Kitsiso ya Ditshwanelo tsa Batho ba Tlholego
Kitsiso ya Ditshwanelo tsa Batho ba Tlholego (UNDRIP kgotsa DOTROIP[1]) ke tshwetso ya Lekgotla la Ditshaba e e sa tlameng ka fa molaong e e fetisitsweng ke Lekgotla la Ditshaba ka 2007 e e aroganyang le go tlhalosa ditshwanelo tsa motho ka nosi le tsa ditlhopha tsa batho ba tlholego, go akaretsa ditshwanelo tsa bone tsa go nna beng ba tsona, tlhagiso ya setso le meletlo, boitshupo, puo, tiro, botsogo, thuto le merero e mengwe. Go nna mong wa jone gape go akaretsa tshireletso ya thoto ya bone ya tlhaloganyo ya Setso.[2] Kitsiso e e"gatelela ditshwanelo tsa batho ba tlholego go tshegetsa le go tiisa metheo ya bone, dingwao le ditso tsa bone, le go tsweledisa tlhabololo ya tsone go tsamaelana le matlhoko le dikeletso tsa bone."[3] "E thibela kgethololo kgatlhanong le batho ba tlholego le go rotloetsa go nna le seabe ka botlalo mo mererong yotlhe e e ba amang, le tshwanelo ya bonea ya go nna ba farologane le go latela ditoro tsa bone tsa tlhabololo ya itsholelo le loago".[3][4]
Maikaelelo a Kitsiso e ke go rotloetsa mafatshe go dirisana mmogo le batho ba tlholego go rarabolola mathata a lefatshe jaaka tlhabololo, ditso tse di farologaneng, puso ya batho ka batho le go kgaoganya ditirelo.[3]
Ka Labone, Lwetse a le lesome le boraro, 2007, Lekgotla la Ditshaba le ne la tlhopha ka bontsi jwa batho ba le lekgolo le masome a mane le boraro (ba le bane ba le kgatlhanong, ba le lesome le motso ba ne ba ikgaphile mo tlhophong mme ba le masome mararo le bone ba ne ba seyo) ka fa letlhakoreng la Kitsiso e.[5][6]
E sa le ka 2007, Australia, Canada, New Zealand le United States di fetotse maemo a tsone mme jaanong di tshegetsa kitsiso e. Fa e sa le ka Tlhakole wa 2020, United Nations Department of Economic and Social Affairs, Indigenous Peoples e tlhalosa (A/RES/61/295) gore "... Sedirisiwa sa boditshabatshaba se se akaretsang go gaisa ka ga ditshwanelo tsa batho ba tlholego. E tlhoma tlhomeso ya lefatshe lotlhe la maemo a a kwa tlase a go tshela, seriti le boitekanelo jwa batho ba tlholego ba lefatshe mme e tlhalosa maemo a a leng teng a ditshwanelo tsa setho le kgololosego ya motheo jaaka di dira mo seemong se se rileng sa batho ba tlholego."[7]
Jaaka Kitsiso e ya Kakaretso ya Lekgotla la Ditshaba, UNDRIP ga se sedirisiwa se se tlamang ka fa molaong wa boditshabatshaba.[3][8] Go ya ka pego ya bobegadikgang ya UN e "emela tlhabololo e e maatla ya melawana ya semolao ya boditshabatshaba mme e supa maitlamo a mafatshe a e leng maloko a UN go ya kwa matlhakoreng a a rileng"; UN e e tlhalosa e le go tlhoma "tekanyetso e e botlhokwa ya go tshwara batho ba tlholego, e ntle le pelaelo e tla nna sedirisiwa se se botlhokwa sa go fedisa dikgatako tsa ditshwanelo tsa setho kgatlhanong le batho ba ba ka nnang didikadike di le makgolo a mararo le masome a supa mo lefatsheng, le go ba thusa go lwantsha kgethololo le go kgaphelwa kwa thoko."
UNDRIP e rulaganya "Dingongorego tsa ditso tsa tlholego, dikgwetlho tsa segompieno le dikeletso tsa loago le itsholelo, sepolotiki le setso" mme ke "setlhoa sa maiteko a dingwagangwaga tse di telele a mekgatlho ya tlholego go bona kelelelo ya ditshabatshaba, go netefatsa kamogelo ya dikeletso tsa bone, le go tlhagisa tshegetso ya sepolotiki ya dikeletso tsa bone."[9] Ken Coates, modulasetilo wa Canada Research Chair le morutuntshi kwa University oya Saskatchewan, o nganga gore UNDRIP e utlwala ka maatla mo bathong ba tlholego, fa dipuso tsa bosetshaba di ise di tlhaloganye ka botlalo phitlhelelo ya yone.[10][9]
Metswedi
[fetola | Fetola Motswedi]- ↑ "DOTROIP-24-2-PDF" (PDF). Archived from the original (PDF) on September 3, 2018. E nopotswe ka kgwedi ya Seetebosigo e le malatsi a matlhano ka 2025.
- ↑ "United Nations Declaration on the Rights of Indigenous Peoples". United Nations Permanent Forum on Indigenous Issues. Archived from the original on November 1, 2015. E nopotswe ka Seetebosigo a le malatsi a matlhano ka 2025.
- ↑ 3.0 3.1 3.2 3.3 United Nations Permanent Forum on Indigenous Issues. "Frequently Asked Questions – Declaration on the Rights of Indigenous Peoples" (PDF). Archived (PDF) from the original on January 15, 2012. E nopotswe ka Seetebosigo a le malatsi a matlhano ka 2025.
- ↑ "United Nations adopts Declaration on Rights of Indigenous Peoples". United Nations News Centre. September 13, 2007. Archived from the original on March 13, 2017. E nopotswe ka kgwedi ya Seetebosigo a le matlhano ka 2025.
- ↑ "General Assembly adopts Declaration on Rights of Indigenous Peoples; 'Major Step Forward' towards human rights for all, says President". UN General Assembly GA/10612. September 13, 2007. Archived from the original on November 17, 2007. E nopotswe ka kgwedi ya Seetebosigo e le malatsi a matlhano ka 2025.
- ↑ Reyhner, J.; Singh, N. (2010). "Cultural genocide in Australia, Canada, New Zealand, and the United States". Indigenous Policy Journal. S2CID 141340015. E nopotswe ka Seetebosigo a le malatsi a matlhano ka 2025.
- ↑ "United Nations Declaration on the Rights of Indigenous Peoples | United Nations For Indigenous Peoples". www.un.org. E nopotswe ka Seetebosigo e le malatsi a matlhano ka 2025.
- ↑ Barnabas, Sylvanus Gbendazhi (December 7, 2017). "The Legal Status of the United Nations Declaration on the Rights of Indigenous Peoples (2007) in Contemporary International Human Rights Law". International Human Rights Law Review. 6 (2): 253. doi:10.1163/22131035-00602006. ISSN 2213-1027. E nopotswe ka kgwedi ya Seetebosigo a le matlhano ka 2025.
- ↑ 9.0 9.1 Coates, Ken (September 18, 2013), Ken Coates; Terry Mitchell (eds.), From aspiration to inspiration: UNDRIP finding deep traction in Indigenous communities, The Rise of the Fourth World, The Centre for International Governance Innovation (CIGI), archived from the original on September 23, 2013, E nopotswe ka Seetebosigo a le malatsi a matlhano ka 2025.
- ↑ Ferguson, Mark (October 12, 2011). "News". News.usask.ca. Archived from the original on September 25, 2013. E nopotswe ka Seetebosigo a le malatsi a matlhano ka 2025.