Madagascar

Lefatshe la Madagascar, le semmuso le bidiwang Republic of Madagascar, ke lefatshe le le mo setlhaketlhakeng, le akaretsa setlhaketlhake sa Madagascar le ditlhaketlhake tse dingwe tse dipotlana. Lefatshe le le kwa borwa-botlhaba jwa lotshitsi lwa Aforika, ke setlhaketlhake sa bone ka botona mo lefatsheng ka bophara le sala morago Greenland, New Guinea le Borneo, ke lefatshe la bo masome a mane le borataro ka botona mo lefatsheng lotlhe. Toropokgolo ya lone ebile e le yone e tona mo lefatsheng ke Antananarivo.

Morago ga go kgaogana ga kontinente ya Gondwana, Madagascar o ne a tswa mo Aforika dingwaga di le dimilone di le lekgolo le boferabobedi tse di fetileng, mme la kgaogaogana le ya Indian dingwaga di le dimilone di le masome a ferabongwe tse di fetileng. Kgaogano e e ne ya letla go tlhoga ga ditlhare tsa naga e le go nna teng ga diphologolo.

Tlholego

Ka puo ya Malagasy, setlhaketlhake sa Madagascar se bidiwa Madagasikara mme batho ba koo ba bidiwa Malagasy. Kwa leina le le tlholegang teng ga go itsiwe, go belaesega e le la puo ya kwa ntle le simolotswe ke batho ba Yuropa. Fa se e le boammaruri, ga go itsewe gore leina leo le simolotse go dirisiwa leng ke banni ba setlhaketlhake se.

Pelaesego ya ntlha e amanya Madagascar le lefoko Malay, le le rayang tshimologo ya batho ba Malagasy kwa Indonesia. Mmepe o o tshwantshitsweng ke Muhammad al-Idris o o tswang kwa ngwageng wa 1154, setlhaketlhake se se bidiwa Gesira Malai ka se Arabea. Leina la Malay morago le ne la bolelwa e le se Latin se se reng Malichu.