Kalla Gertze

Reinhard "Kalla" Gertze (1960 - Mopitlo a le lesome le boraro ngwaga wa 2008) e ne e le morutuntshi wa sekolo se segolwane sa ithutelo ditiro wa kwa Namibia, le mopalamente, e le leloko la Congress of Democrats (CoD). O ne a le mo palamenteng go tswa ka 2005 go fitlhelela a tlhokafala ka 2008, o kile a nna morutuntshi kwa University of Namibia.

Botshelo jwa a le mmotlana le botshabi

Gertze o tsholetswe kwa Otjimbingwe, kwa kgaolong ya Erongo ka 1960. Gertze o ne a tshabela kwa Angola le SWAPO ka 1978. Morago o ne a ya go dira dithuto kwa United Nations Institute for Namibia kwa Zambia, mme a tloga a fudugela kwa France, kwa a neng a dira bachelor's degree le diploma ya borutabana. Gertze morago o ne a boela France go dira Master of Arts Degree ya dipuo le padi kwa Metz University.

Ene le batshabi ba bangwe ba le lekgolo ba Namibia ba ne ba tshaba, Gertze o ne a supiwa fa a fetogetse kgololesego ya SWAPO, le go nna setlhola sa babusi ba tlhaolele ba Aforika Borwa. Ba ne ba bogisiwa ba bo ba bewa kwa meleteng ya lubango kwa borwa jwa Angola. Gertze o berekile dingwaga di le thataro kwa meleteng ya Lubango. O rutile kwa University of Namibia.

Morago ga boipuso jwa Namibia

Morago ga go boela Namibia morago ga boipuso, Gertze o nea bereka e le tautona wa lekgotla la Breaking the Wall of Silence (BWS) le le neng le berekela go lemoga ga bosetlhogo jwa batshwara ba SWAPO fa ba tshabile. Go akanyediwa fa batho ba Namibia ba ka nna dikete pedi ba tlhokafetse mo dikampeng tsa dikgolegelo di le tlhano tse di neng di laolwa ke SWAPO mo dingwageng tsa bofelo tsa ntwa ya Namibia ya boipuso. O rutile gape kwa University of Namibia.

Gertze o ne a nna leloko la Congress of Democrats (CoD) a nna mokwaledi wa yone ka 2004. Ka 2005 o ne a nna le setilo kwa palamenteng go fitlhelela a tlhokafala.

Gertze o ne a nyetse Ria, ba na le bana ba le batlhano. O tlhokafetse ka Mopitlo a le lesome le boraro ngwaga wa 2008 kwa Windhoek ka khupelo. Sebui kwa phitlhong ya gagwe e ne e le motshwara le ene le tsala ya gagwe Pauline Dempers o a neng a mo tlhatlhama go nna moeteledipele wa BWS.