Kethobogile Haingura

Kethobogile Haingura (o tshotswe ka kgwedi ya Sedimonthole e thola lesome le bone ka ngwaga wa sekete, makgolo a robabongwe le masome a robabongwe le borobabobedi (1998) ke motabogi wa Botswana wa sekgala se se fa gare. Ka ngwaga wa dikete tse pedi le masome a mabedi le bone (2024), o ne a nna mmampodi wa bo setšhaba wa dimetara tsa sekete le makgolo a matlhano (1500).

Ditso

E ne e le leloko la Maun Track and Field Club,o ne a feletsa a le mo maemong a bobedi kwa Botswana National championships ka ngwaga wa dikete tse pedi le masome a mabedi le bobedi (2022) ka 800 metres kwa Francistown.Ka kgwedi ya Mopitlwe ka ngwaga wa dikete tse pedi le masome a mabedi le boraro (2023), o ne a fetsa a le wa boraro mo dimetareng tse makgolo a robabobedi (800) kwa Botswana Golden Grand Prix. Ka kgwedi ya Motsheganong ka ngwaga wa dikete tse pedi le masome a mabedi le boraro (2023), o ne a nna mmampodi mo metshamekong ya dimetara di le makgolo a robabobedi (800) le tse sekete le makgolo a matlhano (1500) kwa Botswana kwa Gaborone.

O ne a fokotsa rekoto ya gagwe ya 800 metres go nna 1:45.53 kwa Tshwane ka kgwedi ya Mopitlwe ka ngwaga wa dikete tse pedi le masome a mabedi le bone (2024).O ne a fenya lebelo la 800m kwa kgaisanong ya Athletics South Africa grand prix kwa Pretoria ka kgwedi ya Mopitlwe ka ngwaga wa dikete tse pedi le masome a mabedi le bone (2024) ka nako ya 1:43.94 Nako e e ne ya fitlhelela maemo a go tsenela metshameko ya Diolimpiki tsa Paris ka ngwaga wa dikete tse pedi le masome a mabedi le bone (2024), mme e ne e le lebelo le le kwa godimo go gaisa la 800m le le kileng la tshwarwa mo Aforika Borwa.

Ka kgwedi ya Motsheganong ka ngwaga wa dikete tse pedi le masome a mabedi le bone (2024), o ne a fenya Botswana National Championships ka 1500 metres kwa Gabarone. Ka kgwedi ya Seetebosigo ka ngwaga wa dikete tse pedi le masome a mabedi le bone (2024), o ne a gapa selefera mo metshamekong ya dimetara di le makgolo a robabobedi (800) kwa African Championships kwa Douala, Cameroon. O ne a gaisana mo metshamekong ya di-Olympic tsa Selemo tsa ngwaga wa dikete tse pedi le masome a mabedi le bone (2024) kwa Paris ka kgwedi ya Phatwe ka ngwaga wa dikete tse pedi le masome a mabedi le bone (2024) mo kgaisanong ya dimetara di le makgolo a robabobedi (800).

Ka kgwedi ya Mopitloka ngwaga wa dikete tse pedi le masome a mabedi le botlhano (2025), o ne a tlhoma nako e ntšha ya gagwe ya 1:43.88 kwa Johannesburg. Ka kgwedi ya Moranang e thola lesome le bobedi ka ngwaga wa dikete tse pedi le masome a mabedi le botlhano (2025) kwa Gaborone, Haingura o ne a dira 1:44.18 go fenya mo kgaisanong ya World Athletics Continental a le kwa pele ga moagi-ka-ena Tshepiso Masalela. O ne a feletsa a le wa botlhano mo metshamekong ya 800 metres ka ngwaga wa dikete tse pedi le masome a mabedi le botlhano (2025) Meeting International Mohammed VI d'Athlétisme de Rabat, karolo ya ngwaga wa dikete tse pedi le masome a mabedi le botlhano (2025) Diamond League, ka kgwedi ya Motsheganong ka ngwaga wa dikete tse pedi le masome a mabedi le botlhano (2025). E ne e le mongwe wa ba ba neng ba le mo makgaolakgannyeng a Metshameko ya Lefatshe ya Athletics ka ngwaga wa dikete tse pedi le masome a mabedi le botlhano (2025) kwa Tokyo, Japan, ka kgwedi ya Lwetse ka ngwaga wa dikete tse pedi le masome a mabedi le botlhano (2025) mo metshamekong ya banna ya dimetara di le makgolo a robabobedi (800).

Ka kgwedi ya Motsheganong ka ngwaga wa dikete tse pedi le masome a mabedi le borataro (2026), Haingura o ne a le wa bobedi ka 1:43.89 kwa Shanghai Diamond League ka ngwaga wa dikete tse pedi le masome a mabedi le borataro (2026), a tshwarwa ke Mo-Ireland Mark English morago ga go keteka phenyo pele ga nako.