Lekgotla la Botswana Predator Conservation Trust

Botswana Predator Conservation Trust (BPCT), e e neng e bidiwa Botswana Wild Dog Research Project ka ngwaga wa sekete,makgolo a robabongwe le masome a robabobedi le borobabongwe (1989), e ne ya atologa go tswa go go tlhokomela go sireletsa dintša tsa naga go akaretsa mefuta yotlhe e megolo ya di-carnivore kwa Botswana.

Tlhaloso

Botswana Predator Conservation Trust ke nngwe ya diporojeke tse di tsereng lobaka lo loleele go gaisa tsotlhe tsa go dira dipatlisiso ka dibatana tse dikgolo mo Afrika, e bile ke nngwe ya diporojeke di le mmalwa fela tsa mofuta ono mo lefatsheng lotlhe. Patlisiso ya BPCT e e dirilweng mo dintšheng tsa naga e bontshitse sentle gore botsogo le boitekanelo jwa diphologolo tsotlhe tsa naga ke sesupo sa botlhokwa sa botsogo jwa tikologo ya Botswana.

Puso ya Botswana, e bile e lemoga gore tsamaiso e e maleba le e e tlhokegang ya metswedi e ka se ka ya dirwa fa go se na tshedimosetso e e nepagetseng ka ga metswedi ya yone ya tlholego, e neetse BPCT tiro ya go etelela pele maiteko a Botswana bokone a tshomarelo le patlisiso ya diphologolo tsotlhe tse dikgolo tse di jang nama le mafelo a di nnang mo go one mo nageng eo.

Dipatlisiso ka Okavango Delta

Kgaolo ya Okavango Delta, e go dirwang bontsi jwa dipatlisiso tsa BPCT kwa go yone, ke lefelo le le nang le metsi a a phepa le le le botlhokwa mo lefatsheng lotlhe. Ke lefelo le le sireleditsweng le legolo go a gaisa otlhe mo lefatsheng ka ntlha ya Tumalano ya Boditšhabatšhaba ya Ramsar ka ga Mafelo a a bongola, mme e ne ya fiwa maemo a IUCN a boswa jwa lefatshe ke World Conservation Union (IUCN).