Loide Kasingo

Motlotlegi Loide Kasingo
Mothusa motsamaisa dipuisano tsa palamente
In office Mopitlo a le masome mabedi le motso 2010 – Mopitlo a le masome mabedi 2025
President	Hifikepunye Pohamba
Prime Minister	Nahas Angula Hage Geingob Saara Kuugongelwa
Mothusa tona wa selegae
President	Sam Nujoma
Prime Minister	Hage Geingob Theo-Ben Gurirab
Mothusa tona wa selegae, kgaolo le matlo
In office 1996–2000
President	Sam Nujoma
Prime Minister	Hage Geingob
Pele Ga Gagwe	Jerry Ekandjo
Ka Ga Ena
O tsetswe	Tlhakole a le lesome le bosupa ngwaga wa 1954 Kgaolo ya Oshikoto
Mokgatlho	SWAPO
Alma mater	University of Limpopo University of the North

Loide Lucky Shoopala Kasingo (o o tshotsweng ka Tlhakole a le lesome le bosupa ngwaga wa 1954) ke mopolotiki wa kwa Namibia le motho wa lekgotla la babereki wa tlhwatlhwa. Ke leloko la SWAPO, Kasingo o sale a nna leloko la palamente ya Namibia fa e sale ka 1996, o nnile mothusa tona go tswa ka 1996 go tsena 2005. O berekile e le mothusa motsamaisa dipuisano tsa palamente fa e sale ka 2010.

Botshelo jwa a le mmotlaba le thuto

O tsholetswe kwa kgaolong ya Oshikoto ka 1954, Kasingo o tsene sekolo kwa Ongwediva ka 1971. O ne a ya go tswelela kwa University of the North kwa Aforika Borwa, kwa a alogileng ka Bachelor ya Jurisprudence ka 1978. Morago ga go dira dithuto di le mmalwa tsa tlhokomelo ya papatso kwa Aforika Borwa go tswa ka 1983 go tsena 1984, Kasingo o ne a romelwa kwa Turin, Italy go ikatisa kwa International Labour Organization (ILO). Ka 1987, o ne a amogela diploma tsa Training Methodology go tswa kwa ILO.

Tsa Pereko

Kasingo o ne a tlhatlogela kwa godimo jaaka motho wa maemo ka dingwaga tsa 1980 di ya fifing e le bontlha jwa lekgotla la babereki ba Namibia, lekgotla le le amanang le SWAPO. Go tswa ka 1989 go tsena 1985, e ne e le morutuntshi wa lenaneo la thuto la Namibia le khansele ya dikereke ya Namibia. Morago ga boipuso ka 1990, Kasingo o ne a tswelela e le leloko la maemo a a kwa godimo la NUNW mo ditirelong tse di farologaneng.

O ne a tlhophiwa ke tautona Sam Nujoma go emelela Ben Ulenga kwa palamenteng le e le mothusa tona wa tsa selegae le matlo. Kasingo e ne e e le moatlhodi go tswa ka 1990 go tsena 1996 mo lephateng la tshiamiso kwa kgotlatshekelong ya Windhoek. Go stwa ka 2000 go tsena 2005, e ne e le mothusa tona wa selegae. Ka nako ya fa go tlhophiwa Hifikepunye Pohamba ka 2004, Kasingo o ne a ntshiwa mo go nneng mothusa tona. Le ntswa maemo a gagwe a ne a isitswe tlase, o ne a le mo maemong a lesome le motso a bontlhopheng ba SWAPO ba palamente, se se raya gore o nna mo palamenteng le ntswa a ne a le kwa morago.

Kasingo o sale a nna mothusa motsamaisa dipuisano tsa palamente ka 2010. Ke mothusa tautona wa palamente e e kopaneng ya Aforika fa e sale ka Motsheganong 2012.

Dietsele

Kasingo o ne a fiwa tlotla ya o o gaisitseng mo maemong a bobedi, ka Phatwe 2024, ke tautona Nangolo Mbumba. Ka Lwetse 2011, Kasingo o ne a fiwa tlotla ya morutuntshi kwa Jilin university kwa China.