Khanya Mkangisa
Khanya Mkangisa | |
|---|---|
| Tsalo | Khanya Mkangisa 13 March 1988 |
| Alma mater | AFDA, The School for the Creative Economy |
| Tiro | Actress, DJ artist, presenter |
| Dingwaga tsa a le mo tirong | 2003–present |
Khanya Mkangisa (yo o tshotsweng ka Mopitlo a le lesome le boraro 1988) ke modiragatsi wa Aforika Borwa. O itsege thata ka dikarolo tsa gagwe mo motseletseleng wa difilimi jaaka Isidingo, Shattered, Step Up to a Start Up le Harvest. Gape ke mogasi wa thelebishene le DJ.[1] O itsege thata jaaka mogasi wa YoTv mo masimologong a bo2000.
Botshelo jwa gagwe
[fetola | Fetola Motswedi]Khanya o tshotswe ka Mopitlo a le lesome le boraro ka 1988 kwa Peddie, Aforika Borwa. Ke moalogi wa AFDA, The School for the Creative Economy.
O ntse a golaganngwa le rapper J Molly, yo o mmotlana mo go ene ka dingwaga di le lesome. Magatwe ano a simolotse ka Phalane 2019.[2]
Tiro
[fetola | Fetola Motswedi]Fa a le dingwaga di le lesome le bone, o ne a bona tlhagelelo ya gagwe e kgolo mo thelebisheneng mme a nna mogasi wa YoTv mo Sabc1. Morago ga go nna mo YoTv o ne a fudugela kwa pontshong ya maranyane ya thuto e e bidiwang Knock Knock. Ka 2004, o ne a tlhagelela mo motseletseleng wa difilimi wa Mthunzini.Com mme morago ga moo a tswelela go tshameka mo The Lab1 e le 'Refilwe' mme morago a tsena mo Ugugu noAndile. O ne gape a tlhagisa pontsho e e bidiwang Shield Teen. O ne a na le dikarolo tsa tshegetso mo dipontshong tse di tumileng tsa thelebišene e leng Zone 14 ka 2011 le Intersexions ka 2012. Ka 2012, o ne a tshameka mo tlhagisong ya BBC ya Mad Dogs III jaaka moanelwa 'Anna'. Ka 2013 o ne a nna leloko la batshameki ba motseletsele wa Zabalaza e le motshameki wa ka metlha mme a tshameka karolo ya 'Mpilo'.[3]
Ka 2019, o ne a dira tiro ya gagwe ya ntlha jaaka DJ mme a diragatsa kwa moletlong wa mafelobeke wa Jozi go ya kwa Quilox kwa Lagos, kwa Nigeria.[4] Ka 2020 o ne a tshameka lekgetlho la ntlha mo filiming e e tumileng ya Muvhango a tshameka karolo ya 'Mbali'.[5]
Bodiragatsi
[fetola | Fetola Motswedi]| Ngwaga | Filimi | Karolo | Genre | Ref. |
|---|---|---|---|---|
| 2012 | Forced Love | Nonhle | TV series | |
| 2014 | Step Up to a Start Up | Joy Rammala | Film | |
| 2015 | Isidingo | Aphiwe Nzimande | TV series | |
| 2016 | Doubt | Lindiwe | TV series | |
| 2017 | Harvest | TV series | ||
| 2022 | "Unmarried" | TV series |
Metswedi
[fetola | Fetola Motswedi]- ↑ "Khanya Mkangisa admits to losing work following drinking and driving arrest". news24. 22 November 2020. Retrieved 25 Ngwanaatsele 2025.
- ↑ "Tweeps weigh in on Khanya Mkangisa and J Molley's 10 year age gap". IOL. 22 November 2020. Retrieved 25 Ngwanaatsele 2025.
- ↑ "Khanya Mkangisa Personal Biography". legends. 22 November 2020. Archived from the original on 23 November 2021. Retrieved 25 Ngwanaatsele 2025.
- ↑ "Khanya Mkangisa is in Nigeria for the first time - and she loves it!". news24. 22 November 2020. Retrieved 25 Ngwanaatsele 2025.
- ↑ "Khanya Mkangisa Bags New Role on Muvhango". People Magazine. 22 November 2020. Archived from the original on 30 November 2020. Retrieved 25 Ngwanaatsele 2025.