Legwale

Legwale
Title	Kgosi ya Bakwena
Term	1785 - 1795
Predecessor	Seitlhamo
Successor	Maleke (motshwareledi)
Bana	Motswasele II Segokotlo Molese Kgama
Batsadi(s)	Seitlhamo (father)

Legwale e ne e le kgosi ya morafe wa Bakwena ka lekgolo la dingwaga di le lesome le borobabobedi. O ne a tlhatlhama rraagwe ebong Seitlhamo, mme ene a tlhatlhamiwa ke monnawe Maleke e le motshwareledi. Gary Okihiro o ganetsa gore Legwale ke motho a le mongwe, are go ne go na le dikgosi di le pedi tse di neng di tlhomagana,e le rre le morwa botlhe ba bidiwa Legwale.

Botshelo

Legwale e e ne e le morwa Seitlhamo o e neng e le kgosi ya Bakwena. Fa a le lekawana, go dumelwa gore Legwale o ne a etelela pele Bakwena mo ntweng kgatlhanong le ba ga Kgafela,mo maitekong a a neng a retela a go busetsa Makgotso go nna motshwarelela setilo sa bogosi jwa ga Kgafela ka nakwana. Legwale o ne a tshwarwa ka nakwana ka nako ya kgotlhang e.

Morago ga go tlhokafala ga ga Seitlhamo, Legwale o ne a nna kgosi. Fa a le kgosi, Legwale o ne a etelela pele tlhaselo ya go utswa dikgomo. Se se begilwe e le tlhaselo kgatlhanong le Babirwa ba Shoshong, kgotsa BaShona ba Bonyani. Legwale o ne a bolawa ka nako ya tlhaselo. Ngwaga o a tlhokafetseng ka one o begilwe e le 1798 le 1803. Ka batlhaselwa ba ne ba baakantswe, le ka gore Legwale e ne e le ene fela leloko la ba ba neng ba ya go bolawa, magatwe a ne a supa fa batsalwa le Legwale ba ne ba tsibositse batlhaselwa pele ga nako.

Boswa

Barwa Legwale ba ne ba akaretsa Motswasele II le Segokotlo mo ntlong e tona, Molese mo ntlong ya bobedi le o monnye ebong Kgama. Ka ba ne ba santse ba le ba botlana fa Legwale a tlhokafala, motsalwa le ene Tshosa o ne a tshwarelela bogosi pele ga Motswasele II a nna kgosi. Go ya ka Gary Okihiro, go supa Legware e le motho a le mongwe ke phoso go ne go na le magosi a mabedi a a neng a tlhomagana, botlhe ba bidiwa Legwale, Legwale I le morwae Legwale II.