Lucia Witbooi
| Motlotlegi Lucia Witbooi | |
|---|---|
| wa bone [[Mothusa tautona wa Namibia]] | |
| Assumed office Mopitlo a le masome mabedi le bobedi ngwaga wa 2025 | |
| President | Netumbo Nandi-Ndaitwah |
| Pele Ga Gagwe | Netumbo Nandi-Ndaitwah |
| Leloko la palamente | |
| In office Ngwanatsele a le masome mabedi le borobabobedi ngwaga wa 2009 – Mopitlo a le masome mabedi le motso 2025 | |
| Ka Ga Ena | |
| O tsetswe | 1961, Mopitlo a le masomemabedi le motso Gabes, South West Africa |
| Mokgatlho | SWAPO |
| Mo/Bakapelo | Adam Hendrik Witbooi |
| Bana | Ba le bararo |
| Thuto | University of Namibia
Azaliah College University of Port Elizabeth |
Lucia Witbooi (o o tshotsweng ka Mopitlo a le masome mabedi le motso ngwaga wa 1961) ke morutabana le mopolotiki wa kwa Namibia, o e saleng e nna mothusa tautona wa Namibia fa e sale ka 2025. Pele ga a nna mothusa tautona, e ne e le leloko la palamente go tswa ka 2009 go tsena 2025.
Botshelo jwa a le mmotlana
[fetola | Fetola Motswedi]Lucia Witbooi o tsholetswe kwa Gabes, kwa South West Africa,[1] ka Mopitlo a le masome mabedi le motso ngwaga wa 1961,[2] e le mongwe wa bana ba ga Willem Witbooi le Anna Witbooi ba ba lesome le bobedi. Lolwapa lwa gagwe lo ne lwa fudugela kwa Gibeon, Namibia ka 1967, go lema le go rua, mme Lucia o ne a fudugela kwa Keetmanshoop go tsena sekolo.[1]
Witbooi o alogile kwa sekolong se segolwane sa Suiderling ka 1979, ka setlankana se sa borutabana ba bagolwane ba sekolo se se potlana go tswa kwa University of Namibia ka 1996, a aloga gape ka diploma tsa thuto kwa Azaliah College, le diploma tse di fa godingwana tsa thuto kwa University of Port Elizabeth ka 1999. O berekile e le morutabana dingwaga di le masome mabedi le bosupa.[2][3]
Pereko
[fetola | Fetola Motswedi]Ka ditlhopho tsa 2009, Witbooi o ne a tlhophiwa go ya palamenteng ya Namibia e le ntlhopheng wa masome mararo le bone mo lenaaneng la SWAPO.[1][2][4] Ka 2023, o ne a phadisanela go nna mothusa mokwaledi wa SWAPO, mme morago a ikgogela morago.[4]
Ka nako ya Witbooi a le mo palamenteng o berekile mo maphateng a mafatshe a sele, tshireletso, le bong le malwapa, e ne e le mothusa modulasetilo wa tsa tlhaeletsanyo le maranyane. E ne e le mothusa tona wa tekatekano ya bong le tlhokomelo ya bana go tswa ka 2015 go tsena 2020, le mothusa tona wa tsa magae, mesepele, tshireletso go tswa ka 2023 go tsena 2025.[2]
Tautona Netumbo Nandi-Ndaitwah o ne a thapa Witbooi go nna mothusa tona wa Namibia ka Mopitlo a le masome mabedi le bobedi ngwaga wa 2025. Go thapiwa ga gagwe go ne ga dira gore Namibia e nne lone lefatshe fela le le nosi mo Aforika le le nang le tautona le mothusa tautona e le basadi.[3]
Botshelo jwa gagwe
[fetola | Fetola Motswedi]Witbooi o ne a nyalwa ke Adam Hendrik Witbooi a na le dingwaga di le masome mabedi le motso, o ba nang le bana ba le bararo mmogo. O ne a seka a fetola sefane sa gagwe sa tsalo ka ene le Adam ba dirisa sefane se se tshwanang. Adam o ne a tlhokafala mo kotsing ya koloi.[1][4]
Maemo a sepolotiki
[fetola | Fetola Motswedi]Witbooi o gwetlhile Germany go phimola batho ba Namibia dikeledi ka polao ya batho ba merafe ya Herero le Nama.[5]
Metswedi
[fetola | Fetola Motswedi]- 1 2 3 4 "Exactly, who is Lucia Witbooi?". New Era. 20 January 2010. Archived from the original on 31 March 2012.
- 1 2 3 4 "Witbooi, Lucia". Parliament of Namibia. Archived from the original on 24 June 2025. Retrieved 16 October 2025.
- 1 2 Ekanem, Solomon (24 March 2025). "Africa welcomes 18th female vice president as Lucia Witbooi is sworn in". Business Insider. Archived from the original on 24 June 2025.
- 1 2 3 Goreses, Blanche (2023). "Swapo Party MP Lucia Witbooi withdraws from party's Deputy-Secretary General position race". Namibian Broadcasting Corporation. Archived from the original on 24 June 2025.
- ↑ "Witbooi reiterates Namibia's commitment to genocide reparations negotiations with Germany". Informanté. 25 May 2025. Archived from the original on 24 June 2025.