Maite Nkoana-Mashabane

Maite Emily Nkoana-Mashabane ( o o tshotsweng ka Lwetse a le masome a mararo ngwaga wa 1963), o pele a neng a istege ka leina la Maite Mohale, ke mopolotiki wa kwa Aforika Borwa o o berekileng e le tona wa bomme, banana le batho ba batshelang ka bogole. E ne e e le tona wa ditlhabololo magae le ditsha go tswa ka 2018 go tsena 2019, le e le tona wa mafatshe a sele go tswa ka 2009 go tsena 2018. Nkoana-Mashabane ke leloko la pele la komiti ya African National Congress (ANC).

Botshelo jwa gagwe

Nkoana-Mashabane o tsholetswe kwa Magoebaskloof a godisediwa kwa Ga-Makanye kwa Limpopo. Ka dingwaga tsa 1980, e ne e le leloko le le maltlhagatlhaga la United Democratic Front a bereka mo makgotleng a a farologaneng a Mass Democratic Movement le African National Congress.

Morago ga go tlhoka go kganelwa ga ANC ka 1990, o ne a bereka mo phathing mo makgotlheng a a farologaneng, a akaretsa la bomme ba ANC (ANCWL), a na le seabe mo go ntshafadiweng ga ANCWL mo lefatsheng ka bophara. Nkoana-mashabane o ne a tlhomiwa moemedi wa Aforika Borwa kwa India le Malaysia.

O berekile e le modulasetilo wa ANCWL kwa Limpopo le e le leloko la komiti ya (NWC) go tswa ka 1992 go tsena 1995.

Fa a boela Aforika Borwa, Nkoana Mashabane o ne a nna Mokhanselara wa magae le matlo wa Limpopo.

Ka Morule 2012, Nkoane-Mashabane o ne a tlhophiwa gape e le leloko la komiti ya phathi e e busang kwa bokopanong jwa masome matlhano le boraro kwa Mangaung, kwa kgaolong ya Free State. Tlhopho ya gagwe ya ntlha mo khanseleng e ne e le kwabokopanong jwa phathi ka Morule 2007, jo bo neng bo tshwaretswe kwa Polokwane.

Tautona Joacob Zuma o thapile Nkoana-Mashabane e le tona wa mafatshe a sele ka Motsheganong a le malatsi a robabongwe ngwaga wa 2009. Zuma o ne a gana dikgakololo tsa gore ke go thapiwa mo go sa tlwaelesegang ka Nkoane-mashabane a ne a sena kitso e e stenelesteng ya melao ya mafatshe a sele, a re ANC e itse dinonofo tsa gagwe, a supa le gore ke leloko la komoti kgolo ya ANC.