Marie-Antoinette Mobutu

Marie-Antoinette Mobutu
Marie-Antoinette kwa Kinshasa, Morananang 1977
Mohumagadi wa Zaire
In office Ngwanatsele a le masome mabedi le bone ngwaga wa 1965 – Phalane a le masome mabedi le bobedi ngwaga wa 1977
President	Mobutu Sese Seko
Morago Ga Gagwe	Bobi Ladawa Mobutu
Ka Ga Ena
O tsetswe	1941 Banzyville Belgian Congo
O Tlhokafetse	Phalane a le masome mabedi le bobedi ngwaga wa 1977 Genolier Switzerland
Mo/Bakapelo	Mobutu Sese Seko
Bana	Ba robabongwe ba akaretsa Kongulu Mobutu

Marie-Antoinette Mobutu (Marie-Antoinette Gbiatibwa Gogbe Yetene o o tshotsweng ka 1942 kwa Banzyville, a tlhokafala ka Phalane a le masome mabedi le bobedi ngwaga wa 1977 kwa Genolier, Switzerland), o o itsegeng gape ka leina la Mama Mobutu, e ne e le mosadi wa ntlha wa ga Mobutu Sese Seko, gape e le mohumagadi wa Zaire.

Botshelo jwa gagwe

Marie-Antoinette ke wa morafe wa Ngbandi a tsholetswe kwa Banzyville (kwa e leng Mobayi-Mbongo) kwa kgaolong ya Équateur ka 1941, fa lefatshe la Congo le santse le le mo taolong ya bokolone ya Belgium. O kopane a bo a nyalana le Joseph-Désiré Mobutu, o le ene e leng wa lotso lwa Ngbandi, o morago a neng a nna lesole le le sa neelwang maemo ape mo sesoleng sa lefatshe, ka ngwaga wa 1955 a le dingwaga di le lesome le bone. Ngwaga oo, o ne a belega ngwana wa bone wa ntlha wa mosimabe, Jean-Paul "Nyiwa". O tsene dikolo tsa bodiredi jwa katoliki, a ema nokeng kereke ya katoliki le ntswa monna wa gagwe a ne a gotlhagotlhana le baruti ba kereke ya katoliki morago.

Bana

Marie-Antoinette o tshotse bana ba le bantsi go feta basadi ba bangwe ba ga Mobutu, bana ba ferabongwe:

• Jean-Paul "Nyiwa"
• Ngombo;
• Manda;
• Konga
• Ngawalu
• Yango
• Yakpwa
• Kongulu
• Le Ndagbia.

Loso lwa gagwe

Marie-Antoinette o tlhokafetse ka ntlha ya go lwala pelo ka Phalane a le masome mabedi le bobedi ngwaga wa 1977 kwa Genolier Switzerland, a le dingwaga di le masome a mararo le borataro. Morago ga a sena go tlhokafala, sefikantswe se setona se ne sa diriwa go mo fa tlotla. O bolokilwe kwa Gbadolite, kwa ntle ga kereke e a neng a boloketswe kwa go yone pele go bapa le monna wa gagwe. Masika a gagwe a ne a fudusa setopo sa gagwe go tswa kwa kerekeng ka e ne e sentswe dingwaga fela morago ga go bolokiwa ga ga Mobutu.

Dietsele

• O neetswe tlotla ya Grand cordon ya Order of Propitius Clouds (kwa Taiwan ka 1971)