Margaret Kenyatta

Margaret Kenyatta
Mohumagadi wa Kenya Margaret Kenyatta
Mohumagadi wa Kenya
In office Moranang a robabongwe ngwaga wa 2013 – Lwetse a le lesome le boraro ngwaga wa 2022
Pele Ga Gagwe	Lucy Kibaki
Morago Ga Gagwe	Rachel Ruto
Ka Ga Ena
O tsetswe	Moranang a robabobedi ngwaga wa 1964
Mo/Bakapelo	Uhuru Kenyatta
Bana	Ba bararo

Margaret Gakuo Kenyatta ( o o tshotsweng ka Moranang a le malatsi a robabobedi ngwagagwa 1964) ke morutuntshi wa kwa Kenya o o berekileng e le mohumagadi wa Kenya go tswa ka 2013 go tsena 2022. O nyetswe ke Uhuru Kenyatta, tautona o o sa tswang go tswa mo setilong sa botautona kwa Kenya.

Botshelo jwa gagwe

Maragaret Wanjiru Gakuo o tshotswe ka Moranang a le malatsi a robabobedi ngwaga wa 1964, a tsholwa ke rre wa mo kenya, Njuguna Gakuo, mookamedi wa pele wa koporase ya diterena ya Kenya, le mme wa mo Jeremane, Magdalena. O tsene sekolo kwa Kianda School, St. Andrews School kwa molo, Kenya, a amogela Bachelor of Education go tswa kwa Kenyatta University.

Go lwela ditshwanelo

Kenyatta o supile maikutlo a gagwe ka palo ya dikgang tsa selegae kwa Kenya, tse di akaretsang botsogo jwa bomme le bana. Go na le lephata la bomme le bana kwa sepateleng se se reeletsweng ka ene.Kenyatta o rotloeditse balwetsi go lwantsha kankere ka go tlhatlhobiwa go sale nako, ba itlhatlhobele kankere ya mabele le ya popelo, le go lwantsha sukiri ka go tshela botshelo jo bo siameng. Kenyatta ke mo ema nokeng wa dithulaganyo tsa thuto le bopelotlhomogi kwa Kenya, o tsere karolo mo go bulweng ga sekolo sa WE Charity kwa Narok, le go rotloetsa go sirelediwa ga mafelo a ditso le digopotso.

Batho ba Kenya fa ba bua ka ene gantsi ba itebaganya le kapari le maitshwaro a gagwe, ba kgala go nna bonolo ga gagwe. Fa asale a tlhomiwa, Kenyatta o eteletse pele letsholo la Beyond Zero, go fokotsa dipalo tsa mase a a tlhokafalang ka nako ya pelegi. Ka Phalane a le masome mabedi le bone ngwaga wa 2014, o ne a fiwa tlotla ya motho wa Kenya wa ngwaga. O tsena kereke ya katoliki, gape ke moithuti wa pele wa sekolo sa basetsana sa katoliki sa Kianda.