Mariam Chabi Talata

Mariam Chabi Talata Zimé Yérima (o tshotswe ka kgwedi ya Phukwi ele supa (7) ka ngwaga wa1963), ke mopolotiki wa kwa Benin yo o ntseng e le Motlatsa-Tautona wa Benin go tloga ka ngwaga wa 2021. Pele a nna motlatsa Tautona e ne e le leloko la Kokoano Bosetšhaba le mokhanselara wa mmasepala kwa Parakou.

Botshelo le thuto

Mariam Chabi Talata Zimé o belegetswe kwa Bembèrèkè, kwa Benin, ka kgwedi ya Phukwi ele supa (7) ka ngwaga wa 1963. O ne a tsena sekolo sa Centre D kwa Parakou, Camp Guézo kwa Cotonou, Gbégamey Middle General Education College, 1st General Middle General Education College, le CEG Akpakpa Centre pele a fetsa dithuto tsa gagwe tsa sekontari ka ngwaga wa1985. O ne a aloga kwa Yunibesithing ya Bosetšhaba ya Benin ka dikirii ya filosofi ka ka ngwaga wa 1988.

Tiro

Thuto

Talata o ne a rutwa go nna morutabana kwa Ecole Normale Supérieure de Porto-Novo [fr] mme a aloga ka ngwaga wa 1991. O ne a nna morutabana ka ngwaga wa 1992, mme a dira kwa Collège d'Enseignement Général 1 kwa Natitingou le CEG 1 kwa Parakou. E ne e le Motlhatlhobi wa Thuto wa Lefapha la Borgou le Alibori go tloga ka ngwaga wa 2013 go fitlha ka ngwaga wa 2016. Ka ngwaga wa 2016, o ne a tlhophiwa jaaka Mokaedi wa Thuto ya Sekontari ya Kakaretso.

Dipolotiki

Mo ditlhophong tsa ngwaga wa 2019 Talata o ne a fenya setilo mo Kokoanong Bosetšhaba. E ne e le mokhanselara wa mmasepala kwa Parakou.

Patrice Talon o tlhophile Talata go nna motlatsa Tautona wa gagwe mo ditlhophong tsa bo Tautona tsa ngwaga wa 2021. Talon o ne a ntsha leina la gagwe mo sekhurumelong morago ga go retelelwa ke go tlhopha mo lenaaneng le le tlhophilweng la ba ba neng ba tlile go nna batlhophiwa. Talon o ne a tswa kwa bokone jwa Benin fa Talata ene a ne a tswa kwa borwa. Tekete ya bone e ne ya fenya mme a nna motho wa ntlha go tlhophiwa jaaka Motlatsa-Tautona wa Benin.

Botshelo jwa gagwe

Talata o nyetse Zimé Yerima, yo a nang le bana ba le bane.