Mase Manopole

Mase Manopole
Mokhanselara wa Kapa Bokone wa tlhabololo lefatshe, temothuo le pabalelo ya tikologo le tlholego
Incumbent
Assumed office Seetebosigo a le masome mabedi le borataro ngwaga wa 2020
Premier	Zamani Saul
Pele Ga Gagwe	Nomandla Bloem
Mokhanselara wa botsogo wa Kapa Bokone
In office Motsheganong a le masome mabedi le borobabongwe ngwaga wa 2019 – Seetebosigo a le masome mabedi le borataro ngwaga wa 2020
Premier	Zamani Saul
Pele Ga Gagwe	Fufe Makatong
Morago Ga Gagwe	Maruping Lekwene
Leloko la palamente ya Kapa Bokone
Incumbent
Assumed office Phalane a le lesome ngwaga wa 2017
Moemedi wa sennela ruri wa khansele ya dikgaolo
In office Motsheganong a le masome mabedi le bobedi ngwaga wa 2014 – Phalane a le lesome ngwaga wa 2017
Ka Ga Ena
O tsetswe	Galerekwe mase Manopole Phalane a le lesome le boraro ngwaga wa 1971
Mosetshaba wa	mo Aforika Borwa
Mokgatlho	African national Congress
Bana	Ba le babedi
Alma mater	University of the Western Cape
Tiro	Mopolotiki

Galerekwe Mase Manopole ( o o tshotsweng ka Phalane a le masome mararo ngwaga wa 1971) ke mopolotiki wa kwa Aforika Borwa o o berekileng e le mokhanselara wa tlhabololo ditsha, temothuo, pabalelo ya tlholego le tikologo kwa Kapa Bokone fa e sale ka Seetebosigo 2020. E ne e le mokhanselara wa botsogo go tswa ka Motsheganong 2019 go tsena Seetebosigo 2020. O nnile leloko la palamente ya Kapa Bokone ka Phalane 2017. Go tswa ka Motsheganong 2014 go tsena Phalane 2017, e ne e le moemedi wa khansele ya dikgaolo a emetse Kapa Bokone. Manopole ke leloko la African National Congress.

Botshelo jwa a le mmotlana le thuto

Manopole o tshotswe ka 1971 e le ngwana wa botlhano mo baneng ba le barataro. Mmaagwe o berekile e le morutabana, fa rraagwe e ne e le mogwebi. O goletse kwa Warrenton. Morago ga go aloga ka matric, o ne a ikwadisa go dira degree ya thekiso le boeteledipele kwa Central University of Technology. O ne a seka a kgona go fetsa dithuto tsa gagwe, ka a ne a tshwanetse go thusa rraagwe ka kgwebo ya gagwe. Morago o ne a dira setlankana tsa tlhabololo itsholelo kwa University of the Western Cape ka 2007.

Polotiki

Manopole o berekile mo boeteledi pele jwa lekgotla la banana ba Aforika Borwa. O ne a le motshwara madi wa lekgotla la babereki ba botsogo le thuto, e le modulasetilo wa lekgotla la babereki ba Aforika Borwa. Morago ga ditlhopho tsa 2014, o ne a tlhomamisiwa go nna moemedi wa khansele ya dikgaolo wa sennela ruri, kwa palamenteng ya Aforika Borwa. E ne e le mongwe wa baemedi ba sennela ruri ba barataro kwa Kapa Bokone.

Ka Phalane a le lesome ngwaga wa 2017, Manopole o ne a tlhomamisiwa e le leloko la palamente ya Kapa Bokone.

Puso ya kgaolo

Morago ga ditlhopho tsa Motsheganong a robabobedi ngwaga wa 2019, Zamani Saul o ne a tlhophiwa go nna moeteledipele. O ne a tlhopha Manopole mo maemong a leloko la khansele ya botsogo ka Motsheganong a le masome mabedi le borobabongwe ngwaga wa 2019. O ne a tlhatlhama Fufe Makatong.

Ka Seetebosigo a le masome mabedi le borataro ngwaga wa 2020, Saul o ne a tlhopha manopole go nna mokhanselara wa tlhabololo ditsha, temothuo le pabalelo tikologo le tlholego. O tsene mo ofising eo ka letsatsi lone leo, a tlhatlhama Nomandla Bloem. Maruping Lekwene o ne a mo tlhatlhama jaaka mokhanselara wa botsogo.

Morago ga ditlhopho tsa 2024, Manopole o ne a tswelela e le mokhanselara wa tlhabololo ditsha, temothuo, pabalelo tikologo le tlholego kwa khanseleng e e eteletsweng pele ke Saul.

Botshelo jwa gagwe

Manopole o nyetswe ka 1996. O ne a fudugela kwa Kimberley. O tlhadilwe ka 2007, o na le bana ba basimane ba le babedi go tswa mo lonyalong loo.