Kgaolo ya botlhophi ya Ndiyona

Kgaolo ya botlhophi ya Ndiyona (ka bohibidu) kwa kgaolong ya Kavango botlhaba kwa Namibia

Ndiyona ke kgaolo ya botlhophi ee kwa botlhaba jwa Kavango kwa Namibia. Legare la kgaolo le kwa Ndiyona. E ne e na le palo ya batho ba le dikete di le masome mabedi, makgolo a marataro, masome a mararo le boraro, e oketsegeli go tswa kwa diketeng di le lesome le borobabongwe, makgolo a matlhano, masome a marataro le botlhano ngwaga wa 2001. Ka 2020, kgaolo e e ne e na le batho ba ba ikwadisetditseng ditlhopho ba le dikete thataro, makgolo a mabedi le lesome.

Kgaolo ya botlhophi ya ndiyona go fitlhelela ka 2013 e ne e le ya kgaolo ya Kavango. Ka 2013, morago ga kgaokolo ya komiti ya bone ya thulaganyo ya ditlhopho tsa Namibia, le go baakanyetsa ditlhopho tsa 2014, kgaolo ya Kavango e ne ya kgaoganngwa go nna botlhaba jwa Kavango le bophirima jwa Kavango. Kgaolo e ntšha ya Ndonga Linena e ne ya tlhamiwa go tswa kwa botlhaba jwa Ndiyona, gore Ndiyona jaanonga nne monnye go gaisa pele. Dikgaolo tse ka bobedi di mo kgaolo ya botlhaba jwa Kavango.

Polotiki

Kgaolo ya botlhophi ya Ndiyona ke boremelelo jwa SWAPO. Ka ditlhopho tsa 2004, moemedi wa SWAPO Sebastiaan Karupu o ne a a amogela ditalama di le dikete tlhano, makgolo a robabobedi, masome a supa a ditalama tse di dikete thataro, makgolo a supa, lesome le borataro tse di neng di dirisitswe.

Ditlhopho tsa 2015 tsa kgaolo di ne tsa fenngwa ke moemedi wa SWAPO Eugen Likuwa ka ditlhopho di le sekete, makgolo a robabobedi, masome a matlhano le borobabongwe. Florian Haingura wa All People's Party (APP) o ne a nna mo maemong a bobedi ka ditlhopho di le makgolo mabedi, masome a robabongwe le boraro. Moemedi wa SWAPO o ne a fenya gape ditlhopho tsa kgaolo tsa 2020. Laurentius Mukoya o ne a iponela ditlhopho di le sekete, makgolo a robabobedi, masome a supa le bone, a le kwa pele ga ga Stefanus Likuwa.