Lephata la metsi le Kgopo leswe

Lephata la metsi le kgopo leswe

Lephata overview
Formed	1912 (1912) (as the Department of Irrigation in the Union of South Africa)
Jurisdiction	Puso ya Aforika Borwa
Minister responsible	Pemmy Majodina, Tona wa metsi le kgopo leswe
Deputy Ministers responsible	David Mahlobo, Mothusa tona wa metsi le kgopo leswe Judith Tshabalala, Mothusa tona wa metsi le kgopo leswe
Website	https://www.dws.gov.za/

Lephata la metsi le kgopo leswe ke lengwe la maphata a puso ya Aforika Borwa. Le okametse seemo sa metsi le kgopo leswe kwa Aforika Borwa.

Ka Motsheganong ngwaga wa 2009, morago ga go tlhophiwa ga ga Jacob Zuma, lephata la metsi le dikgwa le ne la kgaoganngwa, mohama wa dikgwa o isiwa kwa lephateng la temothuo, dikgwa le go tshwara ditlhaphi. Lephata la metsi le kgopo leswe le ne la tlhamiwa ka Motsheganong 2014 ke tautona Jacob Zuma, moeteledipele wa gauteng Nomvula Mokonyane e nna ene tona wa lone wa pele (go tswa ka Motsheganong a le masome mabedi le borataro ngwaga wa 2014 go tsena Firikgong a le masome mabedi le borobabobedi ngwaga wa 2018). O ne a tlhatlhamiwa ke Gugile Nkwinti.

Tshenyetso setšhaba le go tlhoka go dira tiro

Lephata le, le itsege ka tsietso, tshenyetso setšhaba le go tlhoka go tsamaisa ditheko sentle. Pego ya madi ya 2019/2020 e ne ya supa fa lephata le dirisitse dibilione tsa diranta di le lesome, fa pego ya 2020 go tsena 2021 ya madi yone e supile fa go dirisitswe dibilone tse dingwe di le lesome botlhaswa. Ka ntlha ya tshenyo e e anameng e, lephata le supile fa le ka se kgone go diragatsa diporojeke dingwe tsa dikago tsa metsi. Pego ka Corruption Watch le mafaratlhatlha a tsamaiso sentle ya metsi ka 2020 e begile fa tshenyetso setšhaba mo lephateng la metsi le kgopo leswe e isa letlhoko la metsi kwa godimo kwa Aforika Borwa, jaaka go diragala kwa Kapa Botlhaba.

Tshireletsego ya metsi

Ka ngwaga wa 2022, lephata le ne la supa fa makalana a bo masepala a metsi otlhe a na le dikago tse di onetseng ka jalo di sa bereke. Go tlhoka go tlhokomelwa sentle le ditsamaiso mo mohameng wa selegae go bakile gore 40% wa metsi a latlhege pele ga a goroga kwa badirising ba one.