Katie Reid

Katie Holly Reid (o tshotswe ka kgwedi ya ka Lwetse ele masome a mabedi le botlhano (25) ka ngwaga wa 2006) ke motshameki wa kgwele ya dinao wa kwa Engelane yo o tshamekang jaaka motshameki wa bogare wa setlhopha sa Women's Super League Arsenal le setlhopha sa bosetšhaba sa England sa ba ba ka fa tlase ga dingwaga tse masome a mabedi le boraro(23).

Botshelo jwa gagwe jwa pele

Katie Reid o simolotse kwa Wycombe Wanderers Foundation pele a tsenela Reading FC's RTC. Reid o ne a tsenela sekolo sa Arsenal a le dingwaga di le lesome le boraro(13) morago ga go tshameka le setlhopha sa basimane. O simolotse e le mosireletsi wa bogare, mosireletsi yo o feletseng, le mosireletsi wa bogare mo setlhopheng sa ba ba ka fa tlase ga dingwaga di le lesome le bone(14), pele ga a fetela go nna mosireletsi wa bogare mo setlhopheng sa ba ba ka fa tlase ga dingwaga di le lesone le borataro(16).

Reid o na le kgaitsadie wa mawelana yo le ene a neng a tshameka kgwele ya dinao fa ba ne ba le bannye. Reid o ne a bua ka dikgaisano tsa kgwele ya dinao tsa selemo jaaka nngwe ya dikgakologelo tsa gagwe tsa bongwana mo potsolotsong le The Telegraph, a tlhalosa gore kgaitsadie wa mawelana le ene o ne a tshameka.

Tiro ya go tshameka

Arsenal

Ka kgwedi ya Moranang ele lesome le botlhano (15) ka ngwaga wa 2024, Reid o ne a tshamekela Arsenal mo motshamekong wa bone wa maemo a a kwa godimo wa go fenya Bristol City ka 5-0 mo WSL, a emisetsa Leah Williamson mo metsotsong ya bofelo ya motshameko. Ka nako ya dipapadi tsa pele ga setlha, Reid o ne a tlhagelela mo motshamekong wa ngwaga wa 2024 A-Leagues All Stars Women, o o tlhalosiwang jaaka tiragatso e e gaisang ke Goal.com, yo o neng a solofetse phitlhelelo ka nako ya setlha sa ngwaga wa 2024/25.

Ka kgwedi ya Diphalane e thola bongwe (1) ka ngwaga wa 2024, o ne a saena konteraka ya gagwe ya ntlha ya porofeshenale le Arsenal a le dingwaga di le lesome le boferabobedi(18).Ka kgwedi ya Phalane ele lesome le borataro (16) ka ngwaga wa 2024, Reid o ne a simolola go tshameka mo Champions League, a tsena mo boemong jwa gagwe kgatlhanong le Vålerenga. Ka kgwedi ya Sedimonthole ele lesome le bobedi (12), o ne a simolola motshameko wa gagwe wa ntlha kwa Vålerenga.

Ka kgwedi ya Ngwanatsele ale lesome (10) ka ngwaga wa 2025, go ne ga itsisiwe gore Reid o ne a robegile marapo a gagwe a kwa pele (ACL) fa a ne a katisiwa, mme o ne a tlile go nna kwa thoko mo nakong e e setseng ya setlha, a oketsa lenane le leleele la batshameki ba ba neng ba gobetse kwa tshimologong ya setlha.

Watford (ka kadimo)

Ka kgwedi ya Phatwe e thola boraro(3) ka ngwaga wa 2023, Reid o ne a saena le Women's Championship club Watford ka go adimelwa mo setlheng sa ngwaga wa 2023-24.[1]

Reid o ne a tshamekela Watford ka makgetlo a le 10 mo dikgaisanong tsotlhe, a tshameka mo metshamekong e le 13 ka kakaretso. Ka kgwedi ya Pherekgong ale lesome le bone(14) ka ngwaga wa 2024, o ne a tlhagelela mo motshamekong wa FA Cup kgatlhanong le setlhopha sa Arsenal mme o ne a tlhalosiwa ke The Athletic e le senotlolo sa go dirisana le bobegadikgang jwa Arsenal mo motshamekong o Watford e neng ya latlhegelwa ke 5-1.

Tiro ya boditšhabatšhaba

Reid o emetse ditlhopha tsa bosetšhaba tsa kwa Engelane tsa ba ba ka fa tlase ga dingwaga di le 17, 19 le 23.

Ka kgwedi ya Motsheganong ngwaga wa 2023 o ne a tshameka mo kgaisanong ya UEFA Women's Under-17 Championship, a ne a amogela kgwele ya gagwe kgatlhanong le Sweden mo kgaisanong ya ditlhopha,[17] mme morago ga moo a dira kgwele ya gagwe ya ntlha ya boditšhabatšhaba kgatlhanong le Spain mo kgaisanong ya makgaolakgang, e e neng ya dira gore setlhopha sa ba ba ka fa tlase ga dingwaga di le 17 se latlhegelwe ke 3-1.[

Ka kgwedi ya Phukwi ka ngwaga wa 2024, Reid o ne a tshameka mo UEFA Women's Under-19 Championship ya 2024, koo Engelane e neng ya latlhegelwa gape ka 3-1 ke Spain mo semi-final.

Ka kgwedi ya Tlhakole ngwaga wa 2025, Reid o ne a amogela pitso ya gagwe ya ntlha go ya kwa setlhopheng sa England sa ba ba ka fa tlase ga dingwaga di le 23, mme a simolola motshameko wa bona wa botsalano kgatlhanong le Jeremane, e ba neng ba e latlhegelwa ka 3-2. 21][22]

Ka kgwedi ya Phalane ngwaga wa 2025, Reid o ne a amogela pitso ya gagwe ya ntlha go ya go tshameka mo setlhopheng sa bagolo sa Engelane,mme morago a tlogela morago ga kgobalo e nnye e e amanang le makgwafo.

Mokgwa wa go tshameka

Reid ke motshameki wa setegeniki yo o tshamekang sentle fa a tshwere kgwele.