Lenah Miga

Lenah Miga
Mothusa motsamaisa dipuisano tsa palamente
In office Firikgong a le masome mabedi le bone ngwaga wa 2023 – Motsheganong a le masome mabedi le borobabobedi ngwaga wa 2024
Premier	Job Mokgoro Bushy Maape
Pele Ga Gagwe	Viola Motsumi
Morago Ga Gagwe	Tshepo Khoza
Leloko la palamente ya kgaolo ya Bokone Bophirima
In office Lwetse 2020 – Motsheganong 2024
Leloko la khansele ya Bokone Bophirima ya puso ya tirisanommogo, bonno le ngwao
In office Phatwe 2021 – Ngwanatsele 2022
Pele Ga Gagwe	Mmoloki Cwaile
Morago Ga Gagwe	Nono Maloyi
Ka Ga Ena
Moagi Wa	Aforika Borwa
Mokgatlho	African National Congress

Nomtsama Lenah Miga ke mopolotiki wa kwa Aforika Borwa o o berekileng e le leloko la palamente ya kgaolo ya Bokone Bophirima go tswa ka Lwetse 2020 go fitlhelela Motsheganong 2024. Ka Firikgong 2024 go fitlhelela Motsheganong 2024, o ne a bereka e le mothusa motsamaisa dipuisano tsa palamente ya kgaolo. Pele e ne e le leloko la khansele ya Bokone Bophirima e le tona wa puso ya tshwaragano, bonno le ngwao go tswa ka Phatwe 2021 go tsena Ngwanatsele 2022, fa a ne a rolwa marapo ke Bushy Maape.

Miga ke leloko la African National Congress (ANC) ka 2020 o ne a berekile e le mokwaledi wa lekgotla la bomme la ANC kwa Bokone Bophirima; o kile gape a nna mmatoropo wa mmasepala wa Mahikeng. Ka Lwetse 2020, o ne a tlhomamisiwa mo palamenteng ya Bokone Bophirima, a tlhatlhama Gordon Kegakilwe o a neng a tlhokafetse, o ne a le mo maemong a masome mabedi le boraro mo lenaaneng la ANC mo ditlhophong tsa 2019,ka jalo a ne a sa fenya tlhopho ya go ya palamenteng.

Ka Phatwe 2021, o ne a tlhophiwa mo khanseleng ya Bokone Bophirima ke Job Mokgoro, o e neng e le moeteledipele wa Bokone Bophirima wa nako eo; o ne a tlhatlhama Mmoloki Cwaile go nna tona wa puso ya tirisanommogo, bonno le ngwao. Opposition Democratic Alliance e ne ya nna kgatlhanong le go thapiwa ga gagwe ka ba ne ba re ga a dira sentle ka nako ya fa a le mmatoropo wa Mahikeng. Fa a le tona, ka Phatwe 2022,Miga o ne emela ditlhopho tsa motshwara madi wa ANC wa kgaolo mme a seka a atlega, o ne a latlhegelwa kgatlhanong le Sello Lehari, a iponela ditlhopho di le makgolo a mabedi le masome a robabobedi, fa Lehari a ne a iponetse makgolo a mararo le masome a robabobedi. Dikgwedi di le tharo moragonyana, ka Ngwanatsele a le masome mabedi le motso ngwaga wa 2022, o ne a rolwa marapo mo khanseleng, a tlhatlhamiwa ke Nono Maloyi mo tswakanyong ya matona e e neng e itsisitswe ke Bushy Maape, o a neng a tlhatlhame Mokgoro go nna moeteledipele. Miga o ne a tlhophiwa mothusa motsamaisa dipuisano tsa palamente mo palamenteng ya Firikgong a le masome mabedi le bone ngwaga wa 2023, a tlhatlhama Viola Motsumi.