Lindy Wilson

Lindy Wilson Mopalamente
Leloko la ofisi ya peo molao ya Limpopo
Incumbent
Assumed office Phatwe a le malatsi a mane ngwaga wa 2023
Pele Ga Gagwe	Desiree van der Walt
Moeteledipele wa kgaolo ya Limopopo wa Democratic Alliance
Incumbent
Assumed office Moranang a le masome mabedi le bosupa ngwaga wa 2023
Deputy	Marie Helm
Leader	John Steenhuisen
Pele Ga Gagwe	Jacques Smalle
Mothusa tona wa botsogo wa tshwantsho
In office Seetebosigo a le malatsi a matlhano ngwaga wa 2019 – Phukwi a le masome mararo le motso ngwaga wa 2023
Leader	John Steenhuisen Mmusi Maimane
Pele Ga Gagwe	Lungiswa James
Mothusa tona wa ditlhabololo wa tshwantsho
In office Seetebosigo a le malatsi a matlhano ngwaga wa 2014 – Seetebosigo a le malatsi a matlhano ngwaga wa 2019
Leader	Mmusi Maimane
Pele Ga Gagwe	Emmah More
Morago Ga Gagwe	Thandi Mpambo-Sibhukwana
Mopalamente wa Aforika Borwa
In office Motsheganong a le masome mabedi le motso ngwaga wa 2014 – Phukwi a le masome mararo le motso ngwaga wa 2023
Ka Ga Ena
Mosetshaba wa	mo Aforika Borwa
Mokgatlho	Democratic Alliance
Mo/Bakapelo	Brian
Bana	ba le batlhano
Bonno	Polokwane

Evelyn Lindy Wilson ke mopolotiki wa kwa Aforika Borwa o o berekileng e le moeteledipele wa Democratic Alliance wa kgaolo ya Limpopo fa e sale ka 2023. Ke mokhanselara wa pele wa kgotla 20 kwa mmasepaleng wa Polokwane, Wilson o ne a tlhophilwe go ya palamenteng ya Aforika Borwa ka 2014. O ne a tlhophiwa tona wa tshwantsho wa ditlhabololo tsa matshelo a batho. Morago ga ditlhopho tsa 2019, o ne a nna mothusa tona wa botsogo wa tshwantsho. Wilson o ne a tlhomamisiwa semmuso e le leloko la ofisi ya peo molao kwa Limpopo ka Phatwe 2023.

Tiro

Wilson o berekile e le mookamedi wa thekiso kwa Northern Medai Group pele ga a simolola kgwebo ya kapei le mediro le ya thekiso. O berekile e le modulasetilo wa khansele ya Aforika Borwa ya dinotagi le diritibatsi kwa Limpopo.

Tiro ya sepolotiki

Ka ngwaga wa 2010 o ne a nna mookamedi wa ditirelo wa Democratic Alliance kwa kgaolong ya Mopani. O ne a ema e le ntlhopheng wa DA mo ditlhophong tsa poeletso kwa kgotla 20 kwa mmasepaleng wa Polokwane ka Tlhakole 2012 a fenya manno a a tsaya mo go ba African National Congress. Morago, ngwaga one oo, o ne a tlhophiwa e le modulasetilo wa kgaolo wa DA.

Tiro ya gagwe mo palamenteng

Wilson o ne a tlhophiwa go nna mookamedi wa letsholo la kgaolo wa DA wa ditlhopho tsa 2014, tse phathi e neng ya di fenya ka ditlhopho di le dikete di le masome a robabongwe le botlhano kwa kgaolong, le manno a mararo kwa kgaolong. O ne a tlhophiwa go emela DA kwa palamenteng ka ditlhopho tseo. Ka a ne a setse a tsene mo palamenteng, o ne a tlhophiwa mothusa tona wa tlhabololo matshelo a batho mo khuduthamageng ya tshwantsho.

Ka bokopanong jwa DA jwa kgaolo ka 2015, Wislon o ne a tlhophiwa e le mongwe wa bathusa modulasetilo ba babedi ba kgaolo. Ngwaga o o latelang, o ne a tlhomiwa mogogi wa kgaolo ya tlhopho ya Waterberg borwa ya DA.

Wilson o ne a tlhophiwa gape go ya palameteng ka ditlhopho tsa 2019. Morago o ne a tlhomiwa mothusa tona wa botsogo wa tshwantsho.

Ka Moranang 2021, moeteledipele wa DA wa kgaolo Jacques Smalle o ne a supiwa ka monwana go bo a itlhokomolositse magatwe a gore Wilson o dirisa madi a phathi botlhaswa. Wilson o ne a fetola magatwe ao ka gore go sekasekilwe mme ga ga a lebisiwa molato ope ke phathi.

Wilson o ne a atlega mo go lweleng maemo a moeteledipele wa kgaolo wa phathi kwa bokopanong jwa DA jo bo neng bo tshwerwe ka Motsheganong a le malatsi a le masome mabedi le bosupa ngwaga wa 2023, a fenya bo ntlhopheng ba bangwe ba le bane mo maemong ao. O ne a tlhatlhama Smalle, o a neng a tlhophilwe modulasetilo wa kgaolo.

Ka Phatwe a le malatsi a mane ngwaga wa 2023, Wilson o ne a tlhomamisiwa e le leloko la ofisi ya peo molao wa kgaolo ya Limpopo.

Botshelo jwa gagwe

Wilson o nyetswe ke Brian. Ba na le bana ba batlhano mmogo.