Maria do Céu
Maria do Céu da Silva Lopes Federer kana Maria do Céu (o tshotswe ka 1957) ke mothusa batho kwa East Timor le lepolotiki, o ne a emetse ditlhopho tsa bo tautona ka ditlhopho tsa 2012.
Botshelo jwa gagwe
[fetola | Fetola Motswedi]Maria do Céu da Silva Lopes Federer o ne a tsholelwa kwa Setlhaketlhakeng sa Atauro, kwa Portugal ka 1957. Rraagwe e ne e le mmegadikgang e bile e le mmueledi yo o neng a sa dumalane le puso. E ne e le moitse wa dipuo yo o neng a kgona go bua dipuo di le thataro. Le ene e ne e le leloko la mokgatlho o o neng o lwantsha puso mme o ne a tsamaya fa gare ga Australia le East Timor le fa gone a godiseditse lelapa la gagwe kwa Australia. E ne e le mongwe wa bathei ba mokgatlho o e seng wa mmuso o ba neng ba o bitsa Timor Aid.[ 1]
Ka 2003 o ne a neela bosupi kwa theetsong ya setšhaba ka ga tshwaro e e sa siamang ya bagolegwa ba sepolotiki kwa tshimologong ya dingwaga tsa bo1980. O ne a bolela gore o ne a bona batsofe, basadi le bana ba goroga kwa setlhaketlhakeng sa Atauro koo a neng a dira gone jaaka modiri wa namolo. Bano e ne e le batho ba ba neng ba tsieditswe gore ba ye koo ka gonne ba ne ba dumela gore ba ne ba tlile go nna lobakanyana fela koo mme ba ne ba goroga ba se na dithoto tse dintsi. Le fa seemo se ne se le bonolo mo setlhaketlhakeng basadi bangwe ba ne ba sotliwa ka tsa tlhakanelodikobo mme bana ba le bantsi ba ne ba swa ka ntlha ya leroborobo la kholera.[ 2]
Mo go one ngwaga oo o ne a etelela pele Comissão Nacional de Eleições e e neng ya rulaganya ditlhopho. O ntse a dira dipatlisiso ka buka e e buang ka balweladiphetogo ba ba sa itsiweng ba kwa East Timor. O ne a tsenela ditlhopho tsa mopresidente ka 2012 mme a bona 0.4% ya diboutu.
Metswedi
[fetola | Fetola Motswedi][1] Timor Leste: Maria do Ceu Lopes da Silva Archived 2015-02-20 at the Wayback Machine, Radio National, CLASSIC LNL:, Friday 4 November 2011
[2] History of the Conflict Archived 2016-07-07 at the Wayback Machine, Part 3, cavr-timorleste.org, retrieved 11 February 2015