Kwatsi

Anthrax
Maina a mangwe	Anthrax disease
A skin lesion caused by anthrax; the characteristic black eschar
Specialty	Infectious disease
Dikai	Skin form: small blister with surrounding swelling Inhalational form: fever, chest pain, shortness of breath Intestinal form: nausea, vomiting, diarrhea, abdominal pain Injection form: fever, abscess
Ditshimologo tse ditwaelesegileng	1 day to 2 months post contact
Causes	Bacillus anthracis
Risk factors	Working with animals, travelers, postal workers, military personnel
Diagnostic method	Based on antibodies or toxin in the blood, microbial culture
Prevention	Anthrax vaccination, antibiotics
Treatment	Antibiotics, antitoxin
Prognosis	20–80% die without treatment
Frequency	>2,000 cases per year

Kwatsi ke mogare o o bakiwang ke baketeria ya Bacillus anthracis . E ka itshupa ka ditsela di le nne: letlalo, mafatlha, mala le go kentiwa. Go simolola ga dikai go diragala magareng ga letsatsi le le lengwe go ya go dikgwedi di feta pedi morago ga gore mogare o tshwarwe. Sebopego sa letlalo se itshupa ka letshoroma le lennye le le nang le go ruruga mo go dikologileng mo gantsi go fetogang go nna seso se se senang botlhoko se se nang le bontshi ga gare. Mokgwa wa go hema o itshupa ka letshoroma, botlhoko mo sehubeng, le go tlhaela mowa. Sebopego sa mala se itshupa ka letshololo le le ka nnang le madi, ditlhabi mo mpeng, go feroga sebete, le go kgwa. Sebopego sa lemao seitshupa ka letshoroma le ntho mo lefelong la mokento wa lemao.

Kwatsi e anamisiwa ka go kopana le dipeo tsa baketeria, tse gantsi di bonalang mo ditswa diphologolong tse di tshelanwang. Go amana ke ka go hema, go ja, kgotsa ka lefelo le le thubegileng la letlalo. Ga e aname ka tlhamalalo fa gare ga batho. Dintlha tse di kotsi di akaretsa batho ba ba dirang ka diphologolo kgotsa dilo tse di dirilweng ka diphologolo, batsamai, badiri ba poso le badiri ba sesole. Temogo e ka netefadiwa ka go bona dilwantsha-ditwatsi kgotsa botlhole mo mading kgotsa ka go tlhotlhora sampole go tswa mo lefelong le le amegileng.

Mokento wa Kwatsi o rotloelediwa batho ba ba mo kotsing e ko godimo ya go ka amega. Go kentela diphologolo kgatlhanong le Kwatsi go a rotloediwa mo mafelong a ditshwaetsego tse di fetileng di diragetseng. ithutntsho ya dikgwedi di le pedi ya dibolayamegare tse jaaka ciprofloxacin, levofloxacin, le doxycycline morago ga go tlhagelela le yone e ka thibela mogare. Fa megare e ka tlhagelela, kalafi ke ka dibolayamegare mme gongwe le dibolayatokisi . Mofuta le palo ya dibolayamegare tse di dirisiwang go ikaegile ka mofuta wa mogare. Antitoxin e e rotloediwa baba nang le mogare o pharaletseng.

Le fa e le bolwetse jo bo sa tlwaelegang, bolwetse jwa Kwatsi jwa batho, fa bo itshupa, bo tlwaelegile thata mo Afrika le kwa Asia bogare le borwa. Gape e tlhagelela ka metlha kwa Yuropa Borwa go feta kwa mafelong a mangwe mo kontinenteng, mme ga e tlwaelega kwa Yuropa Bokone le Amerika Bokone. Lefatshe ka bophara, bobotlana dikgetse di le dikete tse ped di diragala ka ngwaga mme dikgetse di ka nna pedi ka ngwaga kwa United States. Megare ya letlalo e emela go feta 95% ya dikgetse. Kwa ntle ga kalafi, kotsi ya loso ka ntlha ya Kwatsi ya letlalo ke 24%. Mo mogareng wa mala, kotsi ya loso ke masome a mabedi le botlhano go ya go 75%, fa Kwatsi ya go hema e na le dintsho di ka nna masome a matlhano e ka alafiwa. Go fitlha ka lekgolo la bo masome a mabedi la dingwaga, Megare ya anthrax e ne ya bolaya batho le diphologolo di le dikete di le makgolokgolo ngwaga le ngwaga. Kwatsi e tlhamilwe jaaka sebetsa ke mafatshe a le mmalwa. Mo diphologolong tse di jang dimela, megare re ka e tsena fa di ja kgotsa di hema mo di-spores fa di ntse di fula. Diphologolo di ka tsaya megare ka go ja diphologolo tse di amegileng.