Jump to content

Mary Maxwell Gates

Tsenya dikgolaganyo
Go tswa ko Wikipedia

Mary Ann Gates (née Maxwell; o tshotswe ka kgwedi ya Phukwi e thola botlhano (5) ka ngwaga wa 1929  abo a thokafala ka kgwedi ya Seetebosigo e le lesome (10) ka ngwaga wa 1994) e ne e le banka ya kwa Amerika, molwela-ditshwanelo, motsamaisi yo o sa direng poelo, le morutabana. E ne e le moporesidente wa ntlha wa mosadi wa King County's United Way, mosadi wa ntlha go nna modulasetilo wa komiti ya khuduthamaga ya bosetšhaba ya United Way's koo a neng a direla segolo bogolo le CEO wa IBM, John Opel, le mosadi wa ntlha mo lekgotleng la batsamaisi ba First Interstate Bank of Washington.[1]

O ne a direla mo dikomiting tsa dikhampani tse dikgolo tse di farologaneng go akaretsa First Interstate Bank, Unigard Security Insurance Group, le Pacific Northwest Bell. O ne gape a direla dingwaga di le lesome le boferabobedi (18) (1975-1993) kwa yunibesithing ya Washington mo lekgotleng la batsamaisi ba yunibesithi.[1][2][3]E ne e le mmaagwe Bill Gates, mothei-mmogo wa Microsoft.

Botshelo jwa gagwe

[fetola | Fetola Motswedi]

Mary Ann Maxwell o tsholetswe kwa Seattle, Washington ka kgwedi ya Phukwi e thola botlhano (5) ka ngwaga wa 1929, ke James Willard Maxwell (Nebraska, 1901-1960), yo e neng e le ramatlotlo,[4]le mosadi wa gagwe, yo a mo nyetseng ka ngwaga wa 1927, Adele Thompson (c. 1903-1987, o ka tswa a tsholetswe kwa Enumclaw, Washington).[5][6]Rremogolo wa gagwe, James Willard Maxwell (1864-1951), e ne e leTautona wa National City Bank kwa Seattle go tloga ka ngwaga wa 1911 go fitlha ka ngwaga wa 1929 le mokaedi wa lekala la Seattle la Federal Reserve Bank ya San Francisco.

O ne a aloga kwa Sekolong se Segolo sa Roosevelt kwa Seattle mme morago a tsena kwa Yunibesithing e e gaufi ya Washington, koo a neng a amogela dikirii ya thuto ka ngwaga wa 1950. O ne a nyalwa ke William H. Gates, Sr. ka ngwaga wa 1951,[7]mme o ne a ruta kwa sekolong mo masimologong a bo1950. Morago ga gore monna wa gagwe a tlhome tiro ya molao e e neng ya nna Preston Gates & Ellis kwa Seattle, Gates o ne a retologela mo ditirong tse di farologaneng tsa setšhaba. Tiro ya boithaopo ya ga Gates kwa Seattle le kwa King County e ne e akaretsa go direla mo dikomiting tsa Children's Hospital Foundation, Seattle Symphony, Greater Seattle Chamber of Commerce, United Way of King County, le mekgatlho e mengwe e e sa direng poelo. O ne a direla jaaka Moporesidente wa Junior League of Seattle go tloga ka ngwaga wa 1966 go fitlha ka ngwaga wa 1967.

O ne a na le bana ba le bararo, yo mongwe wa bone e leng Bill Gates yo e leng motlhami wa Microsoft.[1][2]

Ka ngwaga wa 1975, Mmusi Daniel J. Evans o ne a thapa Gates mo lekgotleng la batsamaisi ba yunibesithi ya gaabo, koo a neng a etelela pele mokgatlho o o neng o le mo lekgotleng go rekisa diyunibesithi tsa Washington mo Afrika Borwa go ipelaetsa kgatlhanong le tlhaolele. Mo godimo ga moo, Gates o ne a direla mo UW Foundation Board of Directors, UW Medical Center Board, le UW School of Business Administration's Advisory Board.

Gates o ne gape a direla dingwaga di le dintsi mo dikomiting tsa dikhampani di le mmalwa tse dikgolo: First Interstate Bank of Washington; Unigard Security Insurance Group; Pacific Northwest Bell Telephone Company, e e neng ya nna USWEST Communications; le KIRO Incorporated.

Kwa ntle ga kgaolo ya Seattle, Gates o ne a tlhophiwa go nna mo lekgotleng la batsamaisi ba United Way ya bosetšhaba ka ngwaga wa 1980, a nna mosadi wa ntlha go e etelela pele ka 1983. Go dumelwa gore go nna ga gagwe mo komiting ya khuduthamaga ya lekgotla la bosetšhaba go thusitse Microsoft, e e neng e le kwa Seattle, ka nako e e botlhokwa thata. Ka ngwaga wa 1980, o ne a buisana le John Opel, yo le ene e neng e le leloko la komiti, le modulasetulo wa International Business Machines Corporation (IBM) ka khampani ya ga morwawe. Opel, go ya ka dipego dingwe, e ne ya bua ka Mmè Gates o ne a bolelela baokamedi ba bangwe ba IBM. Dibeke di le mmalwa morago ga moo, IBM e ne ya tsaya tshono ya go hira Microsoft, e ka nako eo e neng e le setlamo se sennye sa software, go tlhabolola thulaganyo ya tiriso ya khomputara ya yone ya ntlha ya botho. [2]

Gates o tlhokafetse a le dingwaga di le masome a borataro le bone (64) ka kgwedi ya Seetebosigo le lesome (10), ka ngwaga wa 1994, kwa legaeng la gagwe kwa Laurelhurst mo tikologong ya Seattle morago ga go lwala kankere ya mabele ka dikgwedi di le mmalwa.[8]Fa e sale ka nako eo, lelapa la gagwe le tlhomile matlole a mabedi ka leina la gagwe kwa Yunibesithing ya Washington. Mary Gates Hall ya UW e reeletswe ka ene mme e na le Lefapha la Dithuto tsa Bokaedi la UW, Ofisi ya Dithuto tsa Bokaedi le Bontsi, Lefapha la Tiro, le Sekolo sa Tshedimosetso. Seterata se se kwa karolong ya bokone-botlhaba jwa khamphase, se pele e neng e le Union Bay Place, se reeletswe ka ene.

Morago ga loso lwa gagwe, go ne ga senolwa gore o ne a lebagane le maiteko a go mo tsaya ka dikgoka dingwaga di le mmalwa pele ga foo.[9][10]

  1. 1 2 3 Andrews, Paul (June 10, 1994). "Mary Gates dies – cancer claims longtime Seattle civic leader and mother Of Microsoft founder Bill Gates". Seattle Times. Archived from the original on June 3, 2016. Retrieved May 2, 2016.
  2. 1 2 3 "Mary Gates, 64; helped her son start Microsoft". New York Times. (obituary). June 11, 1994. Archived from the original on April 20, 2016. Retrieved May 2, 2016
  3. ↑ "Long cancer battle claims Mary Gates". Spokesman-Review. Spokane, Washington. Associated Press. June 11, 1994. p. A10.
  4. ↑ "rites planned tomorrow for J.W. Maxwell". Seattle Times. 1951
  5. ↑ James Wallace; Jim Erickson (April 1, 1993). Hard drive: Bill Gates and the making of the Microsoft empire. HarperCollins. ISBN 978-0-88730-629-7. Retrieved November 3, 2011.
  6. ↑ Ancestry of Bill Gates Archived June 12, 2010, at the Wayback Machine. wargs.com
  7. ↑ "Wedding day photos". Tacoma Public Library. May 11, 1951. Archived from the original on June 1, 2016. Retrieved May 2, 2016.
  8. ↑ Mary Maxwell Gates dies on June 10, 1994. Archived June 4, 2011, at the Wayback Machine
  9. ↑ "Gates' family secret". Milwaukee Journal. March 17, 1995. p. A2
  10. ↑ "Gates says mother was kidnap victim". Toledo Blade. Ohio. Associated Press. March 17, 1995. p. 28
Retrieved from "https://tn.wikipedia.org/w/index.php?title=Mary_Maxwell_Gates&oldid=46678"