Lauretta Lamptey

Lauretta Vivian Lamptey
Molaodi wa bobedi wa ditshwanelo tsa setho le tshiamiso
In office Phukwi a le masome mabedi le borataro ngwaga wa 2011 – Ngwanatsele 2015
Pele Ga Gagwe	Emile Short
Morago Ga Gagwe	Joseph Whittal
Ka Ga Ena
Mosetshaba wa	Ghanaian
Alma mater	University of Ghana London School of Economics
Tiro	Mmueledi

Lauretta Vivian Lamptey ke moemedi wa pele wa Ghana wa ditshwanelo tsa setho le tshiamiso ya ditsamaiso. Ke mmueledi gape o bereka mo bankeng e le wa dipeeletso.

Thuto

Lamptey o dirile dithuto tsa gagwe tse dikgolwane kwa Aburi Girls Senior School pele ga a ya go ithuta molao kwa University of Ghana,Legon kwa a alogileng ka LL.B ka 1980. O ne a tsweledisa kwa Ghana School of Law, kwa a neng a nna mmueledi ka 1982. Ka 1986, o ne a amogelwa kwa London School of Economics and Political Science go ithuta molao wa dikgwebo,kwa a alogileng ka LL.M ka 1987.

Tiro

Ka 1990,Lauretta Lamptey e ne e le moeteledipele wa setlhopha sa Capital Markets kwa Ecobank kwa Ghana. O ne a fuduga koo go nna moeteledipele wa madi a dikgwebl kwa Cal Merchant Bank ka 1996. Ka 1999, o ne a bereka kwa Loita Capital Partners International e le mogakolodi wa molao le kgwebo wa tsa madi. O berekile mo maemong a go fitlhelela ka 2001. Go tswa ka 2004 go tsena 2007, o berekile mo dithomong tsa go buelela, a bereka le Letsema Consulting and Advisory.

Lamptey o itsege a kile a nna mogakolodi wa tsa madi le dipeeletso mo pusong ya Ghana,ka ditheko tse di amanang le meepo,kgothetso le ditswammung. O mo lekgotleng la baokamedi ba banka ya Ghana Commercial. O nnile gape mp komponeng ya tshireletso ya Securities Discoint Company (SDC le Gliksten W.A, ke leloko la lekgotla la ba ba tlhamileng Ghana Stock Exchange.

Komiti ya ditshwanelo tsa setho le tshiamiso ya tsamaiso

Lauretta o ne a tlhomamisiwa e le moemedi ka Phukwi a le masome mabedi le borataro ngwaga wa 2011 ke tautona John Atta Mills. Go thapiwa ga gagwe go ne ga itumelelwa ke bontsi jwa balweladitshwanelo ba bong ba akaretsa Adjoa Bame wa NETRIGHT. O ne a ntshiwa ka Ngwanatsele 2015, ke tautona Mahama morago ga ditlhotlhomiso tsa molaodimogolo wa Ghana, ka magatwe a a neng a buiwa ka ga ene.