Kgakgamatso Nkewu

Kgakgamatso Nkewu
Leloko la khansele ya Bokone Bophirima ya tlhabololo magae
In office Motsheganong a le malatsi a robabobedi ngwaga wa 2016 – Phukwi a le malatsi a supa ngwaga wa 2016
Premier	Supra Mahumapelo
Pele Ga Gagwe	Fenny Gaolaolwe
Morago Ga Gagwe	Hoffman Galeng
Motshwara madi wa African national Congress kwa Bokone Bophirima
In office Tlhakole 2015 – Phukwi a le malatsi a supa ngwaga wa 2016
Pele Ga Gagwe	Philly Mapulane
Morago Ga Gagwe	Sello Lehari
Ka Ga Ena
O tsetswe	Motsheganong a le masome mabedi le bosupa ngwaga wa 1972 Taung Transvaal Aforika Borwa
O Tlhokafetse	Phukwi a le malatsi a supa ngwaga wa 2016
Mokgatlho	African National Congress

Kgakgamatso Jeanette Nkewu (o o tshostweng ka Motsheganong a le masome mabedi le bosupa ngwaga wa 1972 a tlhokafala ka Phukwi a le malatsi a supa ngwaga wa 2016), o o itsegeng gape ka leina la Kgakgamatso Morwagaswe, e ne e le mopolotiki wa kwa Aforika Borwa o o berekileng e le leloko la khansele ya kgaolo ya Bokone Bophirima wa ditlhabololo tsa selegae go tswa ka Motsheganong ngwaga wa 2016 go fitlhelela a tlhokafala ka Phukwi 2016. O berekile gape e le motshwara madi wa kgaolo wa ANC kwa lephateng la Bokone Bophirima go tswa ka Tlhakole 2015 go fitlhelela a tlhokafala. Ke leloko la African National Congress (ANC), pele e ne e le mokhanselara kwa kgaolong ya mmasepala wa Taung.

Botshelo jwa gagwe a le mmotlana

Nkewu o tshotswe ka Motsheganong a le masome mabedi le bosupa ngwaga wa 1972, kwa motseng wa Molelema gaufi le Taung kwa e leng kgaolo ya Bokone Bophirima gompieno. O nnile leloko la ANC ka dingwaga tsa 1990 di simologa, a le matlhagatlhaga mo lekgotleng la basadi la ANC. Ka ngwaga wa 2013, o ne a fetsa dithuto tsa degree ya go okamela ditiro (Project Management) kwa sekolong se segolwane sa ithutelo ditiro sa Southern Business College.

Pereko mo pusong

O ne a emetse ANC e le mokhanselara wa Taung, kwa aneng a nna leloko la komiti ya rratoropo, go fitlhelela ka Tlhakole 2015, fa a ne a tlhophiwa go nna motshwara madi wa kgaolo mo lekalaneng la ANC la Bokone Bophirima, a bereka ka fa tlase ga modulasetilo wa kgaolo Supra Mahumapelo.

Ka jalo o ne a sa tlhophiwa pele go ya palamenteng ya botlhano, e e simolotsweng semmuso ka 2014, mme o ne a tlhomamisiwa ka sebaka sa fa a nna leloko la khansele ya Bokone Bophirima mo tswakanyong ya Motsheganong a robabobedi ngwaga wa 2016. Mahumapelo, mo maemong a gagwe a moeteledipele wa Bokone Bophirima, o ne a mo tlhoma tona wa ditlhabolo tsa selegae. O ne a nna mo maemong a mabedi ao e le tona gape e le motshwara madi wa ANC wa kgaolo go fitlhelela a tlhokafala ka ngwaga wa 2016.

Botshelo jwa gagwe le loso

O tlhokafetse ka Phukwi a le malatsi a supa ngwaga wa 2016 ka ntlha ya kotsi ya koloi mo tseleng ya N18 gaufi le Vryburg. O ne a tswa Mahikeng a ya Taung, kwa a neng a tshwanetse go ya go tsenelela letsholo pele ga ditlhopho tsa 2016, fa koloi ya gagwe e thulana le mokgweetsi wa baesekele; mokgweetsi wa baesekele le ene o ne a tlhokafala, badisa Nkewu ba gobala ba isiwa sepateleng. Moletlo wa segopotso sa gagwe, o o neng o tshwaretswe kwa Taung, o ne o akareditse puo ka Mahumapelo le ba lekgotla la basadi la ANC Bathabile Dlamini le Baleka Mbete. Fenny Gaolaolwe o ne a tshwarelela maemo a tona wa tlhabololo magae go filthelela ka Phatwe 2017, fa Hoffman Galeng a tlhophiwa go tlhatlhama Nkewu mo khanseleng.

Nkewu o ne a nyetswe a na le bana ba basimane ba le babedi, ba ba neng ba le dingwaga di le nne le masome mabedi le bobedi fa a tlhokafala.