Lodja

Lodja
Toropo
Coordinates: 3°31′21.91″S 23°35′49.52″E

Lodja ke motse o o kwa Sankuru, kwa legareng la Democratic Republic of the Congo. O berekisa maemelo a difofane a Lodja a a leng dikhilomithara di le supa go tswa kwa motseng.Kwa Lodja go lemiwa raese gape go epiwa diteemane. Ke legae la bontsi jwa morafe wa Tetela.

Ditso

Sepatela sa Lodja se agilwe ka dingwaga tsa 1950 ke babusi ba kolone ya Belgium, mme se ne sa tlogelwa se sa fediwa fa Republic of the Congo e tsaya boipuso ka 1960. Motse o ne wa gapiwa ke ditsuolodi tsa sesole ka nako ya ntwa ya bobedi ya Congo ka Moranang 1999, mme wa boela mo taolong ya Congo ka Firikgong 2000.

Go ya ka palobatho, Lodja o na le banni ba le dikete di le masome mabedi le borobabobedi, makgolo a marataro, masome a supa le bongwe ka 1984; ba le dikete di le masome a matlhano le bobedi, makgolo a supa, masome a robabongwe le borobabobedi ka 2004; dikete di le masome a marataro le bone, lekgolo le masome a mane le bosupa ka 2012; le ba le dikete di le masome a marataro le borobabobedi, makgolo a mabedi, masome a mane le bone ka ngwaga wa 2016.

Teme

Kgaolo ya Sankuru e na le batho ba morafe wa Otetela, o gantsi o khutswafadiwang gote Tetela, ka 98& ya batho ba bua puo eo. 30% ya motse wa Lodja o bua puo ya Lingala, e le puo ya sesole, mo go ba batswang kwa Kinshasa le Equateur. Puo ya French e dirisiwa thata ke matona a puso le ba ba rutegileng, ba ka nna 20% fela ba bua French fale le fale. Diteme tsa mo gae, Sekgoa, Swahili le Tshiluba di buiwa ke palo potlana ya 1%.