Margaret Jacobsohn

Margaret Jacobsohn
Tsalo	Pretoria Aforika Borwa
Tiro	Moitseanape wa tsa tikologo
Tsala	Garth Owen-Smith
Batsadi(s)	Cyril Jacobsohn (rraagwe) Dorothy Jacobsohn (mmaagwe)
Masika	Neil Jacobsohn Brian Jacobsohn Bianca Jacobsohn Jade Jacobsohn Triston Jacobsohn Craig Jacobsohn
O fetheletse	Goldman Environmental Prize (ka 1993) Global 500 Roll of Honour (ka 1994)

Margaret Jacobsohn ke moitseanape wa tsa tikologo go tswa kwa Namibia. O kile a atswiwa ka seetsele sa Goldman Environmental Prize ka 1993, se a neng a se kopanetse le Garth Owen-Smith, ka maiteko a bone a go somarela diphologolo kwa magaeng a Namibia.

Botshelo jwa gagwe

O tsholetswe kwa Pitori, kwa Aforika Borwa. O ne a nna mmereki wa lekgotla le le ikemetseng la kwa Namibia. Fa e sale ka 1983, kwa bokone bophirima jwa Namibia, ene le le Garth Owen-Smith ba ntse ba lwa kgatlhanong le go tsoma mo go sa letlelesegeng, mo go nyeleditseng mefuta ya diphologolo e tshwana le dinare tse dintsho le ditlou tsa sekaka, le itsholelo le tlhabololo matshelo a batho mo gae. Ka dikgato tsa bone, go bolaya diphologolo go laolesega botoka. Di tsa tlholego tse dingwe, di tshwana le ditlhare tsa mokolwane, motshikhiri, difetolammala tsa dimela le tswii, di beilwe leitlho. O ne a nna le kgatlhego mo beng gae ba lotso lwa Himba, a kwala buka ka ngwaga wa 2003 ka bone e bidiwa, Himba, nomads of Nambia. Ke bangwe ba merafe e le mmalwa fela ya Aforika e e neng e dirisa letsoku e le setlolo sa mmele otlhe se bidiwa otjize. Setlhopha sa Himba pele e ne e le sa morafe wa ba Herero.

O ne a atswiwa ka seetsele sa Goldman sa tikologo ka 1993, a se kopanetse le Garth Owen-Smith, le sa Global 500 Roll of Honour ka 1994. Ka ngwaga wa 1996, morago ga mananeo a bone, puso ya Namibia e amogetse molao wa go somarela mafelo a a kopanetsweng. Phetolo e ya molao e letlelela merafe ya magae e e nnang mo lefatsheng le e leng la puso go tlhokomela le go anywa dikatso tsa diphologolo tsa naga ka tsela e e tshwanang le ya barui mo merakeng ya bone.

Ditiro

• Himba, nomads of Namibia, dinepe ka Peter le Beverly Pickford, mokwalo ka Margaret Jacobsohn, 2003
• Margaret Jacobsohn le mopati wa gagwe ba itsege thata e le batlhami ba tshomarelo tikologo, maiteko a bone a go bereka mmogo a dirile gore tselaya go somarela tikologo ya Namibia e elediwe e be e dirisiwe mo Aforika ka bophara. Ba tlhamile lekgotla la tshomarelo tlholego le tlhabololo magae le le bidiwang IRDNC ka go bereka mmogo le baeteledipele ba magae ka dingwaga tsa 1980 go fedisa go tsomiwa ga diphologolo mo go neng go ile magoletsa kwa kgaolong ya bokone bophirima jwa Namibia. Morago ga go ithola marapo mo bogoging jwa IRDNC, Garth le Margie Jacobsohn ba ne ba thusa go ruta kompone ya Conservancy Safaris Namibia ya bojanala e e leng ya batho ba morafe wa Himba ba le batlhano.

Dietsele

Margaret Jacobsohn o atswilwe ka seetsele sa tikologo sa Goldman ka 1993 ka tiro ya bone ya go thusa ditšhaba tsa magae go amanya tlhabololo itsholelo le matshelo a batho le tdshomarelo ya tse di kgatlhisang tsa kgaolo eo.

Ka ngwaga wa 2015, seetsele sa tshomarelo tikologo mo Aforika sa Prince William se ne sa neelwa Garth Owen-Smith go lemoga seabe sa gagwe le Dr. Margaret Jacobsohn mo go tsosoloseng le go somarela makgabisa naga kwa Namibia.