belgravia le Sekolo se se Botlana sa Herlear kwa Kimberley go bona thuto ya motheo. Morago ga moo o ne a tsena sekolo se sebotlana sa Pelham a dira mophato wa botlhano. Morago ga moo o ne a wetsa ditlhatlhobo tsa matrici kwa Sekolong se Segolo sa Basetsana sa Pietermaritzburg, kwa Pietermaritzburg.

Morago ga moo o ne a bona Dithuto tsa gagwe tsa BA mo Thutong ya Tlhaloganyo le Drama kwa Yunibesithing ya Natal, kwa Pietermaritzburg. Go tloga ka 1984 go fitlha ka 1987 morago ga go aloga, o ne a dira kwa Lekgotleng la Bodiragatsi la Natal (NAPAC).

O nyalane le modiragatsi le seopedi Paul Ditchfield. Banyalani bano ba na le barwa ba babedi: Keaton le Tom. Keaton o tshotswe ka 1991 mme gape ke modiragatsi. Tom o tshotswe ka 1996 mme o ithuta B.Com. ya Molao kwa Yunibesithing ya Wits.

Tiro

O simolotse tiro ya bodiragatsi le Loft Theatre Company, e leng lekala la NAPAC. Mo pakeng eo, o ne a diragatsa mo metshamekong ya Boo To The Moon e tlhagisiwa ke Paul Slabolepszy, Tales From The Pleasure Palace ka Janice Honeyman, Kwamanzi, Every Good Boy Deserves Favour, Hambe Kahle, Maid In South Africa, Mistakes Of An African Night To Conquer, En Dit Was More, In The War le Kitchen Tea. Morago ga moo o ne a diragatsa mo drameng ya Macbeth kwa State Theatre kwa Pretoria mmogo le mo drameng ya The Things We Do For Love and Comrades Arms e e tlhagisitsweng ke Anthony Ackerman. Ka 2001, o ne a bona tlhopho ya Kwazulu-Natal Vita ya Tiragatso e e Gaisang ya Basadi mo Seabeng sa Metlae.

Kwa ntle ga go diragatsa, gape ke seopedi se se nang le bokgoni mme o dirile dipina di le mmalwa tse di tumileng le go tlhagelela mo mminong: Christian; Neill Solomon Rock Concert; Bursting Out; Soundcraft; The Last Great Drive-In Movie Picture Show; It's All Fright By Me; It's Still Rock And Roll To Me; Tarts; A Touch Of Tonic; tlhagiso ya ga Richard Loring e e tumileng thata ya A Touch Of Webber, A Taste Of Rice; Snow White And The Seven Dwarves; Buddy: The Buddy Holly Story; Fiela's Child: The Musical; The Night They Invented Champagne; and Queen: The Concert kwa Sandton Convention Centre.

Go simolola ka Phalane 2006 go fitlha ka Mopitlo 2007 , o ne a tshameka mo filiming ya Menopause: The Musical wa Botsamaisi jwa Showtime o o neng wa tshamekiwa kwa Montecasino Theatre kwa Johannesburg. Mo pakeng e, o ne a amogela tlhopho ya Seetsele sa Naledi Theatre sa 2006 sa Tiragatso e e Gaisang ya Metlae (ya Basadi) mo drameng e. Go sa le jalo, o ne a tlhagelela mo dipontshong di le mmalwa tsa thelebišene tse di akaretsang The Game II, Sonnekring II, Suburban Bliss and Streaks I and II. Gape o ne a tshameka dikarolo tse di kwa pele mo difiliming tse di latelanang; Angels, Hoof Of Africa, Zero Tolerance le Yizo Yizo. Ka 2012, o ne a tlhagelela mo sitcom ya thelebišene ya Ses'Top La mme a tshameka karolo ya 'Mme Rabinowitz'.

Ka 2019, o ne a tshameka karolo ya 'Stella Fouche' mo motshamekong o o tumileng ya Isidingo. O ne gape a tlhagelela mo difiliming, Faith's Corner, Glory Glory, Cape Of Good Hope le Stander.